កម្រិត​ជាតិ​ស្ករ​ក្នុង​ឈាម​ខ្ពស់ ធ្វើ​ឲ្យ​មុខ​ចាស់​ជាង​អាយុ​

ស្រ្ដីពិនិត្យមើលភាពជ្រួញលើផ្ទៃមុខ

អ្នកដែលមានកម្រិតជាតិស្ករក្នុងឈាមខ្ពស់ជាងកម្រិតធម្យម គឺនឹងមើលទៅឃើញចាស់ជាងអ្នកដែលមានកម្រិតជាតិស្ករក្នុងឈាមទាប នេះបើយោងតាមរបកគំហើញថ្មីរបស់ក្រុមអ្នកជំនាញ។

ជាតិស្ករក្នុងឈាម គឺកើនឡើងដោយសារតែការញ៉ាំអាហារមិនត្រឹមត្រូវ ឬខ្វះការហាត់ប្រាណឲ្យបានជាប្រចាំ ដែលយើងគ្រប់គ្នាបានដឹងហើយថា វាជាមូលហេតុដែលបង្កជាជំងឺផ្សេងៗ។

ក្រុមអ្នកស្រាវជ្រាវដដែលនេះ បានរកឃើញថា រាល់ការកើនឡើងនៃកម្រិតជាតិស្ករក្នុងឈាមតែមួយមីលីម៉ូលក្នុងមួយលីត្រ (mmol/l) លើកម្រិតដែលល្អរវាងពី ៥ទៅ៦mml/l នោះអ្នកនឹងត្រូវប្រឈមនឹងការចាស់ជាងអាយុចំនួន៥ខែ (មុខចាស់ជាងអាយុ) ដូច្នេះបើកើន២mmol/l នោះអ្នកនឹងមានមុខចាស់ជាងអាយុ១០ខែជាមិនខាន។

ក្រុមអ្នកស្រាវជ្រាវបានធ្វើការវាស់វែងលើកម្រិតជាតិស្ករក្នុងឈាមរបស់មនុស្ស ៦០២នាក់ ហើយបន្ទាប់មកផ្ទៀងផ្ទាត់ជាមួយនឹងមុខរបស់អ្នកទាំងនោះ។

ជាលទ្ធផលគឺដូចអ្វីដែលបានបញ្ជាក់ខាងលើអញ្ចឹង ពោលគឺអ្នកដែលមានកម្រិតជាតិស្ករក្នុងឈាមទាប មើលទៅក្មេងជាងអាយុដល់ទៅមួយឆ្នាំ ខណៈដែលអ្នកមានកម្រិតជាតិស្ករខ្ពស់ ចាស់ជាងអាយុរបស់ខ្លួន។

មូលហេតុដែលបណ្ដាលឲ្យដូច្នេះ គឺដោយសារតែការប្រមូលផ្ដុំនៃជាតិស្ករ ដែលអាចបង្អាក់នូវ collagen ដែលជាប្រតេអ៊ីននៅក្នុងស្បែក ដើរតួនាទីជាអ្នកថែរក្សាស្បែក ដូច្នេះប្រសិនបើជាតិស្ករច្រើន នោះសារជាតិ collagen ក៏ពិបាកនោះដែរ។

អស់លោកអ្នក ដែលកំពុងទស្សនាគេហទំព័រនេះជាទីគោរព:
អាន ខ្មែរជាគេហទំព័រដែលផ្តល់ពហុអត្ថប្រយោជន៍ និងលើកស្ទួយ ការប្រើប្រាស់អក្សរសាស្រ្តខ្មែរតាមប្រព័ន្ធអ៊ិនធើណែត។ យើងខ្ញុំនឹងខិតខំស្រាវជ្រាវបន្ថែមទៀត ដើម្បីឲ្យគេហទំព័រនេះកាន់តែមានប្រយោជន៍សម្រាប់មនុស្សទូទៅ ពិសេសបងប្អូនប្រជាពលរដ្ឋខ្មែរទាំងក្នុង និងក្រៅប្រទេស។ សូមចូលរួមបរិច្ឆាគធនធានទៅតាមកំលាំងសទ្ធាជ្រះថ្លា ដោយចុចលើប៊ូតុងDonateនៅខាងឆ្វេងដៃ ដើម្បីទ្រទ្រង់គេហទំព័រនេះឲ្យមានដំណើរការជារៀងរហូត។ សូមអរព្រះគុណ និងសូមអរគុណ៕