Kilocalories និងអ្នក

Kilocaleries

រាល់សភាវមានជីវិតទាំងអស់រុក្ខជាតិ សត្វ និងមនុស្ស ត្រូវការ ថាមពលដើម្បីរស់រៀនមានជីវិត។ រុក្ខជាតិទទួលបានថាមពលពីព្រះអាទិត្យ និងសារធាតុចិញ្ចឹមនៅក្នុងខ្យល់និងដី។ សត្វទទួលបានថាមពលពីចំណីអាហារដែលវាស៊ី។អាហារដែលអ្នកបរិភោគ ផ្តល់ឲអ្នកវិញនូវថាមពលគិតជា Kilocalories។ វាជាការពិតណាស់ដែលយើងទទួលបាន Kilocalories នៅពេលយើងញុំអាហារច្រើន។ ប៉ុន្តែអាហារខ្លះមានបរិមាណតិច អាចមានKilocalories ច្រើនជាងអាហារដែលមានបរិមាណច្រើន។

រាង្គកាយរបស់យើងត្រូវការ Kilocalories ដើម្បីធ្វើការងារផ្សេងៗ ដូចជា ដើរទៅសាលារៀន ដងទឹក ពុះអុសជាដើម។ សារធាតុដែលមានផ្ទុកKilocaloriesមានដូចជា ជាតិខ្លាញ់ ប្រ៉ូតេអ៊ីន និង ស្ករ។ រីឯទឹក វីតាមីន និង សារជាតិខនិច វិញគ្មានផ្ទុក Kilocaloriesទេ។

បើយើងទទួលបានKilocaloriesច្រើនជាងការចំណាយរបស់យើង នោះ Kilocaloriesដែលនៅសល់នឹងប្រែក្លាយទៅជាសារធាតុខ្លាញ់ជំនួសវិញ។ វាធ្វើឲមនុស្សឆាប់ធាត់។ផ្ទុយទៅវិញបើយើងទទួលទានKilocaloriesមិនគ្រប់សំរាប់ការប្រប្រាស់ទេនោះ យើងនឹងយកសារជាតិខ្លាញ់នៅក្នុងខ្លួនមកជំនួសវិញ។វាធ្វើឲយើងឆាប់ស្គម។

ដូចនេះយើងត្រូវរក្សាតុល្យភាពរវាងKilocaloriesដែលយើង ទទួលទាន និងការចំណាយទៅវិញ។

ខាងក្រោមនេះជាតារាងនៃ Kilocaloriesមួយចំនួនទាក់ទងនឹងជីវិតប្រចាំថ្ងៃ៖

អាហារ	បរិមាណ	Kilocalories
ផ្លែប៉ោម	១	70
ចេក	១	100
ពោត	១	70
ពងទា	១	80
ទឹកក្រូច	២៥០ml	110

សកម្មភាព	នាទី	ត្រូវការ Kilocalories
ដើរ	៣០	30
រត់	30	៧០
ជិះកង់លំហែរកាយ	30	40
ជិះកង់ប្រណាំងគ្នា	30	120
លេងបាល់	30	90

អស់លោកអ្នក ដែលកំពុងទស្សនាគេហទំព័រនេះជាទីគោរព:
អាន ខ្មែរជាគេហទំព័រដែលផ្តល់ពហុអត្ថប្រយោជន៍ និងលើកស្ទួយ ការប្រើប្រាស់អក្សរសាស្រ្តខ្មែរតាមប្រព័ន្ធអ៊ិនធើណែត។ យើងខ្ញុំនឹងខិតខំស្រាវជ្រាវបន្ថែមទៀត ដើម្បីឲ្យគេហទំព័រនេះកាន់តែមានប្រយោជន៍សម្រាប់មនុស្សទូទៅ ពិសេសបងប្អូនប្រជាពលរដ្ឋខ្មែរទាំងក្នុង និងក្រៅប្រទេស។ សូមចូលរួមបរិច្ឆាគធនធានទៅតាមកំលាំងសទ្ធាជ្រះថ្លា ដោយចុចលើប៊ូតុងDonateនៅខាងឆ្វេងដៃ ដើម្បីទ្រទ្រង់គេហទំព័រនេះឲ្យមានដំណើរការជារៀងរហូត។ សូមអរព្រះគុណ និងសូមអរគុណ៕