បើអ្នកដើរនៅក្រោមកំដៅថ្ងៃយូរពេកនោះស្បែករបស់អ្នកនិងទ្បើងក្រហម ហើយអាចរលាក នេះគេហៅថាការរលាកពីកំដៅថ្ងៃ(Sunburn)។ តាមការសិក្សាស្រាវជ្រាវថ្មីមួយបានឲ្យដឹងថា ស្រា និងទំពាំងបាយជូរ មានសារធាតុមួយដែលអាចជួយអ្នកឲ្យចៀសផុតពីការលាកស្បែក។កម្មរស្មីព្រះអាទិត្យដែលមានឈ្មោះថា UV(Ultraviolet ) គឺត្រូវបានបញ្ចេញដោយព្រះអាទិត្យ ដែលជាអ្នកបង្ករឲ្យមានជំងឺរោគស្បែកជាច្រើនសំរាប់មនុស្ស ធ្វើឲ្យយើងឆាប់ចាស់ និង ធ្វើឲ្យមាន Sunburn ទៀតផង។
តាមការសិក្សារបស់អ្នកវិទ្យាសាស្រ្តជនជាតិ អេស្ប៉ាញ បានឲ្យដឹងថានៅក្នុង ទំពាំងបាយជូរ មានសារធាតុមួយអាចការពារកោសិការបស់យើងមិនឲ្យខូចខាតដោយសារតែកម្មរស្មី UV នោះទេ។
លោកស្រី Marta Cascante គឺជា ជីវគីមីវិទួមួយរូប នៅឯសកលវិទ្យាល័យ Barcelona ហើយជាអ្នកដឹកនាំនៃគំរោងសិក្សាថ្មីនេះផង បាននិយាយថា ទំពាំងបាយជូរ គឺពិតជាមានសមត្តភាពអាចការពារអ្នកពី Sunburn និងជំងឺរោគស្បែកផ្សេងៗទៀត ព្រោះថាគាត់និងក្រុមរបស់គាត់បានរកឃើញ សារធាតុ flavonoids នៅក្នុងផ្លែទំពាំងបាយជូរ ដែលអាចបញ្ឈប់ ប្រតិកម្មគីមីដែលធ្វើឲ្យកោសិការបស់យើងងាប់ និងធ្វើឲ្យខូចខាតស្បែករបស់យើង។ នៅពេលដែលវាលែងមានប្រតិកម្មគីមីនេះ នោះកោសិការបស់យើងក៏លែងងាប់ ហើយស្បែករបស់យើងក៏លែងខូចដែរ។
ការសិក្សា ដែលធ្វើទ្បើងនៅក្នុងសកលវិទ្យាល័យ Barcelona ប្រទេស អេស្ប៉ាញ បានបញ្ជាក់ថា ការរកឃើញថ្មីនេះ អាចជួយយើងអាចបង្កើតបានក្រែមសំរាប់លាបស្បែកការពារពីពន្លឺព្រះអាទិត្យ ហើយនិងអាចផលិតផលមួយចំនួនទៀតផងដែរ។
|
អស់លោកអ្នក ដែលកំពុងទស្សនាគេហទំព័រនេះជាទីគោរព:
|
0 comments:
Post a Comment