រូបភាពពីហ្គូហ្គល
វ៉ិបសៃថ៍ BBC បានចេញផ្សាយនូវអត្ថបទមួយកាលពីថ្ងៃទី ២២ ខែ កក្កដាពាក់ព័ន្ធនឹងរបកគំហើញរបស់ក្រុម Imperial College London ស្តីពីការទទួលទានសាច់ទាក់ទងទៅនឹងការឡើងទម្ងន់ ដោយក្រុមអ្នកស្រាវជ្រាវទាំងនេះធ្វើការសិក្សានៅអឺរ៉ុបលើមនុស្សពេញវ័យចំនួន ៤០០ ពាន់នាក់។ ការសិក្សានេះក៏ពិនិត្យមើលផងដែរលើទិន្នន័យដែលទទួលបានពីមនុស្សពេញវ័យដែលបានចូលរួមនៅក្នុងគម្រោងដ៏ធំមួយស្តីពីទំនាក់ទំនងរបបអាហារ និងជម្ងឺមហារីក។ អ្នកចូលរួមមកពីបណ្តាប្រទេសអឺរ៉ុបចំនួន ១០ រាប់បញ្ចូលទាំងប្រទេសអង់គ្លេស ត្រូវបានថ្លឹងទម្ងន់ និងវាស់ទំហំដងខ្លួននៅពេលចាប់ផ្តើម បន្ទាប់មកត្រូវបានស្នើឲ្យរាយការណ៍ពីទម្ងន់របស់ពួកគេរយៈពេល ៥ ឆ្នាំចុងក្រោយ ហើយពួកគេទាំងនោះក៏តម្រូវឲ្យបំពេញតារាងសំណួរពាក់ព័ន្ធនឹងអាហារយ៉ាងលម្អិត។
អ្នកស្រាវជ្រាវបានរកឃើញពីទំនាក់ទំនងការឡើងទម្ងន់នេះដំណាលគ្នារវាងបុរស និងស្ត្រី។ គេបានគណនាថា នៅក្នុងចំណោមមនុស្សដែលទទួលទានបរិមាណកាឡូរីដូចគ្នា ពោលគឺការទទួលទានសាច់ប្រហែល ២៥០ ក្រាមក្នុងមួយថ្ងៃ វាជាមូលហេតុឲ្យឡើងទម្ងន់បន្ថែម ២ គីឡូក្រាមក្នុងរយៈពេល ៥ ឆ្នាំ ផ្ទុយគ្នាទៅនិងទ្រឹស្តីដែលចែងថា របបអាហារមានបរិមាណប្រូតេអីនខ្ពស់ រួមផ្សំដោយបរិមាណកាបូអីដ្រាត ជួយដល់ការសម្រកទម្ងន់។
លោកបណ្ឌិត Anne-Claire Vergnaud និយាយថា "ខ្ញុំសូមផ្តល់អនុសាសន៍ដល់មនុស្សទាំងអស់ ត្រូវត្រួតពិនិត្យនូវការឡើង ចុះទម្ងន់របស់ខ្លួន និងថែរក្សានូវរបបអាហារដើម្បីផលប្រយោជន៍រូបរាងកាយឲ្យបានល្អ"៕
|
|
អស់លោកអ្នក ដែលកំពុងទស្សនាគេហទំព័រនេះជាទីគោរព:
អាន ខ្មែរជាគេហទំព័រដែលផ្តល់ពហុអត្ថប្រយោជន៍ និងលើកស្ទួយ ការប្រើប្រាស់អក្សរសាស្រ្តខ្មែរតាមប្រព័ន្ធអ៊ិនធើណែត។ យើងខ្ញុំនឹងខិតខំស្រាវជ្រាវបន្ថែមទៀត ដើម្បីឲ្យគេហទំព័រនេះកាន់តែមានប្រយោជន៍សម្រាប់មនុស្សទូទៅ ពិសេសបងប្អូនប្រជាពលរដ្ឋខ្មែរទាំងក្នុង និងក្រៅប្រទេស។ សូមចូលរួមបរិច្ឆាគធនធានទៅតាមកំលាំងសទ្ធាជ្រះថ្លា ដោយចុចលើប៊ូតុងDonateនៅខាងឆ្វេងដៃ ដើម្បីទ្រទ្រង់គេហទំព័រនេះឲ្យមានដំណើរការជារៀងរហូត។ សូមអរព្រះគុណ និងសូមអរគុណ៕
|
0 comments:
Post a Comment