Amoebaមេរោគ​ស៊ី​ខួរ​ក្បាល​មាន​នៅ​ក្នុង​ទឹក​បឹង ទន្លេរ

នៅប្រទេសអាមេរិក មានអ្នកស្លាប់ដោយសារតែមេរោគស៊ីខួរក្បាលជារាងរាល់ឆ្នាំ តែចំនួនមិនមានច្រើននោះទេ គឺមានប្រមាណ ពី ពីរ ទៅបីនាក់ប៉ុណ្ណោះក្នុងមួយឆ្នាំៗ ហើយពេលខ្លះមាន៤នាក់។ មេរោគនោះវារស់នៅក្នុងទឹកបឹង និងទន្លេរ ដែលមានសីតុណ្ហភាពក្តៅតិចៗ ហើយវាមានឈ្មោះថាAmoeba។

នៅប្រទេសអាមេរិកដដែល មានក្មេងពីរនាក់បានស្លាប់នៅរដូវក្តៅនេះ ដោយសារតែមេរោគ Amoebaនេះ។ ក្មេងស្រីម្នាក់អាយុ ១៦ឆ្នាំ មកពីរដ្ឋ Florida បានធ្លាក់ខ្លួនឈឺនៅពេលដែលនាងត្រលប់មកពីហែលទឹកវិញ។ ហើយក្មេងប្រុសម្នាក់ទៀតបានស្លាប់មួយសប្តាហ៍បន្ទាប់ពីវាបានមកពីស្ទូចត្រីវិញ។ ហើយមានបុរសម្នាក់ក៏បានស្លាប់ដែរតែគេមិនដឹងមូលហេតុឲ្យបា្រកដនោះទេ ព្រោះគាត់មិនបានទៅលេងទឺកបឹង ឬទឺកទន្លេរទេ។

វាជារឿងចំលែកមួយព្រោះថាមេរោគនេះវាឆ្លងតែមនុស្សមួយចំនួនប៉ុណ្ណោះចំណែកឯមនុស្សមួយចំនួនទៀតដែលបានចុះហែរទឹក និងស្ទូចត្រីមិនឆ្លងទេ។ មូលហេតុអ្វីបានជាវាឆ្លងតែមនុស្សខ្លះ ហើយមនុស្សខ្លះទៀតមិនឆ្លង នៅមិនទាន់ត្រូវបានគេបកស្រាយនៅទ្បើយទេ។ វាគឺជាអាថ៌កំបាំងមួយដែលអ្នកសិក្សាស្រាវជ្រាវកំពុងតែវិភាគរកហេតុផលឲ្យបានសមស្រប។

អ្វីដែលគួរឲ្យខ្លាចនោះ គឺមេរោគនេះមិនងាយព្យាបាលទេ ព្រោះថាតាំងគេបានប្រទះឃើញមេរោគនេះនៅក្នុង ឆ្នាំ ១៩៦០មក មានតែមួយករណីប៉ុណ្ណោះដែលគេអាចជួយសង្គ្រោះបានក្រៅពីនោះគឺស្លាប់ទាំងអស់។

ដើម្បីជៀសវាងវាបាន មានតែយើងកុំទៅលេងទឹកបឹង និងទន្លេដែលជាប្រភពនៃមេរោគនេះ ហើយបើគ្មានការចាំបាច់ទេកុំចុះទឹកបឹង ឬទន្លេរ ព្រោះថានៅក្នុងទឹកនោះយើងមិនដឹងថាមានមេរោគអ្វីខ្លះទេ។

អស់លោកអ្នក ដែលកំពុងទស្សនាគេហទំព័រនេះជាទីគោរព:
អាន ខ្មែរជាគេហទំព័រដែលផ្តល់ពហុអត្ថប្រយោជន៍ និងលើកស្ទួយ ការប្រើប្រាស់អក្សរសាស្រ្តខ្មែរតាមប្រព័ន្ធអ៊ិនធើណែត។ យើងខ្ញុំនឹងខិតខំស្រាវជ្រាវបន្ថែមទៀត ដើម្បីឲ្យគេហទំព័រនេះកាន់តែមានប្រយោជន៍សម្រាប់មនុស្សទូទៅ ពិសេសបងប្អូនប្រជាពលរដ្ឋខ្មែរទាំងក្នុង និងក្រៅប្រទេស។ សូមចូលរួមបរិច្ឆាគធនធានទៅតាមកំលាំងសទ្ធាជ្រះថ្លា ដោយចុចលើប៊ូតុងDonateនៅខាងឆ្វេងដៃ ដើម្បីទ្រទ្រង់គេហទំព័រនេះឲ្យមានដំណើរការជារៀងរហូត។ សូមអរព្រះគុណ និងសូមអរគុណ៕