ទម្លាប់​ល្អ​បី​យ៉ាង​ដើម្បី​សិច​កាន់​តែ​ប្រសើរ​!

ក្រៅពីវិធីសាស្រ្ដដែលធ្វើឲ្យជីវិតសិចកាន់តែមានសេចក្ដីសុខ ដែលខ្មែរសារិកានាំមកជូនលោកអ្នកកាលពីពេលមុននោះ នៅមានទម្លាប់រស់នៅប្រចាំថ្ងៃបីយ៉ាងទៀត ដែលអាចជួយបង្កើតសេចក្ដីសុខផ្លូវភេទរបស់អ្នកបាន។ មិនជាពិបាកអ្វីនោះទេ ហើយក៏ប្រហែលជាមានប្រិយមិត្តជាច្រើនបាននឹងកំពុងធ្វើវាដែរ។ ទម្លាប់ទាំងបីនោះមានដូចជា៖

១- ឆ្លៀតពេលហាត់ប្រាណពេលទំនេរពីការងារ

ប្រសិនបើអ្នកចង់ឲ្យខ្លួនឯងមានភាពខ្លាំងក្លា និងអាចដុតរោលអារម្មណ៍បានល្អនោះ អ្នកត្រូវតែធ្វើយ៉ាងណាអាចបង្កើនចលនាឈាមរត់នៅក្នុងខ្លួនអ្នក។ ការហាត់ប្រាណ គឺពិតជាអាចបង្កើនចលនាឈាមរត់នេះបាន ដែលវាអាចជួយធ្វើឲ្យជីវិតសិចរបស់អ្នក កាន់តែរីករាយ ហើយដៃគូរបស់អ្នកក៏រីករាយផងដែរ។ ការមានអារម្មណ៍ពេញចិត្តខ្លួនឯង និងអារម្មណ៍ពេញចិត្តពីដៃគូ គឺអាចធ្វើឲ្យអ្នកមិនមានអារម្មណ៍នឿយណាយ ហើយដៃគូរបស់អ្នកក៏មិនចង់ឃ្លាតឆ្ងាយពីរង្វង់ដៃរបស់អ្នកនោះដែរ ពោលគឺចង់ធ្វើវាម្ដងម្ដងទៀត។ មិនត្រឹមតែជួយបង្កើនចលនាឈាមរត់នៅក្នុងខ្លួនលោកអ្នកប៉ុណ្ណោះទេ ការហាត់ប្រាណថែមទាំងអាចជួយបង្កើនថាមពល និងធ្វើឲ្យលោកអ្នកមានភាពទាក់ទាញថែមទៀតផង។

២- ទទួលទានអាហារដែលល្អចំពោះសុខភាព

ការធាត់ពេក ដោយសារតែការញ៉ាំអាហារមិនត្រឹមត្រូវ គឺមិនល្អចំពោះសុខភាពផ្លូវភេទនោះទេ ដោយសារតែការធាត់ពេកនេះ បានធ្វើឲ្យឈាមមិនអាចរត់ទៅកាន់តំបន់ដែលធ្វើឲ្យអ្នកសុខស្រួលបានគ្រប់គ្រាន់នោះទេ។ មិនត្រឹមតែប៉ះពាល់ដល់ភាពសម្រើបនៃអារម្មណ៍ភេទនោះទេ ការធាត់ក៏មិនល្អចំពោះបេះដូងរបស់អ្នកដែរ។

ប៉ុន្ដែមិនមានន័យថា អ្នកចាំបាច់ត្រូវតែបញ្ចុះទម្ងន់រហូតដល់ស្គមជ្រុលនោះដែរ ព្រោះការស្រកទម្ងន់ ក៏ធ្វើឲ្យប៉ះពាល់ដល់អ័រម៉ូនរបស់អ្នកផងដែរ។ លោកវេជ្ជបណ្ឌិត Michael Krychman ដែលជាអ្នកជំនាញខាងសុខភាពផ្លូវភេទនៃមជ្ឈមណ្ឌល Southern California បាននិយាយថា ការធាត់ក៏ល្អដែរ ព្រោះវាអាចជួយធ្វើឲ្យមានសមតុល្យរវាងអ័រម៉ូន អេស្រ្តូហ្សែន និងតេស្តូស្ទេរ៉ូន។ ហើយបើអ័រម៉ូនតេស្តូស្ទេរ៉ូនធ្លាក់ចុះ មានន័យថា ចំណង់ផ្លូវភេទរបស់អ្នកក៏ធ្លាក់ចុះដែរ។

ដូច្នេះសរុបមកវិញ អ្នកត្រូវធ្វើយ៉ាងណាមិនឲ្យធាត់ពេក ឬស្គមពេក ដោយញ៉ាំអាហារដែលល្អចំពោះសុខភាពផ្លូវភេទលោកអ្នក (ចុចត្រង់នេះ ដើម្បីដឹងពីអាហារដែលអាចជួយបង្កើនថាមពេលភេទរបស់អ្នកបាន)។

៣- គ្រប់គ្រងអារម្មណ៍ស្រ្ដេស

ប្រសិនបើអ្នកមានអារម្មណ៍ថាតប់ប្រមល់ ស្រ្ដេសនឹងការងារនោះ អ្នកចាំបាច់ត្រូវតែដោះស្រាយវា ព្រោះវាអាចបណ្ដាលឲ្យជីវិតសិចរបស់អ្នក ចុះអន់ថយបាន។ ការនិយាយផ្ដោះផ្ដងសារសងជាមួយនឹងដៃគូ ឬការនាំគ្នាទៅលំហែវិសមកាល គឺជាវិធីដែលល្អបំផុត ដើម្បីបន្ធូរបន្ថយអារម្មណ៍តានតឹង តប់ប្រមល់ទាំងនោះ។ ដូច្នេះ កុំបណ្ដោយឲ្យការងារដ៏សែនមមាញឹករបស់អ្នក និងអារម្មណ៍ស្រ្ដេសរបស់អ្នក បំផ្លាញសុភមង្គលរបស់អ្នកឲ្យសោះ។

អស់លោកអ្នក ដែលកំពុងទស្សនាគេហទំព័រនេះជាទីគោរព:
អាន ខ្មែរជាគេហទំព័រដែលផ្តល់ពហុអត្ថប្រយោជន៍ និងលើកស្ទួយ ការប្រើប្រាស់អក្សរសាស្រ្តខ្មែរតាមប្រព័ន្ធអ៊ិនធើណែត។ យើងខ្ញុំនឹងខិតខំស្រាវជ្រាវបន្ថែមទៀត ដើម្បីឲ្យគេហទំព័រនេះកាន់តែមានប្រយោជន៍សម្រាប់មនុស្សទូទៅ ពិសេសបងប្អូនប្រជាពលរដ្ឋខ្មែរទាំងក្នុង និងក្រៅប្រទេស។ សូមចូលរួមបរិច្ឆាគធនធានទៅតាមកំលាំងសទ្ធាជ្រះថ្លា ដោយចុចលើប៊ូតុងDonateនៅខាងឆ្វេងដៃ ដើម្បីទ្រទ្រង់គេហទំព័រនេះឲ្យមានដំណើរការជារៀងរហូត។ សូមអរព្រះគុណ និងសូមអរគុណ៕