ភេសជ្ជៈ​មាន​ជាតិ​ផ្អែម​ បង្ក​ជំងឺ​បេះដូង​សម្រាប់​ស្រ្ដី​

ស្រ្ដីដែលញ៉ាំភេសជ្ជៈផ្អែម

ភេសជ្ជៈដែលមានជាតិផ្អែម មិនត្រឹមតែអាចធ្វើឲ្យយើងឡើងទម្ងន់ ប៉ុណ្ណោះទេ ប៉ុន្ដែវាក៏អាចបង្កជាជំងឺបេះដូងផងដែរ ជាពិសេសគឺចំពោះស្រ្ដី នេះបើតាមការឲ្យដឹងពីការស្រាវជ្រាវថ្មីមួយ។

ការស្រាវជ្រាវដែលត្រូវបានបង្ហាញនៅក្នុងកិច្ចប្រជុំប្រចាំឆ្នាំនៃ American Heart Association នេះ បានរកឃើញថា ស្រ្ដីដែលញ៉ាំភេសជ្ជៈដែលមានជាតិផ្អែមចាប់ពីពីរកែវឡើងទៅក្នុងមួយថ្ងៃ នឹងត្រូវប្រឈមមុខនឹងហានីភ័យនៃជំងឺបេះដូងខ្ពស់ជាងស្រ្ដីដែលមិនញ៉ាំតិចជាងនេះ។

ដើម្បីរកឲ្យឃើញបែបនេះ ក្រុមអ្នកស្រាវជ្រាវដែលមកពីសាកលវិទ្យាល័យ Oklahoma Health Science Center បានធ្វើការសិក្សាទៅលើមនុស្សប្រុសស្រីចំនួន ៤១៦៦នាក់ ដែលមានអាយុចាប់ពី ៤៥ឆ្នាំ ទៅ៨៤ឆ្នាំ ។

ក្រោយរយៈពេល៥ឆ្នាំនៃការសិក្សានេះ ក្រុមអ្នកស្រាវជ្រាវបានវិភាគលើទិន្នន័យរបស់អ្នកចូលរួមទាំងអស់ទាក់ទងនឹងបរិមាណភេសជ្ជៈផ្អែមប្រចាំថ្ងៃ ដូចជា តែផ្អែម សូដា ឬក៏ទឹកដែលមានបន្ថែមជាតិស្កផ្សេងទៀត។

ជាលទ្ធផលបានបង្ហាញថា ស្រ្ដីដែលញ៉ាំភេសជ្ជៈដែលមានជាតិផ្អែមចាប់ពីពីរកែវឡើងទៅជារៀងរាល់ថ្ងៃ មានហានីភ័យខ្ពស់ បើប្រៀបធៀបជាមួយនឹងស្រ្ដីដែលញ៉ាំតិចជាងនេះ ពោលគឺខ្ពស់ជាងដល់ទៅ៤ដងឯណោះ។

បន្ថែមលើនេះទៀត ស្រ្ដីទាំងនោះក៏អាចប្រឈមនឹងជំងឺទឹកនោមផ្អែមប្រភេទ២ ផងដែរ។

យ៉ាងណាមិញ ហានីភ័យនេះមិនត្រូវបានរកឃើញសម្រាប់បុរសនោះទេ។

អស់លោកអ្នក ដែលកំពុងទស្សនាគេហទំព័រនេះជាទីគោរព:
អាន ខ្មែរជាគេហទំព័រដែលផ្តល់ពហុអត្ថប្រយោជន៍ និងលើកស្ទួយ ការប្រើប្រាស់អក្សរសាស្រ្តខ្មែរតាមប្រព័ន្ធអ៊ិនធើណែត។ យើងខ្ញុំនឹងខិតខំស្រាវជ្រាវបន្ថែមទៀត ដើម្បីឲ្យគេហទំព័រនេះកាន់តែមានប្រយោជន៍សម្រាប់មនុស្សទូទៅ ពិសេសបងប្អូនប្រជាពលរដ្ឋខ្មែរទាំងក្នុង និងក្រៅប្រទេស។ សូមចូលរួមបរិច្ឆាគធនធានទៅតាមកំលាំងសទ្ធាជ្រះថ្លា ដោយចុចលើប៊ូតុងDonateនៅខាងឆ្វេងដៃ ដើម្បីទ្រទ្រង់គេហទំព័រនេះឲ្យមានដំណើរការជារៀងរហូត។ សូមអរព្រះគុណ និងសូមអរគុណ៕