សារ​ប្រ​យោជន៍​នៃ​ការ​ញុំា​ពោត

ពោតគឺ ជាបន្លែមួយប្រភេទ វាមិនមែនជាផ្លែឈើនោះដែរ។ ហើយផ្លែពោតគឺពេញនិយមនៅស្រុកយើងណាស់ ព្រោះថាវាងាយស្រួលញុំាមានតំលៃថោក និងមានរស់ជាតិផ្អែមទៀតផង។

បើយោងទៅតាមវែបសាយ WHFoods.org ពោតផ្អែមនេះមានវីតាម៉ីនជាច្រើនដូចជា B1 B5 វីតាម៉ីនC ផួស្វ័រ និងមានជាតិសសៃ Fiber ទៀតផង។

ខាងក្រោមនេះគឺជាសារប្រយោជន៍នៃការញុំាពោត៖

បើអ្នកហូបពោតច្រើន នោះអ្នកអាចកាត់បន្ថយគ្រោះថ្នាក់ដែលបណ្តាលមកពីជំងឺគាំងបេះដូងបាន។

ពិសារពោតច្រើនអាចការពារអ្នកពីជំងឺរោគស្បែកមួយចំនួនបាន ព្រោះថានៅក្នុងពោតមានសារធាតុមួយឈ្មោះថា Beta cryptoxanthin ជាសារធាតុមួយដែលរាងកាយរបស់យើងត្រូវការដើម្បីយកទៅផលិត វីតាមីន A។ ដោយយោងតាម ការសិក្សារបស់ Jian-Min Yuan ដែលបានបោះពុម្អផ្សាយនៅក្នុងទស្សនាវដ្តី Cancer Epidemiology Biomarkers and Prevention បានឲ្យដឹងថាបើនៅក្នុងខ្លួនយើងមានសារធាតុ Beta cryptoxanthin ច្រើន ការកើតជំងឺ មហារីកសួតនឹងថយចុះ។

ពោតជួយដល់ការចងចាំរបស់អ្នក ព្រោះថានៅក្នុងពោតមានវីតាមីន B1។ វីតាមីននេះជួយចិញ្ចឹមកោសិកាខួរក្បាលរបស់យើង និងជួយយើងឲ្យចងចាំបានល្អផងដែរ។

ជាពិសេសនោះបើយោងតាមវែបសាយ AusFoodNews.com.au ពោតជួយភ្នែកអ្នកកុំឲ្យឆ្លងជំងឺផ្សេងៗទៀតផង ព្រោះថានៅក្នុងពោតមានសារធាតុ zeaxanthin។

អ្នកប្រហែលជាញុំាវារាល់ថ្ងៃ តែអ្នកប្រហែលជាមិនដឹងថាសារប្រយោជន៍របស់វាធំប៉ុណ្ណានោះទេ។ នៅពេលដែលអ្នកដឹង អ្នកប្រហែលជាញុំាវាច្រើនជាងមុនហើយមើលទៅ។

អស់លោកអ្នក ដែលកំពុងទស្សនាគេហទំព័រនេះជាទីគោរព:
អាន ខ្មែរជាគេហទំព័រដែលផ្តល់ពហុអត្ថប្រយោជន៍ និងលើកស្ទួយ ការប្រើប្រាស់អក្សរសាស្រ្តខ្មែរតាមប្រព័ន្ធអ៊ិនធើណែត។ យើងខ្ញុំនឹងខិតខំស្រាវជ្រាវបន្ថែមទៀត ដើម្បីឲ្យគេហទំព័រនេះកាន់តែមានប្រយោជន៍សម្រាប់មនុស្សទូទៅ ពិសេសបងប្អូនប្រជាពលរដ្ឋខ្មែរទាំងក្នុង និងក្រៅប្រទេស។ សូមចូលរួមបរិច្ឆាគធនធានទៅតាមកំលាំងសទ្ធាជ្រះថ្លា ដោយចុចលើប៊ូតុងDonateនៅខាងឆ្វេងដៃ ដើម្បីទ្រទ្រង់គេហទំព័រនេះឲ្យមានដំណើរការជារៀងរហូត។ សូមអរព្រះគុណ និងសូមអរគុណ៕