អ្នក​ចូលចិត្ត​ផឹក​ស្រា​មាន​ហ្សែន​ពិសេសក្នុង​ខ្លួន

អ្នកផឹកស្រាជោគជាំ

អ្នកវិទ្យាសាស្ត្របានរកឃើញហ្សែនមួយដែលហាក់ដូចជាកំណត់ពីថាតើអ្នកត្រូវផឹកស្រាចំនួនប៉ុន្មាន និង បាននិយាយទៀតថា ការរកឃើញនេះអាចជួយឲ្យមានការព្យាបាលប្រកបដោយប្រសិទ្ធភាពសម្រាប់អ្នកប្រមឹក និង អ្នកដែលផឹកហួសប្រមាណ។

គេបានសិក្សាលើមនុស្សប្រមាណ៤៧,០០០នាក់ ហើយអ្នកវិទ្យាសាស្ត្រអន្តរជាតិទាំងនោះបានរកឃើញថា អ្នកដែលមានហ្សែនកម្រគឺ AUST2បានផឹកស្រាជាមធ្យមប្រាំភាគរយតិចជាងអ្នកដែលមានហ្សែនធម្មតា។

អ្នកស្រាវជ្រាវបានបន្ថែមថា ហ្សែន AUST2 កាលពីមុនត្រូវបានគិតថាពាក់ព័ន្ធនឹង ADHD (Autism and attention deficit hyperactivity disorder) ប៉ុន្តែ មុខងារពិតប្រាកដរបស់វាមិនត្រូវបានគេដឹងឡើយ។

លោក ប៉ូល អេលីយូត (Paul Elliott) មកពីមហាវិទ្យាល័យអ៊ីមភើរៀលឡុងដុង និង បានចូលរួម... ក្រុមស្រាវជ្រាវបាននិយាយថា មានកត្តាជាច្រើនដែលមានឥទ្ធិពលដល់បរិមាណស្រាដែលបុគ្គលម្នាក់បានញ៉ាំ ប៉ុន្តែយើងដឹងថាហ្សែននោះបានដើរតួនាទីសំខាន់ណាស់។

យោលតាមអង្គការសុខភាពពិភពលោកបានឲ្យដឹងថា ភាពផ្សេងគ្នានៃហ្សែននេះគឺតិចតួចខ្លាំងណាស់តែការរកឃើញថ្មីនេះ បានធ្វើឲ្យយើងបើកទូលាយថែមទៀតសម្រាប់ការស្រាវជ្រាវ។ ការផឹកស្រាបានបណ្ដាលឲ្យមានអ្នកស្លាប់ចំនួន២.៥លាននាក់ជារៀងរាល់ឆ្នាំទូទាំងពិភពលោក។

ស្រាជាកត្តាហានិភ័យធំជាងគេទីបីដែលនាំឲ្យមានមនុស្សកើតជំងឺដែលពាក់ព័ន្ធនឹងសរសៃឈាមបេះដូង ជំងឺថ្លើម និង មហារីកជាច្រើនទម្រង់។

អស់លោកអ្នក ដែលកំពុងទស្សនាគេហទំព័រនេះជាទីគោរព:
អាន ខ្មែរជាគេហទំព័រដែលផ្តល់ពហុអត្ថប្រយោជន៍ និងលើកស្ទួយ ការប្រើប្រាស់អក្សរសាស្រ្តខ្មែរតាមប្រព័ន្ធអ៊ិនធើណែត។ យើងខ្ញុំនឹងខិតខំស្រាវជ្រាវបន្ថែមទៀត ដើម្បីឲ្យគេហទំព័រនេះកាន់តែមានប្រយោជន៍សម្រាប់មនុស្សទូទៅ ពិសេសបងប្អូនប្រជាពលរដ្ឋខ្មែរទាំងក្នុង និងក្រៅប្រទេស។ សូមចូលរួមបរិច្ឆាគធនធានទៅតាមកំលាំងសទ្ធាជ្រះថ្លា ដោយចុចលើប៊ូតុងDonateនៅខាងឆ្វេងដៃ ដើម្បីទ្រទ្រង់គេហទំព័រនេះឲ្យមានដំណើរការជារៀងរហូត។ សូមអរព្រះគុណ និងសូមអរគុណ៕