ជំងឺ​មហារីក​កើន​ដល់​១២លាន​ករណី​ក្នុង​មួយ​ឆ្នាំ​

អ្នកជំងឺមហារីក

ក្រុមអ្នកជំនាញបានធ្វើការព្រមានថា ជំងឺមហារីក ជំងឺបេះដូង និងជំងឺទឹកនោមផ្អែម គឺជាសត្រូវដ៏ធំបំផុតចំពោះសុខភាពនាពេលបច្ចុប្បន្នដែលពិភពលោកកំពុងប្រឈមមុខ។

ចំនួននៃអ្នកកើតជំងឺមហារីកថ្មីនៅទូទាំងពិភពលោកបានកើនឡើងដល់ទៅ ២០ភាគរយនៅទូទាំងពិភពលោកបើប្រៀបធៀបជាមួយរយៈពេលមួយទសវត្សមុន ពោលគឺមួយឆ្នាំមាន១២លានករណី។

ចំនួននេះ គឺច្រើនជាងដល់ទៅបួនដង នៃចំនួនអ្នកផ្ទុកមេរោគអេដស៍ថ្មីៗប្រចាំឆ្នាំ ហើយ ២,៨លានករណីនៃជំងឺមហារីក គឺទាក់ទងទៅនឹងការញ៉ាំអាហារមិនសមស្រប ការខ្វះលំហាត់ប្រាណ និងការធាត់លើសទម្ងន់។

ចំនួនអ្នកកើតជំងឺមហារីកដ៏ច្រើននេះ មិនទាន់ចប់នៅឡើយទេ គឺត្រូវបានអ្នកជំនាញរំពឹងថានឹងកើនឡើងយ៉ាងគំហុគបន្តទៅទៀត ដោយសារតែមនុស្សកាន់តែច្រើនបានចាប់ផ្ដើមធាត់ ហើយរបៀបរស់នៅរបស់មនុស្សក៏មានការប្រែប្រួលដែរ។

ទិន្នន័យទាំងនេះ គឺត្រូវបានចេញផ្សាយដោយមូលនិធិស្រាវជ្រាវជំងឺមហារីកពិភពលោក (WCRF) ដែលជាអង្គការសប្បុរសធម៌មិនគិតប្រាក់កម្រៃ។

មិនត្រឹមតែប៉ុណ្ណោះទេ ក្រុមអ្នកជំនាញក៏បានធ្វើការព្រមានឲ្យមានការរួមចំណែកពីក្រុមហ៊ុនផលិតចំណីរអាហារ និងភេសជ្ជៈក្នុងការបង្កើតនូវគោលនយោបាលសុខភាព។ រដ្ឋាភិបាលនៃប្រទេសនានា ក៏ត្រូវចូលរួមទទួលខុសត្រូវផងដែរ។

មានក្រុមហ៊ុនធំៗជាច្រើន បានចូលរួមក្នុងយុទ្ធនាការនេះ ដែលមានដូចជា Coca-Cola, Nestle, PepsiCo, Kellogg's Kraft, Unilever, Cadbury ជាដើម ដោយក្រុមហ៊ុនទាំងនោះខ្លះ បានធ្វើការកែរូបមន្តផលិតផលរបស់ខ្លួន ដោយកាត់បន្ថយជាតិស្ក។

អស់លោកអ្នក ដែលកំពុងទស្សនាគេហទំព័រនេះជាទីគោរព:
អាន ខ្មែរជាគេហទំព័រដែលផ្តល់ពហុអត្ថប្រយោជន៍ និងលើកស្ទួយ ការប្រើប្រាស់អក្សរសាស្រ្តខ្មែរតាមប្រព័ន្ធអ៊ិនធើណែត។ យើងខ្ញុំនឹងខិតខំស្រាវជ្រាវបន្ថែមទៀត ដើម្បីឲ្យគេហទំព័រនេះកាន់តែមានប្រយោជន៍សម្រាប់មនុស្សទូទៅ ពិសេសបងប្អូនប្រជាពលរដ្ឋខ្មែរទាំងក្នុង និងក្រៅប្រទេស។ សូមចូលរួមបរិច្ឆាគធនធានទៅតាមកំលាំងសទ្ធាជ្រះថ្លា ដោយចុចលើប៊ូតុងDonateនៅខាងឆ្វេងដៃ ដើម្បីទ្រទ្រង់គេហទំព័រនេះឲ្យមានដំណើរការជារៀងរហូត។ សូមអរព្រះគុណ និងសូមអរគុណ៕