កំប្លែង​រឿងខ្លី ឲ្យ​តែ​រក​ដេក​ដឹង​តែ​មាន​អារម្មណ៍​ខ្លាច

សុភីជាមនុស្សស្រីដែលពូកែខ្លាច នាងដេកមិនសូវបានទេ ព្រោះថាឲ្យនាងដេក នាងមានអារម្មណ៍ថាមានគេនៅក្បែរនាង ខ្មោចមិនខ្មោច មនុស្សក៏មិនមនុស្សដែរ មិនដឹងថាជាស្អីនោះទេ។ បើនាងដេកនៅលើគ្រែនាងមានអារម្មណ៍ថាវានៅខាងក្រោមគ្រែ តែបើនាងទៅដេកនៅខាងក្រោមគ្រែនាងមានអារម្មណ៍ថាវានៅលើគ្រែ។

ដោយសារតែដេកមិនបាន ហើយនាងត្រូវទៅធ្វើការពីព្រលឹមទៀតនោះ នាងក៏សម្រេចចិត្តទៅមន្ទីរពេទ្យ ដើម្បីពិគ្រោះជាមួយគ្រូពេទ្យ។

សុភី៖ លោកគ្រូពេទ្យ ខ្ញុំមានបញ្ហាធំណាស់ រាល់ពេលខ្ញុំទៅដេក ខ្ញុំមានអារម្មណ៍ថាមានអ្នកមករំខានខ្ញុំជានិច្ច។ បើខ្ញុំដេកនៅលើគ្រែ គឺមានអារម្មណ៍ថាមាននរណាគេម្នាក់ដេកនៅក្រោមគ្រែ តែបើខ្ញុំទៅក្រោមគ្រែ ស្រាប់តែវាទៅនៅលើគ្រែវិញ។ លោកគ្រូត្រូវតែជួយខ្ញុំ។ បើមិនអីចឹងទេ ខ្ញុំពិតជាឆ្កួតហើយ។

លោកគ្រូពេទ្យ៖ ជំងឺនេះពិបាកព្យាបាលបន្តិច បើតាមខ្ញុំដឹង ក្នុងរយៈពេល ២ឆ្នាំគឺខ្ញុំធានាថានឹងបាត់ជាមិនខាន។ ហើយអ្នកនាងត្រូវមកជួបខ្ញុំ ៣ដងក្នុងមួយសប្តាហ៍ ។

សុភី៖ ចុះលោកគ្រូយកខ្ញុំប៉ុន្មាននៅពេលជួបម្តងៗ?

គ្រូពេទ្យ៖ តែ ៥០ដុល្លារទេ។

សុភី៖ ចាំខ្ញុំគិតមើលសិន។

បីសប្តាហ៍ក្រោយមក លោកគ្រូពេទ្យបានជួបនឹងសុភានៅតាមផ្លូវ ហើយក៏សួរថា។

គ្រូពេទ្យ៖ ហេតុអ្វីក៏នាងមិនដែលមកជួបខ្ញុំសោះ?

សុភី៖ លោកយកលុយថ្លៃពេក។ អ្នកសុំទានគេយកខ្ញុំតែ ៥00រៀល។

គ្រួពេទ្យ៖ តើគេប្រាប់នាងថាម៉េច?

សុភី៖ គាត់ប្រាប់ខ្ញុំថា ឲ្យកាត់ជើងគ្រែខ្ញុំចោលទៅវាបានហើយ។

គ្រូពេទ្យ៖ OMG!

អស់លោកអ្នក ដែលកំពុងទស្សនាគេហទំព័រនេះជាទីគោរព:
អាន ខ្មែរជាគេហទំព័រដែលផ្តល់ពហុអត្ថប្រយោជន៍ និងលើកស្ទួយ ការប្រើប្រាស់អក្សរសាស្រ្តខ្មែរតាមប្រព័ន្ធអ៊ិនធើណែត។ យើងខ្ញុំនឹងខិតខំស្រាវជ្រាវបន្ថែមទៀត ដើម្បីឲ្យគេហទំព័រនេះកាន់តែមានប្រយោជន៍សម្រាប់មនុស្សទូទៅ ពិសេសបងប្អូនប្រជាពលរដ្ឋខ្មែរទាំងក្នុង និងក្រៅប្រទេស។ សូមចូលរួមបរិច្ឆាគធនធានទៅតាមកំលាំងសទ្ធាជ្រះថ្លា ដោយចុចលើប៊ូតុងDonateនៅខាងឆ្វេងដៃ ដើម្បីទ្រទ្រង់គេហទំព័រនេះឲ្យមានដំណើរការជារៀងរហូត។ សូមអរព្រះគុណ និងសូមអរគុណ៕