ផឹកតែអាចជួយសម្រកទម្ងន់បានល្អ

តែ

តើអ្នកកំពុងតែតមអាហារមែនទេ? បើអញ្ចឹងមែន ចូរបំភ្លេចចោលនូវការតមអាហារដែលខ្លួនចង់ទទួលទាននោះចោលទៅ។ អាថ៌កំបាំងនៃការដុតបំផ្លាញចោលនូវការធាត់គឺអ្នកគ្រាន់តែអង្គុយចុះយ៉ាងស្រួលហើយទទួលទាននូវតែដ៏ឆ្ងាញ់មួយពែងនៅក្នុងដៃរបស់អ្នកជាការស្រេច។

ថ្មីៗនេះក្រុមអ្នកវិទ្យាសាស្រ្ដជប៉ុនបានរកឃើញថា ទឹកតែ មានសារធាតុផ្សំដែលធ្វើឲ្យរំលាយនូវខ្លាញ់ដែលធ្វើឲ្យធាត់។ សារធាតុនេះ ឈ្មោះ theaflavins និង thearubigins ដែលអាចបញ្ឈប់នូវការឡើងទម្ងន់ទោះបីជាទទួលនូវអាហារដែលអាចធ្វើឲ្យធាត់ក៏ដោយ។

ប៉ុន្ដែអ្វីដែលធ្វើឲ្យទឹកតែមានប្រសិទ្ធភាពក្នុងការសម្រកទម្ងន់នោះគឺ អ្នកមិនត្រូវ

ដាក់ទឹកដោះគោ ឬដាក់ស្កនៅក្នុងទឹកតែនោះទេ។

ជាតិប្រតេអ៊ីននៅក្នុងម្សៅទឹកដោះគោ មិនត្រឹមតែធ្វើឲ្យទឹកតែអស់ប្រសិទ្ធភាពក្នុងការសម្រកទម្ងន់ប៉ុណ្ណោះទេ វាថែមទាំងបន្ថែមនូវសារធាតុកូឡេស្តេរ៉ូលដែលធ្វើឲ្យកាន់តែធាត់ទៀតផង។ តាមរបាយការណ៍របស់កាសែត ដេលីម៊ែល អាចឲ្យយើតដឹងថានេះគឺជាដំណឹងអាក្រក់សម្រាប់ប្រជាជននៅតំបន់ Britons ដែលផឹកតែអស់ ១៦៥លានពែងក្នុងមួយថ្ងៃ ហើយក្នុងនោះ ៩៨ភាគរយជាតែដែលមានលាយទឹកដោះគោ។

ការស្រាវជ្រាវមុនៗក៏បានរកឃើញដែរថា សារធាតុក្នុងទឹកតែអាចប្រឆាំងនឹងការធាតុជ្រុលបាន ជាពិសេសគឺតែពណ៌ស។ ការស្រាវជ្រាវនេះ ធ្វើឡើងដោយក្រុមហ៊ុនអាហារសុខភាពរបស់អាល្លឺម៉ង់កាលពីឆ្នាំ២០០៩ បានរកឃើញថា តែពណ៌សរបស់ចិន អាចកាត់បន្ថយនូវកោសិកាថ្មីដែលធ្វើឲ្យធាត់ និងបំបែកនូវសារធាតុធាត់នៅក្នុងកោសិកាដែលមានស្រាប់។ ក្រុមហ៊ុនដែលធ្វើការស្រាវជ្រាវនេះ មានឈ្មោះថា ក្រុមហ៊ុន Beiersdorf AG ដែលបានបោះពុម្ភផ្សាយនៅលទ្ធផលនៃការស្រាវជ្រាវរបស់ខ្លួននៅក្នុងទស្សនាវដ្ដីសុខភាពមួយ។

អស់លោកអ្នក ដែលកំពុងទស្សនាគេហទំព័រនេះជាទីគោរព:
អាន ខ្មែរជាគេហទំព័រដែលផ្តល់ពហុអត្ថប្រយោជន៍ និងលើកស្ទួយ ការប្រើប្រាស់អក្សរសាស្រ្តខ្មែរតាមប្រព័ន្ធអ៊ិនធើណែត។ យើងខ្ញុំនឹងខិតខំស្រាវជ្រាវបន្ថែមទៀត ដើម្បីឲ្យគេហទំព័រនេះកាន់តែមានប្រយោជន៍សម្រាប់មនុស្សទូទៅ ពិសេសបងប្អូនប្រជាពលរដ្ឋខ្មែរទាំងក្នុង និងក្រៅប្រទេស។ សូមចូលរួមបរិច្ឆាគធនធានទៅតាមកំលាំងសទ្ធាជ្រះថ្លា ដោយចុចលើប៊ូតុងDonateនៅខាងឆ្វេងដៃ ដើម្បីទ្រទ្រង់គេហទំព័រនេះឲ្យមានដំណើរការជារៀងរហូត។ សូមអរព្រះគុណ និងសូមអរគុណ៕