គុណ​ប្រយោជន៍​​សណ្ដែក​វាល់ណាត់

សណ្ដែកវ៉ាល់ណាត់

អ្នកស្រាវជ្រាវអាមេរិកបានរកឃើញថាសណ្ដែក Walnut មានការលាយបញ្ចូលគ្នារវាងសារធាតុដើម្បីឲ្យមានសុខភាពល្អ ប្រឆាំងនឹងអុកស៊ីតកម្មខ្ពស់ជាងសណ្ដែកផ្សេងៗទៀត។ ការសិក្សាត្រូវបានបង្ហាញកាលពីថ្ងៃអាទិត្យនៅការប្រជុំថ្នាក់ជាតិ និង ការតាំងពិព័រណ៍គីមីវិទ្យាអាមេរិកលើកទី ២៤១ (ACS) នៅរដ្ឋកាលីហ្វ័រនៀខាងជើង ។

អ្នកស្រាវជ្រាវ ACS បាននិយាយថាសណ្ដែកវ៉ាល់ណាត់សម្បូរទៅដោយប្រូតេអ៊ីនខ្ពស់ដែលអាចជំនួសសាច់ វីតាមីន ជាតិខនិជ អាហារសរសៃ និងគ្មានភាពស្អិតនៃម្សៅ ។

ជាងនេះទៅទៀតយោងលើការសិក្សា សណ្ដែកវ៉ាល់ណាត់មានផ្ទុកសារធាតុដែលយើងញ៉ាំទៅមិនបណ្ដាលឲ្យធាត់ទៀតផង។

អ្នកស្រាវជ្រាវបានផ្ដោតការសន្និដ្ឋានលើការវិភាគនៃការប្រឆាំងនឹងអុកស៊ីតកម្ម... នៃសណ្ដែក៩ប្រភេទផ្សេងគ្នាដូចជា៖សណ្ដែកWalnuts, សណ្ដែកalmonds, peanuts (សណ្ដែកដី) , សណ្ដែកpistachios, សណ្ដែកhazelnuts, សណ្ដែកBrazil nut, cashews (គ្រាប់ស្វាយចន្ទី), សណ្ដែកmacadamias និង សណ្ដែកpecans ។

ពួកគេរកឃើញថាសណ្ដែក Walnut មានកម្រិតខ្ពស់ជាងគេបំផុតក្នុងការប្រឆាំងនឹងអុកស៊ីតកម្មជាមួយជាតិប្រូតេអ៊ីនខ្ពស់ជំនួសសាច់ វីតាមីន ជាតិខនិជ អាហារសរសៃ និងគ្មានភាពស្អិតនៃម្សៅ ។ អ្នកស្រាវជ្រាវនិយាយថាការសិក្សាក្រោយគេបំផុតបានបន្ថែមពីភស្តុតាងដែលសណ្ដែកវ៉ាល់ណាត់ ជាសណ្ដែកដែលអាចជួយដល់សុខភាពបេះដូងប្រឆាំងនឹងអុកស៊ីតកម្ម ។

ការសិក្សាពីមុនបានបង្ហាញថា ការបរិភោគសណ្ដែក ឬ ប៊័រធ្វើពីសណ្ដែកដីទៀងទាត់ចំនួនតិចតួចអាចធ្វើឲ្យថយចុះហានិភ័យពីជំងឺបេះដូង ប្រភេទមហារីកមួយចំនួន ជំងឺក្រួសក្នុងប្រមាត់ ជំងឺទឹកនោមផ្អែមប្រភេទ ២ និងបញ្ហាសុខភាពផ្សេងទៀត ។

ប៉ុន្តែការសិក្សាក្រោយបំផុត គឺជាលើកទី ១ ក្នុងការប្រៀបធៀបបរិមាណ និងគុណភាពនៃការប្រឆាំងអុកស៊ីតកម្មដែលបានរកឃើញនៅក្នុងសណ្ដែកផ្សេងៗគ្នា ។

បណ្ឌិត ចូ វីនសុន (Joe Vinson) ជាអ្នកដែលបានដឹកនាំការសិក្សាក្រោយគេបំផុតបាននិយាយថា សណ្ដែកវ៉ាល់ណាត់បានចាត់ថ្នាក់ខ្ពស់ជាងសណ្ដែកដី សណ្ដែកalmonds សណ្ដែកpecans សណ្ដែកpistachios និងសណ្ដែកផ្សេងទៀត ។

ចំណុះមួយក្ដាប់នៃសណ្ដែកវ៉ាល់ណាត់ មានការប្រឆាំងនឹងអុកស៊ីតកម្មស្ទើរតែ២ដងនៃការបរិភោគសណ្ដែកផ្សេងទៀត។ ប៉ុន្តែសំណាងមិនល្អ មនុស្សម្នាមិនសូវញ៉ាំពួកវាច្រើនទេ។ ការសិក្សានេះសំណូមពរឲ្យអ្នកបរិភោគគួរតែបរិភោគសណ្ដែកវ៉ាល់ណាត់ ជាផ្នែកមួយនៃអាហារសុខភាព ។

អស់លោកអ្នក ដែលកំពុងទស្សនាគេហទំព័រនេះជាទីគោរព:
អាន ខ្មែរជាគេហទំព័រដែលផ្តល់ពហុអត្ថប្រយោជន៍ និងលើកស្ទួយ ការប្រើប្រាស់អក្សរសាស្រ្តខ្មែរតាមប្រព័ន្ធអ៊ិនធើណែត។ យើងខ្ញុំនឹងខិតខំស្រាវជ្រាវបន្ថែមទៀត ដើម្បីឲ្យគេហទំព័រនេះកាន់តែមានប្រយោជន៍សម្រាប់មនុស្សទូទៅ ពិសេសបងប្អូនប្រជាពលរដ្ឋខ្មែរទាំងក្នុង និងក្រៅប្រទេស។ សូមចូលរួមបរិច្ឆាគធនធានទៅតាមកំលាំងសទ្ធាជ្រះថ្លា ដោយចុចលើប៊ូតុងDonateនៅខាងឆ្វេងដៃ ដើម្បីទ្រទ្រង់គេហទំព័រនេះឲ្យមានដំណើរការជារៀងរហូត។ សូមអរព្រះគុណ និងសូមអរគុណ៕