រលកវិទ្យុរបស់ទូរសព្ទដៃធ្វើឲ្យកើតជំងឺមហារីក

ទូរសព្ទដៃប៉ះពាល់សុខភាពមនុស្សច្រើន

ក្រុមអ្នកជំនាញមកពីអង្គការសុខភាពពិភពលោក បានរកឃើញថា ជាតិវិទ្យុសកម្មដែលភាយចេញពីទូរសព្ទដៃ អាចបណ្ដាលឲ្យកើតជំងឺមហារីក។ មិនត្រឹមតែប៉ុណ្ណោះទេ ជាតិវិទ្យុសកម្មនេះ ក៏ប៉ះពាល់ដល់ខួរក្បាលផងដែរ។

ទីភ្នាក់ងារស្រាវជ្រាវអន្ដរជាតិពីជំងឺមហារីក របស់អង្គការសុខភាពពិភពលោក (IARC) បានបង្កើតក្រុមស្រាវជ្រាវដែលមានអ្នកវិទ្យាសាស្រ្ដចំនួន៣១នាក់ មកពី១៤ប្រទេស ដើម្បីធ្វើការរកសិក្សាលើហានីភ័យនៃសុខភាពដោយសារទូរសព្ទ។ ពួកអ្នកវិទ្យាសាស្រ្ដទាំងនោះ បានចំណាយពេលមួយសប្ដាហ៍នៅទីក្រុងលីយ៉ុង ប្រទេសបារាំង ដើម្បីត្រួតពិនិត្យបញ្ហានេះ។

លោកវេជ្ជបណ្ឌិត Jonathan Samet មកពីសាកលវិទ្យាល័យសាវធើន កាលីហ្វ័រញ៉ា ដែលជាអ្នកវិទ្យាសាស្ត្រដែលដឹកនាំក្រុមការងារនេះបាននិយាយថា មានភស្ដុតាងគ្រប់គ្រាន់ដើម្បីគាំទ្រការរកឃើញនេះ។

លោកវេជ្ជបណ្ឌិតដដែលនេះ បានពន្យល់ថា

ហានីភ័យនៃជាតិវិទ្យុសកម្មរបស់ទូរសព្ទដៃ នឹងត្រូវធ្វើការសិក្សាបន្តទៀត។ មជ្ឈមណ្ឌលស្រាវជ្រាវជំងឺមហារីក (IARC) នៃអង្គការសុខភាពពិភពលោក មិនបានធ្វើការកម្រិតពីបរិមាណនៃគ្រោះថ្នាក់របស់ទូរសព្ទដៃនោះទេ ប៉ុន្ដែបានបានបញ្ជាក់ថា មានគ្រោះថ្នាក់ខ្ពស់បំផុត សម្រាប់អ្នកដែលនិយាយទូរសព្ទច្រើន។

លោក Christopher Wild ដែលជានាយកIARC បាននិយាយថា វាពិតជាសំខាន់ណាស់ក្នុងការបង្ហាញពីគ្រោះថ្នាក់នេះ ហើយពិតជាសំខាន់ណាស់ក្នុងការស្រាវជ្រាវបន្ថែមនាពេលក្រោយទៀត។

ដើម្បីកាត់បន្ថយហានីភ័យនៃជាតិវិទ្យុសកម្មរបស់ទូរសព្ទដៃ អ្នកគួរតែប្រើប្រាស់កាសស្ដាប់ត្រចៀក ឬជំនួសការនិយាយដោយការផ្ញើសារជាអក្សរ។

អស់លោកអ្នក ដែលកំពុងទស្សនាគេហទំព័រនេះជាទីគោរព:
អាន ខ្មែរជាគេហទំព័រដែលផ្តល់ពហុអត្ថប្រយោជន៍ និងលើកស្ទួយ ការប្រើប្រាស់អក្សរសាស្រ្តខ្មែរតាមប្រព័ន្ធអ៊ិនធើណែត។ យើងខ្ញុំនឹងខិតខំស្រាវជ្រាវបន្ថែមទៀត ដើម្បីឲ្យគេហទំព័រនេះកាន់តែមានប្រយោជន៍សម្រាប់មនុស្សទូទៅ ពិសេសបងប្អូនប្រជាពលរដ្ឋខ្មែរទាំងក្នុង និងក្រៅប្រទេស។ សូមចូលរួមបរិច្ឆាគធនធានទៅតាមកំលាំងសទ្ធាជ្រះថ្លា ដោយចុចលើប៊ូតុងDonateនៅខាងឆ្វេងដៃ ដើម្បីទ្រទ្រង់គេហទំព័រនេះឲ្យមានដំណើរការជារៀងរហូត។ សូមអរព្រះគុណ និងសូមអរគុណ៕