ការ​សើច​អាច​ព្យា​បាល​ជំងឺ​បាន​

អ្នកសើច

ក្រុមអ្នកជំនាញមួយក្រុមបានបញ្ជាក់ថា ការសើចអាចឲ្យជាសះស្បើយពីជំងឺដំបៅរលួយជើង។

ក្រុមអ្នកស្រាវជ្រាវមកពីសាកលវិទ្យាល័យលីដ (Leeds) បានថ្លែងថា ការសើចដោយមិនបានព្រាងទុក អាចឲ្យអ្នកជំងឺឆាប់ជាសះស្បើយ ច្រើនជាងការព្យាបាលតាមបច្ចេកវិជ្ជាចុងក្រោយទៅទៀត។

របាយការណ៍មួយដែលចេញផ្សាយនៅចក្រភពអង់គ្លេស បានបង្ហាញថា មានមន្ទីរពេទ្យ និងគ្លីនិកព្យាបាលជំងឺជាច្រើនបានប្រើនូវបច្ចេកវិទ្យាសម្លេងអ៊ុលត្រា ដើម្បីព្យាបាលអ្នកជំងឺដំបៅរលួយជើង។

ប៉ុន្តែការស្រាវជ្រាវរយៈពេល ៥ឆ្នាំ លើអ្នកជំងឺ ៣៣៧នាក់ បានរកឃើញថាបច្ចេកវិជ្ជាសម្លេងអ៊ុលត្រាមិនបានបង្កើនល្បឿននៃការព្យាបាលនោះទេ។

ផ្ទុយមកវិញ សាស្រ្ដាចារ្យ Andrea Nelson ដែលជាអ្នកដឹកនាំការស្រាវជ្រាវនេះ បាននិយាយថា គន្លឹះចម្បងក្នុងការព្យាបាលក្រុមអ្នកជំងឺដំបៅជើង គឺការធ្វើយ៉ាងណាឲ្យឈាមហូរត្រលប់ពីជើងទៅបេះដូង។ វិធីសាស្រ្តល្អបំផុតក្នុងការធ្វើបែបនេះ គឺណែនាំឲ្យអ្នកជំងឺទទួលទាននូវអាហារដែលត្រឹមត្រូវ និងហាត់ប្រាណឲ្យទៀងទាត់។ ប៉ុន្តែវិធីសាស្រ្ដល្អមួយទៀត ដែលមិនគួរឲ្យជឿ គឺការធ្វើឲ្យអ្នកជំងឺសើច ព្រោះការសើច អាចឲ្យឈាមធ្វើចលនាបំលាស់ទីបានគ្រប់ទីកន្លែងក្នុងរាងកាយមនុស្ស។

ក្នុងអំឡុងពេលសិក្សាស្រាវជ្រាវ ក្រុមអ្នកស្រាវជ្រាវបានផ្ដោតជាសំខាន់ចំពោះអ្នកជំងឺ ដំបៅរលួយទាំងឡាយណាដែលធ្ងន់ធ្ងរពិបាកព្យាបាល ដែលទទួលការព្យាបាលលើសពី ៦ខែហើយនៅតែមិនទាន់ជា។

ក្រុមអ្នកស្រាវជ្រាវបានបង្ហាញលទ្ធផលថា ការបន្ថែមនូវបច្ចេកវិជ្ជាសម្លេងអ៊ុលត្រាមិនមានអ្វីប្លែកពីការព្យាបាលធម្មតានោះទេ ហើយវាអាចបង្កើតឱកាសនៃការវិលត្រលប់នៃជំងឺនេះទៀតផង។

អស់លោកអ្នក ដែលកំពុងទស្សនាគេហទំព័រនេះជាទីគោរព:
អាន ខ្មែរជាគេហទំព័រដែលផ្តល់ពហុអត្ថប្រយោជន៍ និងលើកស្ទួយ ការប្រើប្រាស់អក្សរសាស្រ្តខ្មែរតាមប្រព័ន្ធអ៊ិនធើណែត។ យើងខ្ញុំនឹងខិតខំស្រាវជ្រាវបន្ថែមទៀត ដើម្បីឲ្យគេហទំព័រនេះកាន់តែមានប្រយោជន៍សម្រាប់មនុស្សទូទៅ ពិសេសបងប្អូនប្រជាពលរដ្ឋខ្មែរទាំងក្នុង និងក្រៅប្រទេស។ សូមចូលរួមបរិច្ឆាគធនធានទៅតាមកំលាំងសទ្ធាជ្រះថ្លា ដោយចុចលើប៊ូតុងDonateនៅខាងឆ្វេងដៃ ដើម្បីទ្រទ្រង់គេហទំព័រនេះឲ្យមានដំណើរការជារៀងរហូត។ សូមអរព្រះគុណ និងសូមអរគុណ៕