ក្ដី​សង្ឃឹម​ថ្មី​សម្រាប់​អ្នក​ផ្ទុក​ហ៊ីវ (HIV)

ទម្រង់កោសិការបស់មេរោគហ៊ីវ

ថ្មីៗនេះស្ថាប័នកំពូលរបស់ប្រទេសឥណ្ឌាសម្រាប់ការស្រាវជ្រាវជីវ-វេជ្ជសាស្ត្របាននិយាយថា វ៉ាក់សាំងមេរោគហ៊ីវត្រូវបានពិសោធជោគជ័យក្នុងដំណាក់កាលដំបូង និងមិនមានផលប៉ះពាល់អវិជ្ជមានបានកើតឡើងឡើយ។

ប្រធានក្រុមប្រឹក្សានៃមជ្ឈមណ្ឌលស្រាវជ្រាវវេជ្ជសាស្ត្រ លោកបណ្ឌិត V.M. Katoch បានថ្លែងប្រាប់សារព័ត៌មានថា ដំណាក់កាលទីមួយនៃការសាកល្បងវ៉ាក់សាំងមេរោគហ៊ីវដែលកំពុងផលិតនៅប្រទេសឥណ្ឌា បានបញ្ចប់តាំងពីខែធ្នូ ឆ្នាំ២០១០។ មិនមានផលប៉ះពាល់... ណាមួយត្រូវបានរកឃើញទេ។

លោកបានបន្ថែមថា យើងមានសង្ឃឹមច្រើនលើវ៉ាក់សាំងនេះ ព្រោះវាអាចដំណើរការប្រឆាំងនឹងមេរោគដែលគេរកឃើញជាទូទៅក្នុងប្រទេសឥណ្ឌា។ យើងមិនមានភាពប្រញាប់ប្រញាល់ពេកទេក្នុងការពិសោធន៍។ យើងចង់អភិវឌ្ឍវ៉ាក់សាំងនេះឲ្យមានប្រសិទ្ធភាពនៅទីនេះ។

ឥណ្ឌាជាប្រទេសមួយក្នុងចំណោមប្រទេសកំពូលជាច្រើនដែលមានអត្រាឆ្លងមេរោគហ៊ីវច្រើនជាងគេបំផុតលើពិភពលោក។ មានប្រជាជនឥណ្ឌាប្រមាណជិតបីលាននាក់បានឆ្លងមេរោគនេះ។

ក្ដីសង្ឃឹមនេះ ក៏ជាក្ដីសង្ឃឹមរបស់ប្រជាជនកម្ពុជាដែរ។

អស់លោកអ្នក ដែលកំពុងទស្សនាគេហទំព័រនេះជាទីគោរព:
អាន ខ្មែរជាគេហទំព័រដែលផ្តល់ពហុអត្ថប្រយោជន៍ និងលើកស្ទួយ ការប្រើប្រាស់អក្សរសាស្រ្តខ្មែរតាមប្រព័ន្ធអ៊ិនធើណែត។ យើងខ្ញុំនឹងខិតខំស្រាវជ្រាវបន្ថែមទៀត ដើម្បីឲ្យគេហទំព័រនេះកាន់តែមានប្រយោជន៍សម្រាប់មនុស្សទូទៅ ពិសេសបងប្អូនប្រជាពលរដ្ឋខ្មែរទាំងក្នុង និងក្រៅប្រទេស។ សូមចូលរួមបរិច្ឆាគធនធានទៅតាមកំលាំងសទ្ធាជ្រះថ្លា ដោយចុចលើប៊ូតុងDonateនៅខាងឆ្វេងដៃ ដើម្បីទ្រទ្រង់គេហទំព័រនេះឲ្យមានដំណើរការជារៀងរហូត។ សូមអរព្រះគុណ និងសូមអរគុណ៕