ស្រ្ដីមានផ្ទៃពោះទទួលកាហ្វេ
តាមរយៈការស្រាវជ្រាវថ្មីៗ នេះបានបង្ហាញថា ម្ដាយដែលទទួលទានកាហ្វេអាចធ្វើឲ្យប៉ះពាល់ដល់ទារកក្នុងផ្ទៃ ទោះបីជាទទួលក្នុងកម្រិតណាក៏ដោយ។ របាយការណ៍ពីការស្រាវជ្រាវដដែល ក៏បានបញ្ជាក់ដែរថា ស្រី្តមានផ្ទៃពោះ ដែលទទួលទានកាហ្វេ មួយពែងក្នុងមួយថ្ងៃ អាចធ្វើឲ្យទារកកើតមិនគ្រប់ខែ និងមិនគ្រប់ទំងន់។ សាធាតុនៅក្នុងកាហ្វេទាំងប៉ុន្មាន អាចធ្វើឲ្យមានផលប៉ះពាល់ដោយផ្ទាល់ ទៅលើទារក ដែលធើ្វឲ្យអត្រាមរណៈ ទារកមានការកើនឡើង។ ក្មេងដែលកើតមកមិនគ្រប់ទំងន់មានផលប៉ះពាល់ខ្លាំងណាស់នៅពេលពួកគេធំឡើង។ ផលប៉ះពាល់ទាំងនោះ រួមមានដូចជា កើតជំងឺលើសឈាម ជំងឺបេះដូង និងទឹកនោមផ្អែមជាដើម។ ក្រុមអ្នកស្រាវជ្រាវដដែល ក៏បានលើកឡើងដែរថា ម្ដាយដែលទទួលទានកាហ្វេចាប់ពី ២ពែងឡើងទៅ ក្នុងមួយថ្ងៃ អាចប្រឈមនឹងការរលូតកូនខ្ពស់ ពោលគឺលើសពីស្រ្ដីដែលមិនទទួលទានកាហ្វេសោះ ស្ទើរតែពាក់កណ្ដាល។
បើតាមការឲ្យដឹងពីលោកវេជ្ជបណ្ឌិតដែលបានដឹកនាំ ការស្រាវជ្រាវនេះ បានប្រាប់ថាការទទួលទានជាតិកាហ្វេអ៊ីន អាចធ្វើឲ្យទារកក្នុងផ្ទៃមានការលូតលាស់យឺតយ៉ាវ ពេញមួយរយៈពេលនៃការពរពោះនេះតែម្ដង។
ការស្រាវជ្រាវនេះ គឺធ្វើការជ្រើសរើស ស្រី្ដមានផ្ទៃពោះចាប់ពី ៨ ដល់ ១២សប្ដាហ៍ ចំនួន ២៦៤៥ នាក់ក្នុងអាយុជាមធ្យម ៣០ឆ្នាំ។ ជាលទ្ធផលនៃការស្រាវជ្រាវ ស្រី្ដដែលទទួលទានជាតិកាហ្វេ ចន្លោះពី ១០០ ទៅ ១៩៩ មីលីក្រាម ឬ ប្រហែល ១ ពែង ទៅ ២ពែងក្នុងមួយថ្ងៃ ធ្វើឲ្យកើនការគ្រោះថ្នាក់ ២០ភាគរយ នៃការកើតកូនដែលមិនគ្រប់ទំងន់ បើធៀបជាមួយស្រ្ដី ដែលទទួលទាន តិច ជាង ១០០ក្រាមក្នុងមួយថ្ងៃ។ កាន់តែសាហាវ ជាងនេះទៀត អត្រាគ្រោះថ្នាក់ នឹងកើនឡើង ដល់ ៥០ភាគរយ ចំពោះស្រ្ដី ដែលទទួលលើសពី ២០០ក្រាម ដល់ ២៩៩ក្រាម ឬ ស្មើកាហ្វេ ៣ពែង ក្នុងមួយថ្ងៃ។ ដូច្នេះ បើសិនជាអាចជៀសបាន ស្រី្ដដែលមានផ្ទៃពោះ ទាំងឡាយ គួរកាត់បន្ថយ ឬ ក៏បញ្ឈប់ការទទួលកាហ្វេកាន់តែល្អ ព្រោះកាហ្វេ មានផលប៉ះពាល់ច្រើនណាស់។
|
|
អស់លោកអ្នក ដែលកំពុងទស្សនាគេហទំព័រនេះជាទីគោរព:
អាន ខ្មែរជាគេហទំព័រដែលផ្តល់ពហុអត្ថប្រយោជន៍ និងលើកស្ទួយ ការប្រើប្រាស់អក្សរសាស្រ្តខ្មែរតាមប្រព័ន្ធអ៊ិនធើណែត។ យើងខ្ញុំនឹងខិតខំស្រាវជ្រាវបន្ថែមទៀត ដើម្បីឲ្យគេហទំព័រនេះកាន់តែមានប្រយោជន៍សម្រាប់មនុស្សទូទៅ ពិសេសបងប្អូនប្រជាពលរដ្ឋខ្មែរទាំងក្នុង និងក្រៅប្រទេស។ សូមចូលរួមបរិច្ឆាគធនធានទៅតាមកំលាំងសទ្ធាជ្រះថ្លា ដោយចុចលើប៊ូតុងDonateនៅខាងឆ្វេងដៃ ដើម្បីទ្រទ្រង់គេហទំព័រនេះឲ្យមានដំណើរការជារៀងរហូត។ សូមអរព្រះគុណ និងសូមអរគុណ៕
|
0 comments:
Post a Comment