ស្ករ​កៅស៊ូ​អាច​ការ​ពារ​ជំងឺ​ត្រចៀក​ក្មេងៗ​បាន​

ស្ករកៅស៊ូ

យោងតាមការសិក្សាថ្មីមួយរបស់ក្រុមអ្នកស្រាវជ្រាវបានឲ្យដឹងថា ស្ករកៅស៊ូក៏មានប្រយោជន៍ចំពោះសុខភាពដែលអ្នកមិនធ្លាប់ដឹងផងដែរ។ ស្ករកៅស៊ូមានផ្សំទៅដោយសារធាតុ Xylitol ដែលជាសារធាតុបន្ថែមជាតិផ្អែមនៅក្នុងជីអង្កាម ហើយវាជាសារធាតុដែលអាចជួយការពារជំងឺត្រចៀកបាន។

ក្រុមអ្នកស្រាវជ្រាវដែលមកពីសាកលវិទ្យាល័យតូរ៉ុនតូ នៃប្រទេសកាណាដា បានរកឃើញថា កុមារដែលប្រើប្រាស់នូវផលិតផលដែលផ្សំពីសារធាតុនេះ ដូចជាស្ករកៅស៊ូ ឬសេរ៉ូផ្អែម បានកាត់បន្ថយអត្រាវិវត្តទៅរកជំងឺត្រចៀកបានដល់ទៅ២៥ភាគរយ បើប្រៀបធៀបជាមួយកុមារដែលមិនបានទទួលសារធាតុនេះ។

សម្រាប់ការសិក្សានេះ ក្រុមអ្នកស្រាវជ្រាវបានធ្វើនូវការវិភាគលើកុមារចំនួន ៣១០៣នាក់ ដែលមានអាយុ១២ឆ្នាំ។

កុមារដែលចូលរួមទាំងនោះត្រូវបានគេផ្ដល់ឲ្យនូវសារធាតុ xylitol នេះជារៀងរាល់ថ្ងៃ ១ថ្ងៃ៥ដង។ ជាលទ្ធផល ក្រុមអ្នកស្រាវជ្រាវបានរកឃើញថា កុមារដែលទទួលទាននូវស្ករកៅស៊ូដែលមានផ្សំទៅដោយ xilitol មានអត្រាវិវត្តទៅរកបញ្ហាត្រចៀកតិចជាងកុមារដែលញ៉ាំស្ករកៅស៊ូដែលផ្សំទៅដោយសារធាតុជំនួសផ្សេងទៀត។

អ្នកដឹកនាំការស្រាវជ្រាវនេះ គឺលោក Amir Azarpazhooh មកពីសាកលវិទ្យាល័យតូរ៉ុនតូ បាននិយាយថា xylitol មានលក្ខណៈពិសេសក្នុងការការពារជំងឺត្រចៀករបស់កុមារ។

យ៉ាងណាមិញ កុមារដែលឈឺស្រាប់ហើយ ដូចជាមិនទទួលប្រយោជន៍ពីវានោះទេ។ ក្រុមអ្នកស្រាវជ្រាវមិនបានរកឃើញអត្ថប្រយោជន៍ចំពោះកុមារដែលកើតជំងឺត្រចៀករួចទៅហើយនោះទេ បើទោះបីជាប្រើ xilitol ក៏ដោយ។

ដូច្នេះ សរុបមកវិញ សារធាតុ xilitol ដែលត្រូវបានរកឃើញនៅក្នុងស្ករកៅស៊ូ គឺអាចការពារជំងឺត្រចៀកសម្រាប់កុមារបាន តែមិនអាចព្យាបាលបាននោះទេ។

អស់លោកអ្នក ដែលកំពុងទស្សនាគេហទំព័រនេះជាទីគោរព:
អាន ខ្មែរជាគេហទំព័រដែលផ្តល់ពហុអត្ថប្រយោជន៍ និងលើកស្ទួយ ការប្រើប្រាស់អក្សរសាស្រ្តខ្មែរតាមប្រព័ន្ធអ៊ិនធើណែត។ យើងខ្ញុំនឹងខិតខំស្រាវជ្រាវបន្ថែមទៀត ដើម្បីឲ្យគេហទំព័រនេះកាន់តែមានប្រយោជន៍សម្រាប់មនុស្សទូទៅ ពិសេសបងប្អូនប្រជាពលរដ្ឋខ្មែរទាំងក្នុង និងក្រៅប្រទេស។ សូមចូលរួមបរិច្ឆាគធនធានទៅតាមកំលាំងសទ្ធាជ្រះថ្លា ដោយចុចលើប៊ូតុងDonateនៅខាងឆ្វេងដៃ ដើម្បីទ្រទ្រង់គេហទំព័រនេះឲ្យមានដំណើរការជារៀងរហូត។ សូមអរព្រះគុណ និងសូមអរគុណ៕