ភាពឯកា រស់នៅតែម្នាក់ឯងកណ្ដោចកណ្ដែងលើវាលវដ្ដសង្សារគឺមិនល្អចំពោះសុខភាព ដូចការជក់បារីដូច្នេះដែរ។ បើស្ដាប់មើលទៅ ដូចជាមិនទំនង ប៉ុន្ដែក្រុមអ្នកវិទ្យាសាស្រ្ដបានស្រាវជ្រាវរកឃើញថា ការរស់នៅតែម្ដងឯង ឬរស់នៅដាច់ពីគេក្នុងរយៈពេលយូរ គឺមានគ្រោះថ្នាក់ដូចការជក់បារី១៥ដើមក្នុងមួយថ្ងៃ ឬការផឹកគ្រឿងស្រវឹងដែរ។ការសិក្សាផ្សេងទៀត ក៏បានរកឃើញដែរថា មនុស្សដែលខ្វះការទំនាក់ទំនងក្នុងសង្គម គឺនឹងបង្កើនអត្រាហានីភ័យនៃការកើតជំងឺវិកលចរិត និងជំងឺលើសឈាម ហើយការរស់នៅឯកោ អាចបណ្ដាលឲ្យកើតជំងឺមហារីក ឬ ជំងឺបេះដូងថែមទៀតផង។
ការស្រាវជ្រាវរបស់ក្រុមលោកចិត្តវិទូ John Caciappo ប្រចាំរដ្ឋជីកាហ្គោ បានរកឃើញថា ភាពឯកា បានបង្កើនកម្រិតនៃអ័រម៉ូនស្រេ្ដស និងអាចជម្រុញនូវសម្ពាធឈាមឲ្យឡើងដល់កម្រិតគ្រោះថ្នាក់នៃជំងឺ គាំងបេះដូង និងជំងឺដាច់សរសៃឈាមក្នុងខួរក្បាល (ស្រ្ដូក)។
លោកចិត្តវិទូដដែលរូបនេះ បានថ្លែងទៀតថាថា អារម្មណ៍ឯកោ និងគ្មានសេចក្ដីស្រឡាញ់ ក៏នឹងអាចធ្វើឲ្យយើងពិបាកក្នុងការគេងឲ្យលក់ ហើយនិងជម្រុញទៅរកជំងឺវិកលចរិតទៀតផង។
ការរស់នៅឯកា អាចបណ្ដាលមកពីអាយុចាស់ជរា កូនៗមិនរស់នៅជាមួយ ឬដោយសារតែរៀបការនៅអាយុច្រើនពេក មានកូនតិចជាដើម។ ចំណែកឯក្មេងៗវិញ មិនសូវឯកានោះទេ ព្រោះមានមិត្តច្រើននៅសាលារៀន កន្លែងធ្វើការ ជាដើម ទោះបីជាមានអ្នកខ្លះខូចចិត្តរឿងស្នេហា ក៏យ៉ាងហោចណាស់ នៅមានមិត្តភក្ដិនោះដែរ។
ទោះបីជាភាពឯកា អាចបង្កផលប៉ះពាល់ចំពោះសុខភាពយ៉ាងណាក៏ដោយ ក៏គេសង្កេតឃើញថា មិនសូវមានមនុស្សដែលឯកានោះទេដោយសារតែបច្ចុប្បន្ននេះ មនុស្សភាគច្រើនបានបង្កើនទំនាក់ទំនង រាប់អានមិត្តភក្ដិថ្មីៗ តាមរយៈបណ្ដាញសង្គមក្នុងអ៊ីនធើណិតនានា ដូចជា Facebook, Twitter, Google Plus ឬភូមិខ្មែរសារិកា ដែលជាបណ្ដាញសង្គមរបស់ខ្មែរយើងជាដើម។ ប៉ុន្ដែកត្ដាវ័យចំណាស់ ការចូលនិវត្តពីការងារ គឺអាចនាំឲ្យមនុស្សឈានទៅរកភាពឯកាបានដដែល។
|
អស់លោកអ្នក ដែលកំពុងទស្សនាគេហទំព័រនេះជាទីគោរព:
|
0 comments:
Post a Comment