ខួរក្បាលត្រូវការអាហារដែលល្អ
ប្រសិនបើអ្នកចង់បង្កើននូវសមត្ថភាពនៃការគិត គិតបានលឿន និងចងចាំនូវអ្វីដែលបានកើតឡើង ចូរសាកល្បងទទួលទាននូវអាហារទាំង៦ ប្រភេទខាងក្រោមនេះ៖
១. ជាតិកាហ្វេអ៊ីន ធ្វើឲ្យអ្នកគិតបានរហ័ស
សារជាតិកាហ្វេអ៊ីន ដែលមាននៅក្នុងកាហ្វេ សូកូឡា និងភេសជ្ជៈបង្កើនថាមពល គឺជាសារជាតិមួយដ៏សំខាន់ដែលធ្វើឲ្យខួរក្បាលរបស់យើងមានការគិតបានរហ័ស និងជួយទប់ស្កាត់ភាពនឿយហត់នៃខួរក្បាល។
ប្រយ័ត្ន: ទទួលទានជាតិកាហ្វេអ៊ីន
ច្រើនពេកក៏មិនល្អដែរ ជាពិសេសចំពោះមនុស្សដែលមានភាពខឹងក្រវក្រោធខ្លាំង (ធ្វើឲ្យមានអារម្មណ៍កាន់តែមួម៉ៅ)។ គួរទទួលទានក្នុងកម្រិតមួយសមល្មម។២. ត្រី
ការស្រាវជ្រាវបានរកឃើញថា ត្រីគឺជាប្រភពមួយនៃ Omega-3 ដែលជួយដល់កោសិកាខួរក្បាល។ ត្រីដែលមាន Omega-3 ច្រើន មានដូចជា ត្រីទូណា ត្រីសាល់ម៉ុន ត្រីស្បៃកា និងត្រីសាឌីនជាដើម។
ក្រៅពីបង្កើននូវសកម្មភាពខួរក្បាល និងបង្កើនការចងចាំ អាហារដែលសម្បូរ Omega-3 ត្រូវបានគេស្គាល់ថាជាអាហារដែលជួយទប់ស្កាត់ជំងឺរវើរវាយ និងសរសៃប្រសាទផងដែរ។
៣. គ្រាប់ធញ្ញជាតិ និងសូកូឡា
មិនត្រឹមតែឆ្ងាញ់ប៉ុណ្ណោះទេ ប្រភេទអាហារទាំងពីរប្រភេទនេះ គឺថែមទាំងមាននូវសារៈប្រយោជន៍ចំពោះសុខភាពជាច្រើនទៀតផង។ គ្រាប់ធញ្ញជាតិ គឺជាប្រភពនៃវីតាមីន E ដែលជួយជំនួយដល់ខួរក្បាល។ ចំណែកឯសូកូឡាពណ៌ខ្មៅវិញ អាចជួយជម្រុញឲ្យខួរក្បាលគិតរហ័ស និងផ្តោតលើអ្វីមួយច្បាស់លាស់។
ការទទួលទាននូវសូកូឡា និងគ្រាប់ធញ្ញជាតិក្នុងចំនួនតិចណាមួយជារៀងរាល់ថ្ងៃ នឹងធ្វើឲ្យខួរក្បាលរបស់លោកអ្នកដំណើរការល្អ។
៤. យិនស៊ិន
យិនស៊ិន គឺជាមើមថ្នាំបុរាណចិនដែលល្បីល្បាញខ្លាំងបំផុត។ វាត្រូវបានគេប្រើប្រាស់ជាច្រើនសតវត្សមកហើយនៅក្នុងប្រទេសចិន។ យិនស៊ិន មានធាតុផ្សំ ដែលមានប្រយោជន៍ជាច្រើនចំពោះសុខភាពយើង ដែលក្នុងនោះក៏ជួយដល់ខួរក្បាលផងដែរ។
យិនស៊ិនអាចបង្កើននូវកម្រិតឈាមហូរទៅកាន់ខួរក្បាល បង្កើនកម្រិតអុកស៊ីហ្សែន ជួយបង្កើនសមត្ថភាពនៃការគិត បង្កើននូវជំនាញនៃការដោះស្រាយបញ្ហា និងជាពិសេសបង្កើននូវសមត្ថភាពនៃការចងចាំ។
៥. អាហារបៃតង
ការសិក្សាជាច្រើនបានរកឃើញថា បន្លែបៃតងចាស់ ដូចជាស្ពៃប្រូកូលី មើមស្ពៃ turnip, សណ្ដែក មើមស្ពៃក្រហម (ស្ពៃបារាំង radishes), ស្ពៃខ្មៅ Spinach (ស្ពៃក្នុងរឿង Pop Eye) និងបន្លែបៃតងជាច្រើនទៀត។ បន្លែទាំងនេះ មានសារជាតិដែលជួយធ្វើឲ្យមានការផ្ដោតអារម្មណ៍ ខ្ពស់ និងសារធាតុរ៉ែមានប្រយោជន៍ដទៃទៀត។ ក្រៅពីនេះបន្លែបៃតង មានផ្សំនូវវីតាមីន B6 ដែលជួយកែប្រែពី ទ្រីតូហ្វាន ទៅជាសេរ៉ូតូនីន ដែលជាសារធាតុគីមីម៉្យាងដែលជួយបង្កើនសមត្ថភាពខួរក្បាល។
៦. បាយ និង ស្រូវសាឡី
បាយដែលយើងញ៉ាំរាល់ថ្ងៃ និងអាហារទាំងឡាយណាដែលធ្វើពីស្រូវសាឡី គឺជាប្រភពនៃកាបូហ៊ីដ្រាត។ វាថែមទាំងផ្គត់ផ្គង់ ជាតិគ្លុយកូស ដែលបង្កើតឲ្យមានការគិតបានរហ័សនៃខួរក្បាល។
អាហារទាំង៦ប្រភេទខាងលើនេះ គឺជាអាហារដែលល្អសម្រាប់ខួរក្បាល។ ចាប់ផ្ដើមញ៉ាំវាឥលូវនេះ ប្រសិនបើមានមួយណាដែលលោកអ្នកមិនទាន់បានញ៉ាំ ឬយូរៗញ៉ាំម្ដង ដើម្បីឲ្យលោកអ្នកក្លាយទៅជាអ្នកដែលគិតបានរហ័ស និងចងចាំបានល្អ។
|
អស់លោកអ្នក ដែលកំពុងទស្សនាគេហទំព័រនេះជាទីគោរព:
|
0 comments:
Post a Comment