កូនក្មេងស្រូបផ្សែងបារី
ការរកឃើញនេះ គឺជាការរួមបញ្ចូលគ្នានូវការសិក្សាមុនៗចំនួន៦១ផ្សេងគ្នា ហើយក្រុមអ្នកស្រាវជ្រាវបានបង្ហាញថា មានករណីបញ្ហាត្រចៀករាប់រយពាន់នាក់ជារៀងរាល់ឆ្នាំ គឺអាចបណ្ដាលមកពីការជក់បារីរបស់ឪពុកម្ដាយ ដែលជាពិសេសគឺម្ដាយ។
មិនមែនទើបតែមានការសិក្សានេះមួយទេ ដែលរកឃើញថា កុមាររស់នៅជាមួយអ្នកជក់បារី អាចបណ្ដាលឲ្យមានបញ្ហាត្រចៀកនោះ ការសិក្សាផ្សេងទៀត ក៏បានរកឃើញដែរថា កុមារទាំងនោះមាន ហានីភ័យខ្ពស់ជាងកុមារដទៃចំនួន ៣៧ភាគរយ ក្នុងការកើតជំងឺត្រចៀក ដែលបណ្ដាលឲ្យប៉ះពាល់ដល់ការស្ដាប់ ស្របពេលដែលហានីភ័យនឹងកើនដល់ ៦២ភាគរយ ប្រសិនបើអ្នកជក់បារីនោះជាម្ដាយរបស់កុមារ។
ប្រសិនបើម្ដាយជាអ្នកជក់បារី កុមារក៏មាន ៨៦ភាគរយផងដែរ ក្នុងការប្រឈមនឹងការវះកាត់ត្រចៀក បើប្រៀបធៀបជាមួយកុមារដែលគ្មានម្ដាយជាអ្នកជក់បារី។ កុមារប្រហែល បីភាគបួន មានបញ្ហាត្រចៀក នៅពេលពួកគេមានអាយុ៣ឆ្នាំ។
លោកវេជ្ជបណ្ឌិត Joseph DiFranza ដែលជាអ្នកស្រាវជ្រាវថ្នាំជក់មកពីសាកលវិទ្យា Massachusetts Medical School បាននិយាយថា ការកើនឡើងហានីភ័យនៃការវះកាត់ត្រចៀក គឺជាក្ដីព្រួយបារម្ភមួយ។ ប្រសិនបើឈឺត្រចៀកធម្មតា គឺជារឿងសាមញ្ញ ប៉ុន្ដែការវះកាត់ គឺមិនមែនជារឿងសាមញ្ញនោះទេ។
ក្រុមអ្នកជំនាញបានប៉ាន់ស្មានថា ការស្រូបផ្សែងបារី អាចបណ្ដាលឲ្យប៉ះពាល់ដល់បំពង់ត្រចៀក ហើយទឹកនឹងអាចហូរចូលទៅក្នុងប្រហោងទំនេរ ដែលនៅខាងក្រោមក្រដាសត្រចៀក ដែលនឹងបណ្ដាលឲ្យបាក់តេរីអាចកកើត និងរីកធំធាត់ បង្កទៅជាជំងឺត្រចៀក។
Laura Jones ដែលជាអ្នកដឹកនាំការស្រាវជ្រាវនេះ មកពីសាកលវិទ្យាល័យ Notthingham នៃប្រទេសអង់គ្លេស បានប៉ាន់ប្រមាណផងដែរថា អ្នកស្រូបផ្សែងបារីពិតជាប៉ះពាល់ដល់ត្រចៀក ខណៈដែលអ្នកកើតជំងឺត្រចៀក ១៣០០០០ករណី ក្នុងចំណោម ២លានករណី របស់ទារកអង់គ្លេស គឺអាចបណ្ដាលមកពីឪពុកម្ដាយជក់បារី។
បន្ថែមលើនេះទៀត ២៩៣០០០ករណីនៃជំងឺត្រចៀក នៅសហរដ្ឋអាមេរិក ក្នុងចំណោម ៤,៥លានករណីប្រចាំឆ្នាំ គឺអាចបណ្ដាលមកពីផ្សេងបារីនៅក្នុងផ្ទះពួកគេផងដែរ។
|
អស់លោកអ្នក ដែលកំពុងទស្សនាគេហទំព័រនេះជាទីគោរព:
|
0 comments:
Post a Comment