ម្ដាយខ្វះអាហារអាចឲ្យកូនកើតទឹកនោមផ្អែម

ស្រ្ដីមានផ្ទៃពោះ

អ្នកវិទ្យាសាស្រ្ដមួយក្រុមបានរកឃើញថា ម្ដាយដែលខ្វះរបបអាហារអំឡុងពេលមានគក៌ អាចធ្វើឲ្យកើនឡើងនូវគ្រោះថ្នាក់នៃការវិវឌ្ឍទៅរកជំងឺទឹកនោមផ្អែមរបស់កូនក្នុងផ្ទៃ នៅពេលពួកគេឈានដល់វ័យចាស់។

ក្រុមអ្នកជំនាញបានលើកឡើងថា ការទទួលអាហារត្រឹមត្រឹមពិតជាមានសារៈសំខាន់ណាស់ក្នុងអំឡុងពេលមានផ្ទៃពោះ។

ការសិក្សាស្រាវជ្រាវនេះ បានបង្ហាញថា ការទទួលអាហារខ្វះជីវជាតិ អាចធ្វើឲ្យបាត់បង់នូវហ្សែនម៉្យាងដែលមានឈ្មោះថា Hnf4a ដែលជាហ្សែនដែលដើរតួនាទីសំខាន់ក្នុងការការពារកុំឲ្យកើតជំងឺទឹកនោមផ្អែម។

អ្នកស្រី វេជ្ជបណ្ឌិត Susan Ozanne មកពីសាកលវិទ្យាល័យ ខេមប្រ៊ីជ ដែលដឹកនាំការស្រាវជ្រាវនេះ បាននិយាយថា ការស្រាវជ្រាវនឹងនៅតែបន្តធ្វើតទៅទៀត។ អ្នកស្រីបានបន្ថែមទៀតថា ការទទួលទានអាហារដែលត្រឹមត្រូវ គឺមានសារៈប្រយោជន៍ខ្លាំងណាស់ចំពោះមនុស្សគ្រប់រូប ប៉ុន្តែការទទួលទានអាហារដែលត្រឹមត្រូវ ក្នុងអំឡុងពេលមានផ្ទៃពោះ គឺកាន់តែមានប្រយោជន៍ថែមទៀត ពីព្រោះវាទាក់ទងដល់ទារកដែលនៅក្នុងផ្ទៃ។

ដោយសារតែមានការពិបាកក្នុងការធ្វើតេសន៍លើស្រ្ដីមានផ្ទៃពោះ ទើបក្រុមអ្នកស្រាវជ្រាវបានយកសត្វកណ្ដុរមកជំនួសវិញ។ ពួកគេបានឲ្យចំណីរដែលខ្វះជីវជាតិ ប្រូតែនឲ្យទៅសត្វកណ្ដុរដែលកំពុងមានកូន ហើយជាលទ្ធផលបានបង្ហាញថា មានអត្រានៃការផ្ទុកនូវជំងឺទឹកនោមផ្អែមប្រភេទទី២ ទៅលើកូនកណ្ដុរ ដូចដែលក្រុមអ្នកស្រាវជ្រាវបានរំពឹងទុក។

អស់លោកអ្នក ដែលកំពុងទស្សនាគេហទំព័រនេះជាទីគោរព:
អាន ខ្មែរជាគេហទំព័រដែលផ្តល់ពហុអត្ថប្រយោជន៍ និងលើកស្ទួយ ការប្រើប្រាស់អក្សរសាស្រ្តខ្មែរតាមប្រព័ន្ធអ៊ិនធើណែត។ យើងខ្ញុំនឹងខិតខំស្រាវជ្រាវបន្ថែមទៀត ដើម្បីឲ្យគេហទំព័រនេះកាន់តែមានប្រយោជន៍សម្រាប់មនុស្សទូទៅ ពិសេសបងប្អូនប្រជាពលរដ្ឋខ្មែរទាំងក្នុង និងក្រៅប្រទេស។ សូមចូលរួមបរិច្ឆាគធនធានទៅតាមកំលាំងសទ្ធាជ្រះថ្លា ដោយចុចលើប៊ូតុងDonateនៅខាងឆ្វេងដៃ ដើម្បីទ្រទ្រង់គេហទំព័រនេះឲ្យមានដំណើរការជារៀងរហូត។ សូមអរព្រះគុណ និងសូមអរគុណ៕