ចេក​ថោក​មែន តែ​កុំមើល​ងាយ​វា

ចេក

អ្នកអាចរកទិញចេកនៅស្រុកខ្មែរនៅទីណាក៏មាន វាមានតំលៃថោកណាស់ បើបៀបធៀបនឹង ផ្លែឈើដ៏ទៃ ទៀតដូចជា ផ្លែទំពាំងបាយជូ និង ផ្លែប៉ោមជាដើម។ ប៉ុន្តែបើនិយាយពីសារប្រយោជន៍វិញ ផ្លែចេកគឺឈរលើកំពូលតារាង។ ខាងក្រោមនេះបង្ហាញពីតួនាទី របស់ចេក៖

នៅក្នុងចេកមានសារធាតុ ប៉ូតាស្យូម ច្រើន ដែលជាសារធាតុជួយឲ្យប្រព័ន្ធដឹកជញ្ចូននាំយក អុកស៊ីសែន ទៅខួរក្បាលយើងបានគ្រប់គ្រាន់ វាក៏ធ្វើឲ្យបេះដូងរបស់យើងលោតត្រូវចង្វាក់ និងបង្កើតតុល្យភាពទឹកនៅក្នុងខ្លួន។ ប៉ូតាស្យូម អាចជួយកាត់បន្ថយ អត្រាដែលអាចកើតជំងឺដាច់សសៃ ខួរក្បាលបាន។

ចេកជួយពោះវៀនរបស់យើង។ គុណសម្បត្តិរបស់វាគឺជួយឲ្យយើង ឈប់មានជំងឺទល់លាមកដោយសារវាជួយឲ្យពោះវៀនរបស់យើងមានដំណើរការស្រួល។

ចេកអាចធ្វើឲ្យអ្នកមានអារម្មណ៍ល្អ ព្រោះផ្លែចេកមាន សារធាតុគីមីម្យ៉ាងមានឈ្មោះថា tryptophan។ វាជាសារធាតុជួយកែសំរូលអារម្មណ៍របស់យើង ដោយសាវាមានកំរិតនៃប្រូតេអ៊ីន មួយធ្វើឲ្យអារម្មណ៍អ្នកបានសំរាក និងមានភាពសប្បាយជាងមុន។ យោងតាម Bananasaver.comបានឲ្យដឹងថា មនុស្សដែលមានអារម្មណ៍ស្មុកស្មាញ តែងតែផ្តល់ព័ត៌មានថាមានអារម្មណ៍ល្អទ្បើងវិញបន្ទាប់ពីបានហូប ចេក។

ចេកជួយឲ្យយើងមានខួរក្បាលល្អ។ បើតាមBananasaver.comបានបង្ហាញថា គេយកសិស្ស ២០០នាក់មកសិក្សា។គេឲ្យសិស្សទាំង២០០នាក់ ហូបចេក១ថ្ងៃ ៣ដង នឹងហូបបាយតាមធម្មតា។ គេបានរកឃើញថា សារធាតុ ប៉ូតាស្យូមនៅក្នុងចេកជួយបង្កើនថាមពលខួរក្បាលរបស់សិស្សទាំងនោះ ពួកគេមានអារម្មណ៍ល្អនិងចង់រៀនជាងមុន។

យើងគួរហូបចេកឲ្យបានច្រើន ដើម្បីទទួលបានសុខភាពល្អ។

អស់លោកអ្នក ដែលកំពុងទស្សនាគេហទំព័រនេះជាទីគោរព:
អាន ខ្មែរជាគេហទំព័រដែលផ្តល់ពហុអត្ថប្រយោជន៍ និងលើកស្ទួយ ការប្រើប្រាស់អក្សរសាស្រ្តខ្មែរតាមប្រព័ន្ធអ៊ិនធើណែត។ យើងខ្ញុំនឹងខិតខំស្រាវជ្រាវបន្ថែមទៀត ដើម្បីឲ្យគេហទំព័រនេះកាន់តែមានប្រយោជន៍សម្រាប់មនុស្សទូទៅ ពិសេសបងប្អូនប្រជាពលរដ្ឋខ្មែរទាំងក្នុង និងក្រៅប្រទេស។ សូមចូលរួមបរិច្ឆាគធនធានទៅតាមកំលាំងសទ្ធាជ្រះថ្លា ដោយចុចលើប៊ូតុងDonateនៅខាងឆ្វេងដៃ ដើម្បីទ្រទ្រង់គេហទំព័រនេះឲ្យមានដំណើរការជារៀងរហូត។ សូមអរព្រះគុណ និងសូមអរគុណ៕