សារៈសំខាន់នៃអាហារពេលព្រឹក

ការទទួលទានអាហារពេលព្រឹក

មនុស្សគ្រប់រូបមិនថាក្មេង មនុស្សវ័យជំទង់ និងមនុស្សពេញវ័យទេគឺតែងតែគិត និងឲ្យតម្លៃទៅលើអាហារពេលព្រឹក ថាជាអាហារដ៏មានសារៈសំខាន់បំផុតសម្រាប់ទ្រទ្រង់ដល់សុខភាព ដោយហេតុថាខួរក្បាលរបស់មនុស្សបញ្ចេញសកម្មដោយពឹងផ្អែកទាំងស្រុងទៅលើក្លុយកូស ដែលជាទូទៅត្រូវបានគេស្គាល់ថា "ជាតិស្ករដែលបានមកពីការធ្វើសំយោគមេតាបូលីកនៃអាហារ" សម្រាប់សកម្មជាច្រើនតួយ៉ាង ការគិត ការដោះស្រាយបញ្ហា...។

នេះបើតាមលោក Gail Frank អ្នកជំនាញខាងការតមអាហារ (Dietitian) ប្រចាំ American Dietetic Associationដែលបានធ្វើការសិក្សាអស់រយៈពេលជាង 40 ឆ្នាំពីទំនាក់ទំនងអាហារពេលព្រឹកដោយបានកត់សំគាល់ទៅលើមនុស្សប្រមាណ 70,000 នាក់។

មានមនុស្សជាច្រើនធ្លាប់គិតថា ការបង្អត់អាហារពេលព្រឹក គឺក្នុងគោលបំណងសម្រកទំងន់ ឬធ្វើអោយរាងស្វែល។ ប៉ុន្តែការយល់បែបនេះគឺជាការយល់ខុស ដោយសារតែការបង្អត់អាហារពេលព្រឹក គឺអ្នកកំពុងបង្អត់ប្រព័ន្ធសរីរាង្គ និងបង្ខំឲ្យខួរក្បាលធ្វើការដោយគ្មានថាមពលទ្រទ្រង់។ កត្តានេះវាបណ្តាលឲ្យខួរក្បាល និងរាងកាយរបស់អ្នកចុះទន់ខ្សាយ ជាពិសេសការគិត ការដោះស្រាយបញ្ហា ការចងចាំ ឬសកម្មភាពផ្សេងៗទៀតដែលអ្នកកំពុងអនុវត្តហាក់ដូចជាមានអារម្មណ៍ហត់នឿយ រសាប់រសល់។ ដូច្នេះអាហារពេលព្រឹកមានសារៈសំខាន់ណាស់ សម្រាប់ការសម្រកទំងន់ និងការគ្រប់គ្រងទំងន់៕

អស់លោកអ្នក ដែលកំពុងទស្សនាគេហទំព័រនេះជាទីគោរព:
អាន ខ្មែរជាគេហទំព័រដែលផ្តល់ពហុអត្ថប្រយោជន៍ និងលើកស្ទួយ ការប្រើប្រាស់អក្សរសាស្រ្តខ្មែរតាមប្រព័ន្ធអ៊ិនធើណែត។ យើងខ្ញុំនឹងខិតខំស្រាវជ្រាវបន្ថែមទៀត ដើម្បីឲ្យគេហទំព័រនេះកាន់តែមានប្រយោជន៍សម្រាប់មនុស្សទូទៅ ពិសេសបងប្អូនប្រជាពលរដ្ឋខ្មែរទាំងក្នុង និងក្រៅប្រទេស។ សូមចូលរួមបរិច្ឆាគធនធានទៅតាមកំលាំងសទ្ធាជ្រះថ្លា ដោយចុចលើប៊ូតុងDonateនៅខាងឆ្វេងដៃ ដើម្បីទ្រទ្រង់គេហទំព័រនេះឲ្យមានដំណើរការជារៀងរហូត។ សូមអរព្រះគុណ និងសូមអរគុណ៕