ថ្នាំសម្រើប​អាចធ្វើឲ្យអ្នកថ្លង់បាន

ថ្នាំវីយ៉ាក្រា

វីយ៉ាក្រាដែលជាថ្មាំបង្កើនអារម្មណ៍ផ្លូវភេទដ៏ពេញនិយម ត្រូវបានក្រុមអ្នកស្រាវជ្រាវមួយក្រុមរកឃើញថា មានផលប៉ះពាល់អាក្រក់មកលើអ្នកដែលលេបវា។ ថ្នាំគ្រាប់តូចៗទាំងនេះ អាចធ្វើឲ្យត្រចៀករបស់អ្នកបាត់បង់សមត្ថភាពលឺសម្លេងក្រោយពីប្រើប្រាស់។

លទ្ធផលនៃការស្រាវជ្រាវដែលត្រូវបានបោះពុម្ភនៅក្នុងព្រឹត្តបត្រ The Laryngoscope នេះ ត្រូវបានអ្នកជំនាញគិតថាជាបញ្ហាដ៏ធ្ងន់ធ្ងរមួយ ដែលត្រូវធានាថា ក្រុមគ្រូពេទ្យនឹងចេញសេចក្ដីព្រមានដល់អ្នកប្រើប្រាស់ថ្នាំនេះជាប្រចាំ។

សារព័ត៌មាន Telegraph បានរាយការណ៍ឲ្យដឹងថា មានករណីសង្ស័យចំនួន ៤៧ នៃការថ្លង់ ដែលទាក់ទងទៅនឹងការលេបថ្នាំ វីយ៉ាក្រា ឬក៏ថ្នាំសម្រើបផ្សេងទៀត ដូចជា Cialis និង Levitraជាដើម។ ទោះបីជាយ៉ាងណាក៏ដោយ ករណីចំនួន២២៣ផ្សេងទៀត ដែលត្រូវបានគេរាយការណ៍នៅសហរដ្ឋអាមេរិក ត្រូវបានគេមិនរាប់បញ្ចូលដោយសារតែខ្វះភាពលម្អិតជាក់លាក់។

ក្នុងឃ្លាចុងក្រោយមួយរបស់ ព្រឹត្តបត្រ The Laryngoscope បានសរសេរថា មានការកើនឡើងនូវភស្ដុតាងនៃការបាត់បង់សមត្ថភាពស្ដាប់ ដោយសារការលេបថ្នាំសម្រើបជាប្រចាំ។ អ្នកប្រើប្រាស់ត្រូវមានការយល់ដឹងពីផលប៉ះពាល់ទាំងនេះ ដោយទិញវាដោយមានវេជ្ជបញ្ជាត្រឹមត្រូវ។

ក្នុងលទ្ធផលនៃការស្រាវជ្រាវនេះក៏បានបញ្ជាក់ពីអាយុដែលប៉ះពាល់ខ្លាំងផងដែរ គឺមនុស្សដែលមានអាយុ ៥៧ឆ្នាំ។

ផ្ទុយពីការព្រមាននេះ ហានីភ័យគឺនៅតែហាក់ដូចជាទាបនៅឡើយទេ។ យោងតាមសារព័ត៌មាន Telegraph ដដែលបានឲ្យដឹងថា អ្នកនាំពាក្យនៃឱសថប្រភេទនេះ បានមានប្រតិកម្មតបនឹងរបាយការណ៍នៃការស្រាវជ្រាវនេះ ដោយលើកឡើងថាឱសថបង្កើនអារម្មណ៍សិចនេះ ពិតជាមិនបានធ្វើឲ្យប៉ះពាល់នោះទេ។

អស់លោកអ្នក ដែលកំពុងទស្សនាគេហទំព័រនេះជាទីគោរព:
អាន ខ្មែរជាគេហទំព័រដែលផ្តល់ពហុអត្ថប្រយោជន៍ និងលើកស្ទួយ ការប្រើប្រាស់អក្សរសាស្រ្តខ្មែរតាមប្រព័ន្ធអ៊ិនធើណែត។ យើងខ្ញុំនឹងខិតខំស្រាវជ្រាវបន្ថែមទៀត ដើម្បីឲ្យគេហទំព័រនេះកាន់តែមានប្រយោជន៍សម្រាប់មនុស្សទូទៅ ពិសេសបងប្អូនប្រជាពលរដ្ឋខ្មែរទាំងក្នុង និងក្រៅប្រទេស។ សូមចូលរួមបរិច្ឆាគធនធានទៅតាមកំលាំងសទ្ធាជ្រះថ្លា ដោយចុចលើប៊ូតុងDonateនៅខាងឆ្វេងដៃ ដើម្បីទ្រទ្រង់គេហទំព័រនេះឲ្យមានដំណើរការជារៀងរហូត។ សូមអរព្រះគុណ និងសូមអរគុណ៕