សាច់ត្រីសមុទ្រ​ មាន​ជាតិ​ពុល​ច្រើន​

ត្រីទឹកប្រៃ

សាច់ត្រី សព្វថ្ងៃ ត្រូវបានបំពុល ដោយសារធាតុ គីមី នៅក្នុងទឹក ភាគច្រើនចេញមកពីសំណល់ រោងចក្រ។ កាលណាទឹកត្រូវបានបំពុលដោយកាកសំណល់ដែលមាន ជាតិគីមី និងជាតិពុលច្រើន ត្រី ដែលរស់នៅទីនោះ បានស្រូបយកសារធាតុពុលទាំងនោះ ទៅក្នុងរាងកាយវា។ បើវាជាត្រីធំវិញ សារធាតុពុល មានច្រើនជាងត្រីតូចៗទៅទៀត ព្រោះថាត្រីធំ វាស៊ីត្រីតូចដែលត្រូវបានបំពុលរួចម្តងហើយ។ ដូចនេះ រាល់ជាតិពុលទាំងអស់ដែលមាននៅក្នុងត្រីតូច នឹងផ្ទេរទៅឲ្យត្រីធំ។

ការសិក្សាបានឲ្យដឹងថា អ្នកដែលញុំាត្រីទឺកប្រៃ អាចទទួលគ្រោះថា្នក់ច្រើនជាងត្រីទឹកសាប ពីព្រោះទឹកសមុទ្រមានការបំពុលច្រើន ហើយម្យ៉ាងទៀតរាល់ជាតិ ពុលនៅក្នុងទឹកសាប ក៏បានហូរចូលក្នុងទឹកសមុទ្រដែរ។ គ្រោះថ្នាក់មួយចំនួនដែលគេជួបប្រទះកន្លងមកមានដូចជា ឈឺចុកពោះ ក្រពះ និងរោគស្បែក និងពេលខ្លះប៉ះពាល់ដល់ ប្រព័ន្ធខូរក្បាលទៀតផង។ នៅសហរដ្ឋអាមេរិក គ្រោះថ្នាក់ដែលកើត ពី អាហារ គឺមានប្រភពមកពីសត្វត្រីច្រើនជាងគេ។

ដូចនេះនៅពេលដែលយើងទៅញុំាអាហារ នៅភោជនីដ្ឋាន ធំៗ យើងត្រូវគិតពី អាហារដែលយើងនឹងកាម៉ង់។ ត្រីសមុទ្រ ថ្លៃជាងត្រីទឹកសាប ហើយបើនិយាយពីគ្រោះថា្នក់វិញ គឺវាមានច្រើនជាងទៀត។ សុខភាពរបស់អ្នកសំខាន់ណាស់សំរាប់ខ្លួនអ្នក។

អស់លោកអ្នក ដែលកំពុងទស្សនាគេហទំព័រនេះជាទីគោរព:
អាន ខ្មែរជាគេហទំព័រដែលផ្តល់ពហុអត្ថប្រយោជន៍ និងលើកស្ទួយ ការប្រើប្រាស់អក្សរសាស្រ្តខ្មែរតាមប្រព័ន្ធអ៊ិនធើណែត។ យើងខ្ញុំនឹងខិតខំស្រាវជ្រាវបន្ថែមទៀត ដើម្បីឲ្យគេហទំព័រនេះកាន់តែមានប្រយោជន៍សម្រាប់មនុស្សទូទៅ ពិសេសបងប្អូនប្រជាពលរដ្ឋខ្មែរទាំងក្នុង និងក្រៅប្រទេស។ សូមចូលរួមបរិច្ឆាគធនធានទៅតាមកំលាំងសទ្ធាជ្រះថ្លា ដោយចុចលើប៊ូតុងDonateនៅខាងឆ្វេងដៃ ដើម្បីទ្រទ្រង់គេហទំព័រនេះឲ្យមានដំណើរការជារៀងរហូត។ សូមអរព្រះគុណ និងសូមអរគុណ៕