ក្រៅពីមានរសជាតិឆ្ងាញ់ នៅមានហេតុផលជាច្រើនទៀត ដែលយើងគួរតែញ៉ាំផ្លែប៉ោម។ ផ្លែដែលមានសាច់ពណ៌ស ជាមួយនឹងសំបកពណ៌ក្រហម លឿង ឬបៃតងនេះ នៅមានគុណប្រយោជន៍សុខភាពជាច្រើនទៀត (ញ៉ាំទាំងសម្បក កាន់តែល្អ ព្រោះសារធាតុសំខាន់ៗ មាននៅលើសម្បកផ្លែប៉ោម)។ខាងក្រោមនេះ គឺជាគុណប្រយោជន៍សុខភាព៥យ៉ាងនៃផ្លែប៉ោម៖
១- ជួយប្រយុទ្ធប្រឆាំងនឹងជំងឺមហារីក
ការស្រាវជ្រាវ ជាច្រើនបានបង្ហាញថា សារធាតុមួយចំនួនដែលរកឃើញនៅក្នុងផ្លែប៉ោម អាចការពារមូលេគុលអុកស៊ីសែន ពីការបំផ្លាញកោសិកា ដែលអាចគ្រប់គ្រងលើការលូតលាស់នៃកោសិកានៃជំងឺមហារីកបាន។
ការ សិក្សានៅអ៊ីតាលី ក៏បានរកឃើញដែរថា អ្នកដែលទទួលទានផ្លែប៉ោមជារៀងរាល់ថ្ងៃ អាចកាត់បន្ថយគ្រោះថ្នាក់នៃការកើតជំងឺមហារីកបានជាច្រើនប្រភេទ ដែលមានដូចជា មហារីកដោះ មហារីកក្រពេញប្រូស្ដាត មហារីកពោះវៀនធំ មហារីកបំពង់អាហារ និងមហារីកមួយចំនួនទៀត បានពី ៩ ទៅ៤២ភាគរយ។
២- បន្ថយកម្រិតកាឡូរី
សារធាតុផ្សំសំខាន់ពីរយ៉ាងគឺ Pectin (ប្រភេទនៃហ្វៃប៊ើ) និង Polyphenols (សារធាតុប្រឆាំងអុកស៊ីតកម្ម) នៃផ្លែប៉ោម អាចបន្ថយកម្រិតកូឡេស្ទេរ៉ូលបានរហូតដល់ ១០ភាគរយ។
៣- ធ្វើឲ្យអ្នកកាន់តែឆ្លាតផ្លែប៉ោមអាចជួយបំប៉នខួរក្បាល អ្នកឲ្យមានការចងចាំបានល្អ ព្រោះវាអាចជួយជម្រុញនូវផលិតកម្មនៃ Acetylcholine ដែលជាធាតុគីមីម្យ៉ាងដែលជួយបញ្ជូនសារទៅវិញទៅមករវាងកោសិកាសរសៃប្រសាទនីមួយៗ។
ការសិក្សាពីអ្នកជំនាញបានបញ្ជាក់ថា សារធាតុ Quercetin នៅក្នុងផ្លែប៉ោម អាចជួយទប់ស្កាត់ការខូចខាតនៃកោសិកាខួរក្បាល ដែលអាចអភិវឌ្ឍទៅជាជំងឺខួរក្បាលបានទៀតផង។
៤- កាត់បន្ថយជំងឺទឹកនោមផ្អែម
សារធាតុ Pectin នៅក្នុងផ្លែប៉ោម អាចផ្គត់ផ្គង់នូវអាស៊ីត Galacturonic ទៅកាន់រាងកាយអ្នកបាន ដែលវាអាចជួយធ្វើឲ្យស្ថេរភាពនៃកម្រិតជាតិស្ករក្នុងឈាម និងកម្រិតអាំងសូលីន ដែលកាត់បន្ថយអត្រាកើតជំងឺទឹកនោមផ្អែមបាន។
មិនត្រឹមតែប៉ុណ្ណោះទេ ជាតិផ្អែមធម្មជាតិដែលមាននៅក្នុងផ្លែប៉ោម ក៏អាចជួយឲ្យអ្នកមានអារម្មណ៍ថាឆ្អែតបានយូរទៀតផង។
៥- ជួយសម្អាតធ្មេញ
ផ្លែប៉ោមជួយបង្កើនផលិតកម្មទឹកមាត់ ដែលអាចកម្ចាត់នូវបាក់តេរី នឹងជួយកាត់បន្ថយកំណកកំបោរដែលនៅជាប់នឹងធ្មេញបានទៀតផង។ បន្ថែមលើនេះទៀត សារធាតុអាស៊ីតធម្មជាតិ នៅក្នុងផ្លែប៉ោម ក៏អាចជួយធ្វើឲ្យធ្មេញស្អាត និងធ្វើឲ្យមានខ្យល់ដកដង្ហើមបរិសទ្ធផងដែរ។
|
អស់លោកអ្នក ដែលកំពុងទស្សនាគេហទំព័រនេះជាទីគោរព:
|
0 comments:
Post a Comment