ប៉ូ​តា​ស្យូម​កាត់​បន្ថយ​ជំងឺ​ស្រ្ដូក​

អាហារដែលសំបូរជាតិប៉ូតាស្យូម

ការសិក្សាថ្មីមួយបានឲ្យដឹងថា មនុស្សដែលទទួលអាហារដែលមានជាតិប៉ូតាស្យូមខ្ពស់អាចកាត់បន្ថយនូវគ្រោះថ្នាក់នៃការកើតជំងឺស្រ្ដូក ឬការដាច់សរសៃឈាមក្នុងខួរក្បាលបាន។

តាមរយៈការស្រាវជ្រាវចំនួន ១១ផ្សេងគ្នា លើចំនួនក្មេងជំទង់ជិត ២៥ម៉ឺននាក់ បានរកឃើញថា អ្នកដែលទទួលទានអាហារដែលមានជាតិប៉ូតាស្យូមច្រើន ធ្វើឲ្យថយចុះនូវគ្រោះថ្នាក់ជំងឺស្រ្ដូក។

ជាតិប៉ូតាស្យូម គឺជាសារធាតុរ៉ែដ៏សំខាន់ក្នុងការជួយទប់ស្កាត់ចង្វាក់បេះដូង ជំនួយសរសៃប្រសាទ និងជំនួយសាច់ដុំ។ ក្មេងជំទង់ភាគច្រើនត្រូវការប៉ូតាស្យូមប្រមាណ ៤៧០០មីលីក្រាមក្នុងមួយថ្ងៃ។

ដោយសារតែរបកគំហើញនេះហើយ ទើបអ្នកជំនាញបានធ្វើការអប់រំដល់មនុស្សគ្រប់គ្នាឲ្យទទួលទានបន្លែ និងផ្លែឈើឲ្យបានច្រើន ដើម្បីកាត់បន្ថយនូវជំងឺស្រ្ដូក និងជំងឺផ្សេងៗទៀត។

ជាតិប៉ូតាស្យូមត្រូវបានរកឃើញនូវក្នុងផ្លែឈើ និងបន្លែមួយចំនួនដូចជា ដំឡូង ប៉េងប៉ោះ ចេក និងទំពាំងបាយជូរក្រៀមជាដើម ដែលមានជាតិប៉ូតាស្យូមច្រើនជាងគេ។ ចំណែកឯសណ្ដែក ទឹកដោះគោ មានបន្ទាប់បន្សំ។

នៅក្នុងទ្រឹស្ដី អាហារដែលមានជាតិប៉ូតាស្យូមគ្រប់គ្រាន់ អាចកាត់បន្ថយនូវជំងឺបេះដូង និងជំងឺស្រ្ដូក ព្រោះប៉ូតាស្យូមអាចជួយបញ្ចុះនូវកម្រិតឈាម។ ប៉ុន្ដែការស្រាវជ្រាវជាច្រើនបានបង្ហាញថាការទទួលទានជាតិប៉ូតាស្យូមបន្តិចក៏អាចបន្ថយនូវជំងឺស្រ្ដូក និងជំងឺបេះដូងបានដែរ។

សម្រាប់ការសិក្សាថ្មីដែលដឹកនាំដោយវេជ្ជបណ្ឌិត Lanfranco Delia នៃសាកលវិទ្យាល័យវេជ្ជសាស្រ្ត Naples នៅអ៊ីតាលី បានធ្វើការបញ្ចូលគ្នានៃការស្រាវជ្រាវជាអន្តរជាតិចំនួន១១ផ្សេងគ្នា ហើយជាលទ្ធផលបង្ហាញថា ជាតិប៉ូតាស្យូម ១៦៤០ក្រាមក្នុងមនុស្សម្នាក់ អាចបន្ថយជំងឺស្រ្ដូកបាន ២១ភាគរយ។ អត្រា ២១ភាគរយនេះ អាចកាត់បន្ថយអ្នកស្លាប់ដោយសារជំងឺស្រ្ដូកបាន ១,១៥លាននាក់ទូទាំងពិភពលោកក្នុងមួយឆ្នាំ។

អស់លោកអ្នក ដែលកំពុងទស្សនាគេហទំព័រនេះជាទីគោរព:
អាន ខ្មែរជាគេហទំព័រដែលផ្តល់ពហុអត្ថប្រយោជន៍ និងលើកស្ទួយ ការប្រើប្រាស់អក្សរសាស្រ្តខ្មែរតាមប្រព័ន្ធអ៊ិនធើណែត។ យើងខ្ញុំនឹងខិតខំស្រាវជ្រាវបន្ថែមទៀត ដើម្បីឲ្យគេហទំព័រនេះកាន់តែមានប្រយោជន៍សម្រាប់មនុស្សទូទៅ ពិសេសបងប្អូនប្រជាពលរដ្ឋខ្មែរទាំងក្នុង និងក្រៅប្រទេស។ សូមចូលរួមបរិច្ឆាគធនធានទៅតាមកំលាំងសទ្ធាជ្រះថ្លា ដោយចុចលើប៊ូតុងDonateនៅខាងឆ្វេងដៃ ដើម្បីទ្រទ្រង់គេហទំព័រនេះឲ្យមានដំណើរការជារៀងរហូត។ សូមអរព្រះគុណ និងសូមអរគុណ៕