ថ្នាំ​ពន្យារកំណើត​អាច​ប៉ះ​ពាល់​ដល់​ការ​ចង​ចាំ​របស់​ស្រ្ដី​

ថ្នាំពន្យារកំណើត

ស្រ្ដីដែលលេបថ្នាំពន្យារកំណើត អាចធ្វើឲ្យមានការប៉ះពាល់ដល់របៀបនៃការចងចាំព័ត៌មានរបស់ពួកគេ នេះបើតាមការស្រាវជ្រាវថ្មីមួយ។ ក្រុមអ្នកជំនាញបាននិយាយថា ស្រ្ដីដែលប្រើប្រាស់ថ្នាំលេបពន្យារកំណើត មានការចងចាំក្នុងរូបភាពផ្សេងគ្នា ពីអ្នកដែលដែលមិនប្រើប្រាស់។ ថ្នាំលេបពន្យារកំណើតបានធ្វើឲ្យស្រ្ដីផ្លាស់ប្ដូររបៀបនៃការចងចាំ ដោយសារតែវាបានធ្វើការផ្លាស់ប្ដូរនូវសមតុល្យអ័រម៉ូនរបស់ស្រ្ដី។

ថ្នាំលេបពន្យារកំណើត បានកាត់បន្ថយនូវអ័រម៉ូន Oestrogen និង Progesterone ដើម្បីការពារមិនឲ្យស្រ្ដីមានផ្ទៃពោះ។ សារធាតុគីមីទាំងនេះ គឺផ្សារភ្ជាប់ទៅនឹងសមត្ថភាពនៃការចងចាំនូវព្រឹត្តិការណ៍ផ្សេងៗ នេះបើយោងតាមការឲ្យដឹងរបស់លោក Larry CahiilL ដែលជាអ្នកដឹកនាំការស្រាវជ្រាវនេះ។

មានសំណួរមួយបានលើកឡើងថា តើថ្នាំលេបពន្យារកំណើត ដែលត្រូវបានប្រើប្រាស់ដោយស្រ្ដីរាប់រយលាននាក់នោះ អាចប៉ះពាល់ដល់សមត្ថភាពនៅកន្លែងការងារដែរឬទេ? ក្រុមអ្នកជំនាញដែលមកពីសាកលវិទ្យាល័យកាលីហ្វ័រញ៉ា បានលើកឡើងថា ថ្នាំពន្យារកំណើតមិនបានបំផ្លាញការចងចាំនោះទេ ដែលនេះមានន័យថា វាគ្រាន់តែមានការចងចាំក្នុងវិធីផ្សេងគ្នាប៉ុណ្ណោះ ឧទាហរណ៍ ស្រ្ដីដែលលេបថ្នាំពន្យារកំណើត និងស្រ្ដីដែលមិនលេប មានការចងចាំក្នុងភាពផ្សេងគ្នា។

លោក Shawn Nielsen ដែលជាអ្នកស្រាវជ្រាវម្នាក់ដែរនោះ បាននិយាយថា មិនមែនមានន័យថា ថ្នាំលេបពន្យារកំណើតធ្វើឲ្យបាត់បង់ការចងចាំនោះទេ គឺគ្រាន់តែបានផ្លាស់ប្ដូរប្រភេទនៃព័ត៌មានដែលពួកគេចងចាំប៉ុណ្ណោះ។

លទ្ធផលនៃការស្រាវជ្រាវនេះ ត្រូវបានបោះពុម្ភផ្សាយនៅក្នុងព្រឹត្តបត្រ Neurobiology of Learning and Memory Journal។

អស់លោកអ្នក ដែលកំពុងទស្សនាគេហទំព័រនេះជាទីគោរព:
អាន ខ្មែរជាគេហទំព័រដែលផ្តល់ពហុអត្ថប្រយោជន៍ និងលើកស្ទួយ ការប្រើប្រាស់អក្សរសាស្រ្តខ្មែរតាមប្រព័ន្ធអ៊ិនធើណែត។ យើងខ្ញុំនឹងខិតខំស្រាវជ្រាវបន្ថែមទៀត ដើម្បីឲ្យគេហទំព័រនេះកាន់តែមានប្រយោជន៍សម្រាប់មនុស្សទូទៅ ពិសេសបងប្អូនប្រជាពលរដ្ឋខ្មែរទាំងក្នុង និងក្រៅប្រទេស។ សូមចូលរួមបរិច្ឆាគធនធានទៅតាមកំលាំងសទ្ធាជ្រះថ្លា ដោយចុចលើប៊ូតុងDonateនៅខាងឆ្វេងដៃ ដើម្បីទ្រទ្រង់គេហទំព័រនេះឲ្យមានដំណើរការជារៀងរហូត។ សូមអរព្រះគុណ និងសូមអរគុណ៕