ឈប់​ជក់​បារី​ធ្វើ​ឲ្យ​​ធាត់ អ្ន​ក​វិទ្យា​សាស្រ្ត​មាន​ចម្លើយ​

ការជក់បារី

ជាធម្មតាអ្នកដើរតាមផ្សារក្តី ឬតាមហាងកាហេ្វក្តី អ្នកសង្កេតឃើញថា អ្នកជក់បារីមានរូបរាងស្គម មិនសូវមានសាច់ទេ ហើយចំណែកឯអ្នកដែលផ្តាច់បារី មានរាងធាត់ជាងមុន។

តើអ្វីធ្វើឲ្យមនុស្ស ផ្តាច់ការជក់បារី កើនទំងន់ជាងមុនពេលជក់បារី?

Yann Maneur អ្នកសិក្សាស្រាវជ្រាវនែសកលវិទ្យាល័យ Yale បាននិយាយថា នៅក្នុងបារីដែលយើងជក់សព្វថ្ងៃមាន សារធាតុនីកូទីន។ នៅពេលសារធាតុនេះចូលទៅដល់ក្នុងខួរក្បាលយើង វាបានទៅដាស់ សសៃប្រសាទមួយប្រភេទ ដែលមាននៅក្នុងកោសិការប្រសាទរបស់យើង។ សសៃប្រសាទនេះហើយ គឺជាហេតុផលដែលធ្វើឲអ្នកជក់បារីមិនសូវឃ្លានបាយ ព្រោះថាវាជាសសៃប្រសាទ ជួយកាត់បន្ថយ ការឃ្លាន និង បន្ថែមមកវិញដោយថាមពល។

អីចឹងយើងអាចយកបារីមកធ្វើជា ថាំ្នសំរាប់ធ្វើឲមនុស្សមានរាង្គស្គមបានទេ? វាអាចធ្វើទៅរួចបាន អ្នកស្រាវជ្រាវរូបនេះឆ្លើយទាំងស្ទាក់ស្ទើរ។ គាត់បន្ថែមទៀតថា ប៉ុន្តែគ្មាននរណាម្នាក់ អាចធានាបានពី ផលប៉ះពាល់របស់វាទេ។ ដោយសារការ រកឃើញនេះ អ្នកស្រាវជ្រាវ អាចនៅពេលអនាគត យកជាតិនីកូទីន ក្នុងថ្នាំជក់ មកធ្វើជា ថ្នាំសំរាប់ធ្វើឲ្យរាងស្គម។

នៅពេលឈប់ជក់បារី សារធាតុនីកូទីននៅក្នុងខួរក្បាលរបស់យើងក៏លែងមានដែរ។ អារម្មណ៍ដែលមិនឃ្លាន លែងមានទៀ់តហើយ។ យើងហូបបាយបានច្រើនជាងមុន។ នេះ ហើយគឺជាហេតុផលដែលថាឈប់ជក់បារីធ្វើឲ្យធាត់។

អស់លោកអ្នក ដែលកំពុងទស្សនាគេហទំព័រនេះជាទីគោរព:
អាន ខ្មែរជាគេហទំព័រដែលផ្តល់ពហុអត្ថប្រយោជន៍ និងលើកស្ទួយ ការប្រើប្រាស់អក្សរសាស្រ្តខ្មែរតាមប្រព័ន្ធអ៊ិនធើណែត។ យើងខ្ញុំនឹងខិតខំស្រាវជ្រាវបន្ថែមទៀត ដើម្បីឲ្យគេហទំព័រនេះកាន់តែមានប្រយោជន៍សម្រាប់មនុស្សទូទៅ ពិសេសបងប្អូនប្រជាពលរដ្ឋខ្មែរទាំងក្នុង និងក្រៅប្រទេស។ សូមចូលរួមបរិច្ឆាគធនធានទៅតាមកំលាំងសទ្ធាជ្រះថ្លា ដោយចុចលើប៊ូតុងDonateនៅខាងឆ្វេងដៃ ដើម្បីទ្រទ្រង់គេហទំព័រនេះឲ្យមានដំណើរការជារៀងរហូត។ សូមអរព្រះគុណ និងសូមអរគុណ៕