អ្នកញ៉ាំអាហារពេលយប់
ការស្រាវជ្រាវមុនៗនេះ ក៏បានរកឃើញស្រដៀងគ្នានេះដែរ ពោលគឺអ្នកដែលញ៉ាំអាហារពេលយប់នឹងឡើងទម្ងន់ បើទោះបីជាពួកគេគ្រប់គ្រងកម្រិតកាឡូរីក្នុងអាហាររបស់ពួកគេបានល្អនៅពេលថ្ងៃក៏ដោយ។
លោក Phyllis Zee វេជ្ជបណ្ឌិត ជាសាស្រ្ដាចារ្យមកពីសាកលវិទ្យាល័យ Northwestern នៅឈីកាហ្គោ និងជាអ្នកដឹកនាំការស្រាវជ្រាវនេះ បានឲ្យដឹងថា ដំបូងឡើយការស្រាវជ្រាវនេះ គឺធ្វើឡើងដើម្បីដឹងពីកត្តាដែលធ្វើឲ្យធាត់ ដែលមានដូចជាអាយុ រយៈពេលគេង និងម៉ោងចូលគេង ប៉ុន្ដែទីបំផុតបែជារកឃើញថា ការញ៉ាំអាហារក្រោយម៉ោង ៨យប់ គឺជាកត្តាដែលធ្វើឲ្យឡើងទម្ងន់ចម្បងបំផុតទៅវិញ។
លទ្ធផលនៃការស្រាវជ្រាវនេះ ត្រូវបាន
ធ្វើបទបង្ហាញនៅក្នុងការប្រជុំប្រចាំឆ្នាំរបស់ស្ថាប័នបណ្ឌិតសភាអាមេរិកនៃការស្រាវជ្រាវពីការគេង និងឱសថ នៅទីក្រុង Minneapolis។ចំណែកឯអ្នកស្រី Elisabetta Politi ជាអ្នកជំនាញខាងចំណីរអាហារ ដែលមិនបានចូលរួមក្នុងការស្រាវជ្រាវនេះទេ ក៏បានឲ្យដឹងដែរថា អ្នកដែលមានបញ្ហាគេងមិនលក់ ភាគច្រើនបែរជាធាត់ទៅវិញ ព្រោះរយៈពេលពីការញ៉ាំអាហារពេលល្ងាច និងពេលគេចូលគេងមានចន្លោះពេលយូរ ដែលធ្វើឲ្យគេមានអារម្មណ៍ថាឃ្លាន។ នៅពេលឃ្លាន ពួកគេនឹងរកអីញ៉ាំ ទោះបីជាពេលយប់ជ្រៅក៏ដោយ ដែលនេះនឹងធ្វើឲ្យគេឡើងទម្ងន់ដោយមិនដឹងខ្លួន។
អ្នកស្រី Politi ក៏បានបន្ថែមដែរថា មិនទាន់មានចម្លើយនៅឡើយទេ ទាក់ទងនឹងសំណួរជាច្រើនដែលបានសួរថា ហេតុអ្វីបានជាការញ៉ាំអាហារពេលយប់ ធ្វើឲ្យឡើងទម្ងន់នោះ។
នៅប្រទេសអ៊ឺរ៉ុបខ្លះ មានទម្លាប់ញ៉ាំអាហារពេលល្ងាចយឺតម៉ោង ដែលគេសង្កេតឃើញថាមានអ្នកធាត់ក៏ច្រើនដែរ ដែលនេះអាចជាឧទាហរណ៍មួយនៃអំណះអំណាងនេះ។
ជាចុងបញ្ចប់អ្នកជំនាញខាងចំណីរអាហារដដែលនេះ បាននិយាយថា ការញ៉ាំអាហារដែលមានកាឡូរីច្រើននាពេលថ្ងៃ យើងបានដុតបំផ្លាញកាឡូរីនោះវិញ តាមរយៈសកម្មភាពប្រចាំថ្ងៃរបស់យើង ប៉ុន្ដែប្រសិនបើអ្នកញ៉ាំអាហារពេលយប់ នោះអ្នកនឹងមិនបានដុតបំផ្លាញកាឡូរីនោះទេ ព្រោះអ្នកញ៉ាំហើយចូលគេង។
|
អស់លោកអ្នក ដែលកំពុងទស្សនាគេហទំព័រនេះជាទីគោរព:
|
0 comments:
Post a Comment