ក្ដី​សង្ឃឹម​ថ្មី​សម្រាប់​អ្នក​មាន​មេរោគ​ថ្លើម C

របៀបឆ្លងមេរោគថ្លើមប្រភេទ C

ការរួមបញ្ចូលគ្នានូវថ្នាំបីមុខខុសគ្នាដោយរួមទាំងភ្នាក់ងារប្រឆាំងមេរោគថ្មីមួយនោះ បានបង្ហាញពីលទ្ធផលដែលគួរឲ្យពេញចិត្តក្នុងការព្យាបាលអ្នកជំងឺថ្លើមប្រភេទ C ជាជំងឺមួយដែលបំផ្លាញមុខងារថ្លើម នេះបើតាមការសិក្សាថ្មីមួយដែលបានផ្សព្វផ្សាយកាលពីថ្ងៃពុធ។

សហអ្នកនិពន្ធលោក ស្ទួត ហ្គ័រដុង (Stuart Gordon) មកពីមន្ទីរពេទ្យ Henry Ford Hospital នៅទីក្រុងដេត្រ័យ សហរដ្ឋអាមេរិក បាននិយាយថា ការសិក្សានេះបានបង្ហាញពីការឈានទៅមុខមួយជំហានទៀត និង ការព្យាបាលដ៏មានសក្ដានុពលមួយសម្រាប់ប្រជាជនដែលមានរោគថ្លើមប្រភេទ C និងដែលមិនអាចព្យាបាលបានក្នុងពេលអតីតកាល។ ការសិក្សានេះក៏បានបើកសករាជថ្មីចំពោះការអភិវឌ្ឍថ្នាំពេទ្យដែលនឹងផ្ដល់ជូនកន្លែងមួយសម្រាប់ភ្នាក់ងារប្រឆាំងមេរោគដើម្បីព្យាបាលរោគថ្លើមប្រភេទ C និង យើងកំពុងតែជាសាក្សីនៃការឈានទៅមុខដ៏លឿនមួយក្នុងការព្យាបាលអ្នកជំងឺ ទាំងនេះ។

របាយការណ៍នេះបានបោះពុម្ពក្នុងព្រឹត្តិបត្រវេជ្ជសាស្ត្រ New England នាថ្ងៃទី ៣១ ខែ មីនានេះ... បានបង្ហាញពីប្រសិទ្ធភាពរបស់ថ្នាំមួយដែលគេហៅថា Boceprevir ក្នុងការព្យាបាលអ្នកជំងឺថ្លើមប្រភេទ C ជាជំងឺរ៉ាំរ៉ៃមួយប្រភេទដែលឆ្លងដល់ប្រជាពលរដ្ឋអាមេរិកចំនួនប្រហែល៣.២លាននាក់។

កាលពីមុន ជំងឺនេះអាចឆ្លងបានតាមរយៈការប៉ះពាល់ឈាមដែលមានផ្ទុកមេរោគនេះ និង អាចឆ្លងដោយការចាក់សឺរ៉ាំង ឬការបឺត ឬក៏ជក់កូកាអ៊ីនរួមគ្នា ជាពិសេសគឺការរួមភេទដោយមិនមានការការពារជាមួយអ្នកមានមេរោគ។

បច្ចុប្បន្ននេះមិនមានវ៉ាក់សាំងសម្រាប់មេរោគថ្លើមប្រភេទ C ទេ និង មជ្ឈមណ្ឌលការពារ និង គ្រប់គ្រងជំងឺបានព្យាករណ៍ថា មានអ្នកស្លាប់ប្រមាណ១២,០០០នាក់ជារៀងរាល់ឆ្នាំដោយសាររោគថ្លើម និង មហារីកថ្លើម ដែលមានភ្ជាប់ជាមួយជំងឺដ៏ទៃទៀត។ ភាគច្រើនអ្នកដែលមានមេរោគថ្លើមនឹងមិនមានចេញរោគសញ្ញាក្នុងរយៈពេលជាច្រើនឆ្នាំ ប៉ុន្តែនៅពេលដែលគ្រូពេទ្យបានរកឃើញនោះ វាតែងតែយឺតពេលទៅហើយដើម្បីព្យាបាលជាមួយថ្នាំពីរមុខនាពេលបច្ចុប្បន្ននេះ។

អាន ខ្មែរ សង្ឃឹមថា ប្រជាពលរដ្ឋយើងនឹងទៅពិនិត្យសុខភាពឲ្យបានទៀងទាត់ដើម្បីការពារមុនពេលដែលជំងឺណាមួយវិវឌ្ឍទៅដល់ដំណាក់កាលដែលពិបាកព្យាបាល និង ចំណាយច្រើន។

អស់លោកអ្នក ដែលកំពុងទស្សនាគេហទំព័រនេះជាទីគោរព:
អាន ខ្មែរជាគេហទំព័រដែលផ្តល់ពហុអត្ថប្រយោជន៍ និងលើកស្ទួយ ការប្រើប្រាស់អក្សរសាស្រ្តខ្មែរតាមប្រព័ន្ធអ៊ិនធើណែត។ យើងខ្ញុំនឹងខិតខំស្រាវជ្រាវបន្ថែមទៀត ដើម្បីឲ្យគេហទំព័រនេះកាន់តែមានប្រយោជន៍សម្រាប់មនុស្សទូទៅ ពិសេសបងប្អូនប្រជាពលរដ្ឋខ្មែរទាំងក្នុង និងក្រៅប្រទេស។ សូមចូលរួមបរិច្ឆាគធនធានទៅតាមកំលាំងសទ្ធាជ្រះថ្លា ដោយចុចលើប៊ូតុងDonateនៅខាងឆ្វេងដៃ ដើម្បីទ្រទ្រង់គេហទំព័រនេះឲ្យមានដំណើរការជារៀងរហូត។ សូមអរព្រះគុណ និងសូមអរគុណ៕