ជាតិអាល់កុលអាចនាំឲ្យស្ត្រីកើតរោគមហារីកដោះ

រូបភាពពីហ្គូហ្គល

របកគំហើញមួយដែលត្រូវបានគេផ្សព្វផ្សាយនៅលើវិបសៃថ៍ www.medicinenet.com ផ្នែកសុខភាពបានរាយការណ៍ឲ្យដឹងថា ស្រ្តីដែលចូលចិត្តទទួលទានស្រាបៀរ ឬជាតិអាល់កុលនឹងកើតមាននូវកត្តាប្រឈមខ្ពស់នៃការកើតជំងឺមហារីកដោះ។ ការសិក្សានេះគេបានផ្តោតទៅលើស្ត្រីសញ្ជាតិអាមេរិកាំងប្រមាណ ៨៨០០០ នាក់ដែលបានចុះឈ្មោះនៅក្នុងកម្មវិធី Women’s Health Initiative ចន្លោះពីឆ្នាំ ១៩៩៣ ដល់ ១៩៩៨។ អ្នកស្រាវជ្រាវបាននិយាយថា ភាគច្រើននៃស្ត្រីទាំងនោះត្រូវបានកត់សម្គាល់ពីបរិមាណនៃការទទួលជាតិអាល់កុល ឬស្រាបៀរ។ លោកវេជ្ជបណ្ឌិត Gretchen Kimmick មកពីសាកលវិទ្យាល័យ Duke University Medical Center និយាយថា ស្ត្រីដែលទទួលទានជាតិស្រាមានជាតិអាល់កុល ៧ ដងឬលើពីនេះ មានហានិភ័យយ៉ាងខ្លាំងនឹងការនាំខ្លួនទៅរកជំងឺមហារីកដោះកាន់តែខ្លាំងឡើងៗ។

ដូច្នេះ ប្រសិនបើបានអានហើយ ស្ត្រីដែលនិយមចូលចិត្តទទួលទានស្រាបៀរ ឬសុរាគប្បីគិតគូរពិចារណាឡើងវិញពីការកាត់បន្ថយ ឬផ្តាច់ឈប់ទទួលទាន ក្នុងគោលបំណងដើម្បីប្រយោជន៍ចំពោះសុខភាពខ្លួនឯង៕

អស់លោកអ្នក ដែលកំពុងទស្សនាគេហទំព័រនេះជាទីគោរព:
អាន ខ្មែរជាគេហទំព័រដែលផ្តល់ពហុអត្ថប្រយោជន៍ និងលើកស្ទួយ ការប្រើប្រាស់អក្សរសាស្រ្តខ្មែរតាមប្រព័ន្ធអ៊ិនធើណែត។ យើងខ្ញុំនឹងខិតខំស្រាវជ្រាវបន្ថែមទៀត ដើម្បីឲ្យគេហទំព័រនេះកាន់តែមានប្រយោជន៍សម្រាប់មនុស្សទូទៅ ពិសេសបងប្អូនប្រជាពលរដ្ឋខ្មែរទាំងក្នុង និងក្រៅប្រទេស។ សូមចូលរួមបរិច្ឆាគធនធានទៅតាមកំលាំងសទ្ធាជ្រះថ្លា ដោយចុចលើប៊ូតុងDonateនៅខាងឆ្វេងដៃ ដើម្បីទ្រទ្រង់គេហទំព័រនេះឲ្យមានដំណើរការជារៀងរហូត។ សូមអរព្រះគុណ និងសូមអរគុណ៕