ហ្សែន​​​ព្យាបាល​​មហារីក​ស្បែក​ដោយ​ខ្លួន​ឯង

រោគមហារីកស្បែក

ទីភ្នាក់ងារសម្រាប់ការស្រាវជ្រាវ វិទ្យាសាស្ត្រ និងបច្ចេកវិទ្យានៅប្រទេសសិង្ហបុរីបាននិយាយថា ក្រុមអ្នកស្រាវជ្រាវមួយក្រុមទទួលបានជោគជ័យក្នុងការស្វែងរកហ្សែន (Gene)មួយដែលអាចពន្យល់ថាហេតុអ្វីបានជាជំងឺ មហារីកស្បែកដ៏កម្រមួយអាចព្យាបាលខ្លួនឯងបាន ក្រោយពីបានឆ្លងយ៉ាងលឿន។ អ្នកវិទ្យាសាស្ត្របានរកឃើញចរិតពិសេសនៃជំងឺកម្រដែលគេហៅថា squamous epitheliomasដែលអាចព្យាបាលខ្លួនឯងបាន ដែលបណ្ដាលមកពីកំហុសរបស់ហ្សែនម្យ៉ាងគឺ TGFBR1។ ហ្សែននេះជាធាតុផ្សំសំខាន់បំផុតនៃការផ្ដល់សញ្ញាមួយដែលគេអាចធ្វើឲ្យទន់ខ្សោយផងដែរនៅក្នុងជំងឺមហារីកផ្សេងទៀត។ លោក ដេវីត ហ្គូឌី (Devid Goudie) ជាអ្នកប្រឹក្សាការព្យាបាលបែបហ្សេនេទិក នៅសាកលវិទ្យាល័យ...
ដាន់ឌី (University of Dundee) និងជាអ្នកជំនាញរយៈពេលវែងផ្នែកជំងឺមហារីកស្បែកកម្រ បាននិយាយថា ចរិតមិនធម្មតារបស់ដុំសាច់នេះបានធ្វើឲ្យអ្នកវិទ្យាសាស្ត្រចំណាយពេលជាងសែសិបឆ្នាំក្នុងការស្រាវជ្រាវ។ ដូច្នេះយើងមានការរីករាយណាស់ក្នុងការរកឃើញនូវកំហុសហ្សែននេះដែលជាមូលហេតុនៃជំងឺ។

ក្រុមស្រាវជ្រាវនេះរួមមានអ្នកវិទ្យាសាស្ត្រមកពីប្រទេសស្កុតឡែន សិង្ហបុរី និងប្រទេសដ៏ទៃទៀត។

ទោះជាយ៉ាងនេះក្ដី លោក ប៊ៀហ្គីត ឡេន (Birgit lane)ជាអ្នកដឹកនាំក្រុម និងជានាយកប្រតិបត្តិវិទ្យាស្ថានជីវវិទ្យាវេជ្ជសាស្ត្រ បានមានប្រសាសន៍ថា ហ្សែននេះជាផ្នែកមួយនៃកោសិកាសំខាន់មួយដែលផ្ដល់សញ្ញាដល់ដំណើរការធម្មតា។ គាត់បានបន្តទៀតថា វាជាប់ពាក់ព័ន្ធនឹងរោគមហារីកផ្សេងទៀត។ គេមិនអាចរារាំងមុខងាររបស់វាដោយស្មានៗនោះទេ។ យើងសង្ឃឹមថា ចំណេះដឹងដែលទើបនឹងរកឃើញថ្មីៗនេះ នឹងជាមធ្យោបាយថ្មីក្នុងការកាត់ផ្ដាច់យន្តការវិវឌ្ឍរបស់កោសិកាក្នុងការព្យាបាលជំងឺមហារីក។

គេបានបោះពុម្ពលទ្ធផលនៃការស្រាវជ្រាវនេះ នៅក្នុងលេខចុងក្រោយទស្សនាវដ្ដី Nature Geneticដែលបោះផ្សាយពីការស្រាវជ្រាវប្រកបដោយគុណភាពក្នុផ្នែកហ្សេណេទិកនេះ។

អស់លោកអ្នក ដែលកំពុងទស្សនាគេហទំព័រនេះជាទីគោរព:
អាន ខ្មែរជាគេហទំព័រដែលផ្តល់ពហុអត្ថប្រយោជន៍ និងលើកស្ទួយ ការប្រើប្រាស់អក្សរសាស្រ្តខ្មែរតាមប្រព័ន្ធអ៊ិនធើណែត។ យើងខ្ញុំនឹងខិតខំស្រាវជ្រាវបន្ថែមទៀត ដើម្បីឲ្យគេហទំព័រនេះកាន់តែមានប្រយោជន៍សម្រាប់មនុស្សទូទៅ ពិសេសបងប្អូនប្រជាពលរដ្ឋខ្មែរទាំងក្នុង និងក្រៅប្រទេស។ សូមចូលរួមបរិច្ឆាគធនធានទៅតាមកំលាំងសទ្ធាជ្រះថ្លា ដោយចុចលើប៊ូតុងDonateនៅខាងឆ្វេងដៃ ដើម្បីទ្រទ្រង់គេហទំព័រនេះឲ្យមានដំណើរការជារៀងរហូត។ សូមអរព្រះគុណ និងសូមអរគុណ៕