វិធី​ថ្មី​ក្នុង​ការ​ព្យាបាល​មហារីក​ប្រូស្តាត

ទីតាំងមហារីកប្រូស្តាត

សារព័ត៌មានក្នុងស្រុកមួយបានរាយការណ៍ថា ក្រុមគ្រូពេទ្យប្រទេសសិង្ហបុរីមានអភិវឌ្ឍវិធីព្យាបាលមួយបែបដែលជាជម្រើសថ្មីសម្រាប់អ្នកជំងឺមហារីកក្រពេញប្រូស្តាត ហើយថែមទាំងមានផលប៉ះពាល់អវិជ្ជមានតិចតួច និង បានកាត់បន្ថយពេលវេលាព្យាបាលបានយ៉ាងច្រើនថែមទៀតផង។

សារព័ត៌មាន Chanel NewsAsiaបាននិយាយក្នុងរបាយការណ៍ថា អ្នកជំងឺប្រាំពីរនាក់ដែលប្រឈមនឹងហានិភ័យមហារីកក្រពេញប្រូស្តាតទាប បានចូលរួមក្នុងការសាកល្បងព្យាបាលដំបូងនៅឯមន្ទីរពេទ្យទូទៅប្រទេសសិង្ហបុរី និង មជ្ឈមណ្ឌលជាតិជំងឺមហារីកនៃប្រទេសសិង្ហបុរីកាលពីខែសីហាឆ្នាំមុន ហើយលទ្ធផលដែលចេញមកដំបូងនោះបង្ហាញថា វិធីសាស្ត្រប្រើអុលត្រាសោននាំទៅរកផលប៉ះពាល់ស្មុគស្មាញតិចតួចប៉ុណ្ណោះ។

លើសពីនេះទៅទៀត ជម្រើសថ្មីនេះអាចអនុញ្ញាតឲ្យអ្នកជំងឺបន្តសកម្មភាពដូចធម្មតា... ក្រោយរយៈពេលពីឬបីថ្ងៃនៃការព្យាបាល បើប្រៀបធៀបនឹងរយៈពេលពីរសប្ដាហ៍នៃការវះកាត់យកក្រពេញប្រូស្តាតចេញនោះ។

មហារីកក្រពេញប្រូស្តាតបានយាយីដល់អ្នកដែលមានអាយុច្រើនក្នុងប្រទេសសិង្ហបុរីបួនដងច្រើនជាងកាលពីសាមសិបឆ្នាំមុន។ ជម្រើសព្យាបាលពីមុនមានដូចជា ការវះកាត់ និង វិធីសាស្ត្រវិទ្យុសកម្ម។ តែការព្យាបាលទាំងពីរប្រភេទនេះមានផលប៉ះពាល់អវិជ្ជមានខ្លាំងដល់សុខភាពអ្នកជំងឺ។

វិធីព្យាបាលថ្មីអាចឲ្យលោកគ្រូពេទ្យមើលឃើញពីដុំសាច់មហារីក និង ជាលិកាដែលនៅជុំវិញ ហើយកម្រិតកម្ដៅខ្លាំងនឹងត្រូវបញ្ចាំងចំដុំសាច់នោះដើម្បីបំផ្លាញវាដោយគ្មានផលប៉ះពាល់ដល់ជាលិកាដែលល្អនោះទេ។
ផលប្រយោជន៍សំខាន់បំផុតនោះនៃបច្ចេកវិទ្យាថ្មីនោះគឺ ការទៀងទាត់ និង ល្អិតល្អន់ចំពោះការពិនិត្យរក និង កែសម្រួលការព្យាបាលក្នុងពេលវេលាដ៏ត្រឹមត្រូវមួយ។ នេះក៏សូមថ្លែងអំណរគុណដល់បច្ចេកវិទ្យារូបភាពស្រ៊ីឌីដែលអាចពិនិត្យបានច្បាស់លាស់។

លោក ក្វេក ជិន វៃ (Kwek Jin Wei) ទីប្រឹក្សាជាន់ខ្ពស់ផ្នែកព្យាបាលដោយវិទ្យុនៅឯមជ្ឈមណ្ឌលជាតិជំងឺមហារីកនៃប្រទេសសិង្ហបុរីបានថ្លែងថា នៅពេលដែលយើងព្យាបាល យើងព្យាបាលតែកន្លែងដុំសាច់ដែលមានមេរោគមហារីកជាមួយនឹងវិធីសាស្ត្រដែលបានសន្មតដូចជា ការវះកាត់ជាដើមដែលដែលអ្នកជំងឺត្រូវទទួលការវះកាត់ដើម្បីយកដុំសាច់នោះចេញទាំងមូល ដែលបានបង្កើនផលប៉ះពាល់អវិជ្ជមានដូចជា ការបន្ទោរបង់ដោយមិនដឹងខ្លួន និង ពិការភាពជាដើម។

ជំហានទីពីរបានចាប់ផ្ដើមកាតពីខែមុន ហើយជម្រើសព្យាបាលនេះនឹងអាចយកមកអនុវត្តបានលើអ្នកជំងឺប្រហែលជាពីរឆ្នាំខាងមុខទៀតនេះ។

អស់លោកអ្នក ដែលកំពុងទស្សនាគេហទំព័រនេះជាទីគោរព:
អាន ខ្មែរជាគេហទំព័រដែលផ្តល់ពហុអត្ថប្រយោជន៍ និងលើកស្ទួយ ការប្រើប្រាស់អក្សរសាស្រ្តខ្មែរតាមប្រព័ន្ធអ៊ិនធើណែត។ យើងខ្ញុំនឹងខិតខំស្រាវជ្រាវបន្ថែមទៀត ដើម្បីឲ្យគេហទំព័រនេះកាន់តែមានប្រយោជន៍សម្រាប់មនុស្សទូទៅ ពិសេសបងប្អូនប្រជាពលរដ្ឋខ្មែរទាំងក្នុង និងក្រៅប្រទេស។ សូមចូលរួមបរិច្ឆាគធនធានទៅតាមកំលាំងសទ្ធាជ្រះថ្លា ដោយចុចលើប៊ូតុងDonateនៅខាងឆ្វេងដៃ ដើម្បីទ្រទ្រង់គេហទំព័រនេះឲ្យមានដំណើរការជារៀងរហូត។ សូមអរព្រះគុណ និងសូមអរគុណ៕