ធាត់​ពេក​ប្រ​ឈម​នឹង​ជំងឺ​មហា​រីក​សុដន់​

ស្ត្រីលើសទម្ងន់

អ្នកស្រាវជ្រាវមកពីសហរដ្ឋអាមេរិកមួយក្រុម បានលើកឡើងថា ស្រ្ដីដែលធាត់លើសទម្ងន់ ប្រឈមនឹងហានិភ័យនៃការកើតមហារីកសុដន់ ដល់ទៅ៣ដងលើសស្រ្ដីដែលមានទម្ងន់ធម្មតា។

ក្រុមអ្នកស្រាវជ្រាវទាំងនោះ បានធ្វើការសិក្សាលើស្រ្ដីចំនួនជាង ១៥ម៉ឺននាក់ ហើយជាលទ្ធផលបានបង្ហាញថា ស្រ្ដីដែលធាត់លើសទម្ងន់ ចំនួន ៣៥ភាគរយ មានហានិភ័យនៃការវិវឌ្ឍទៅជាជំងឺមហារីកសុដន់កម្រិតអវិជ្ជមានបីដងលើសអ្នកដទៃទៀត។

អ្នកស្រី Amanda Phipps ដែលជាអ្នកស្រាវជ្រាវមកពីមជ្ឈមណ្ឌលស្រាវជ្រាវជំងឺមហារីកនៅរដ្ឋ Philadelphia បានថ្លែងថា តាមការពិតពួកអ្នកស្រាវជ្រាវបានរកឃើញថា ទំនាក់ទំនងនៃជំងឺមហារីកសុដន់នេះមានតែមួយគត់គឺលក្ខណៈជីវសាស្រ្ដ ដែលខុសពីជំងឺមហារីកដទៃទៀត។

ជំងឺមហារីកសុដន់ គឺជាជំងឺធំលំដាប់ទី២ ក្នុងចំណោមជំងឺមហារីកដទៃទៀត ដែលបានសម្លាប់ស្រ្ដីអាមេរិកអស់ច្រើនជាងគេ បន្ទាប់ពីជំងឺមហារីកសួត។ ជំងឺដ៏សាហាវនេះ បានសម្លាប់មនុស្សអស់ប្រមាណ ៥សែននាក់ទូទាំងពិភពលោកជារៀងរាល់ឆ្នាំ ហើយមនុស្សដែលកំពុងផ្ទុកជំងឺនេះ មានជិតដល់ ១លាន ៥សែន នាក់ហើយនៅទូទាំងពិភពលោក។

អស់លោកអ្នក ដែលកំពុងទស្សនាគេហទំព័រនេះជាទីគោរព:
អាន ខ្មែរជាគេហទំព័រដែលផ្តល់ពហុអត្ថប្រយោជន៍ និងលើកស្ទួយ ការប្រើប្រាស់អក្សរសាស្រ្តខ្មែរតាមប្រព័ន្ធអ៊ិនធើណែត។ យើងខ្ញុំនឹងខិតខំស្រាវជ្រាវបន្ថែមទៀត ដើម្បីឲ្យគេហទំព័រនេះកាន់តែមានប្រយោជន៍សម្រាប់មនុស្សទូទៅ ពិសេសបងប្អូនប្រជាពលរដ្ឋខ្មែរទាំងក្នុង និងក្រៅប្រទេស។ សូមចូលរួមបរិច្ឆាគធនធានទៅតាមកំលាំងសទ្ធាជ្រះថ្លា ដោយចុចលើប៊ូតុងDonateនៅខាងឆ្វេងដៃ ដើម្បីទ្រទ្រង់គេហទំព័រនេះឲ្យមានដំណើរការជារៀងរហូត។ សូមអរព្រះគុណ និងសូមអរគុណ៕