ស្រ្ដីកំពុងតែគេង
មិនត្រឹមតែធ្វើឲ្យមានគ្រោះថ្នាក់ចរាចរ និងគ្រោះថ្នាក់នៅកន្លែងធ្វើការ (ធ្វើការប្រើកម្លាំងកាយ) នោះទេ ប៉ុន្ដែវាថែមទាំងជាមូលហេតុនៃជំងឺបេះដូង ទឹកនោមផ្អែម លើសឈាម និងការធាត់លើសទម្ងន់ទៀតផង។
ហើយនៅពេលនេះការស្រាវជ្រាវចុងក្រោយមួយ បានរកឃើញថាស្រ្ដីគឺជាអ្នកដែលរងគ្រោះខ្លាំងបំផុតចំពោះការគេងមិនគ្រប់គ្រាន់ ទាំងផ្លូវកាយ និងផ្លូវចិត្ត។
ក្រុមអ្នកវិទ្យាសាស្រ្ដដែលមកពី
សាកលវិទ្យាល័យវេជ្ជសាស្រ្ដ Warwick បានរាយការណ៍ថា មានភាពទាក់ទងគ្នាខ្លាំងណាស់ រវាងការគេងតិច និងជំងឺលើសឈាមចំពោះស្រ្ដី ខណៈដែលបុរសមិនមាននោះទេ។ជាងនេះទៀត កាលពីសប្ដាហ៍មុននេះ ក្រុមអ្នកអ្នកស្រាវជ្រាវមកពីសាលាវេជ្ជសាស្រ្ដ Pittsburgh នៃសហរដ្ឋអាមេរិក ក៏បានរាយការណ៍ដែរថា នៅពេលដែលស្រ្ដីគេងមិនគ្រប់គ្រាន់ វានឹងបង្កឲ្យមានបញ្ហាផ្នែកទំនាក់ទំនងស្នេហាទៀតផង។
កាន់តែគ្រោះថ្នាក់ជាងនេះទៀត មានការស្រាវជ្រាវជាច្រើន បានរកឃើញដូចគ្នាថា ការគេងតិចពេក គឺនឹងធ្វើឲ្យទាំងបុរស និងស្រ្ដី ត្រូវប្រឈមមុខនឹងការស្លាប់មុនអាយុ នេះបើតាមការឲ្យដឹងពីលោកសាស្រ្ដាចារ្យ Francessco Cappuccio មកពីសាលាវេជ្ជសាស្រ្ដ Warwick។
ទោះបីជាគ្រោះថ្នាក់មានទាំងលើបុរស និងស្រ្ដី ក៏ប៉ុន្ដែយើងគួរតែផ្ដោតទៅលើស្រ្ដីច្រើនជាង ព្រោះអត្រាគ្រោះថ្នាក់របស់ស្រ្ដីមានច្រើនជាងបុរស។ ស្រ្ដីដែលគេងបានត្រឹម ៥ម៉ោង ឬតិចជាងនេះ នឹងប្រឈមមុខនឹងការលើសឈាម ជាងស្រ្ដីដែលគេងបាន ៧ម៉ោងក្នុងមួយយប់ ខណៈដែលបុរសមិនប៉ះពាល់ត្រង់ចំណុចនេះទេ។
ទោះបីជាការស្រាវជ្រាវបានរកឃើញបែបនេះ ក៏ពិបាកណាស់ក្នុងការគេងឲ្យបានច្រើនម៉ោង ព្រោះស្រ្ដីនៅសម័យទំនើបនេះ ភាគច្រើនគិតថា ការគេងច្រើនពេក ធ្វើឲ្យខ្ជះខ្ជាយពេលវេលាឥតប្រយោជន៍។
សរុបមក ដើម្បីកុំឲ្យមានការប៉ះពាល់ទាំងសុខភាព និងការងារ យើងត្រូវធ្វើយ៉ាងណាកុំឲ្យផ្អៀងទៅខាងណាខ្លាំងពេក ពោលគឺមិនត្រូវគេងតិចពេក ហើយក៏មិនត្រូវគេងច្រើនពេកដែរ។
|
អស់លោកអ្នក ដែលកំពុងទស្សនាគេហទំព័រនេះជាទីគោរព:
|
0 comments:
Post a Comment