ញ៉ាំទាំងសម្បកទាំងសាច់ទើបល្អ
ក្រុមអ្នកស្រាវជ្រាវមកពីសាកលវិទ្យាល័យ Iowa ក្នុងសហរដ្ឋអាមេរិក បានរកឃើញថាសម្បកផ្លែប៉ោមមានសារជាតិ អាស៊ីតUrsolic ដែលជាសារជាតិគីមីម្យ៉ាងដែលអាចធ្វើឲ្យយើងមានរូបរាងស្វ៊ែលស្អាត និងជំនួយសាច់ដុំ។
មិនត្រឹមតែប៉ុណ្ណោះទេ អាស៊ីតUrsolic ក៏អាចទប់ស្កាត់សារជាតិអាស៊ីតអាក្រក់ៗដទៃទៀត កូឡេស្ទេរ៉ូល និងទប់ស្កាត់កម្រិតជាតិស្ករ ដែលនេះជាមូលហេតុដែលក្រុមអ្នកស្រាវជ្រាវជឿជាក់ថា វាអាចត្រូវបានគេយកទៅធ្វើជាថ្នាំជំនួយសាច់ដុំ និងថ្នាំទឹកនោមផ្អែមជាដើម។
នៅក្នុងការសិក្សានេះ អ្នកស្រាវជ្រាវបានរកឃើញថា
សារធាតុនៅក្នុងសម្បកផ្លែប៉ោមអាចបង្កើនការលូតលាស់សាច់ដុំបាន១៥% និងកាត់បន្ថយភាពធាត់របស់រាងកាយបានច្រើនជាង៥០%។លោក Christopher Adams ដែលជាអ្នកដឹកនាំការស្រាវជ្រាវនេះ បាននិយាយនៅក្នុងសន្និសិទកាសែតថា មិនចាំបាច់ប្រើប្រាស់ថ្នាំទៀតនោះទេ គ្រាន់តែញ៉ាំផ្លែប៉ោម (ទាំងសម្បក) ក៏អាចជួយសាច់ដុំរបស់អ្នកបានផងដែរ លើសពីនេះវាអាចធ្វើឲ្យអ្នកមានរាងស្វ៊ែលស្អាត គាប់ភ្នែកអ្នកផងទាំងពួង។
លទ្ធផលនៃការស្រាវជ្រាវនេះ ត្រូវបានបោះពុម្ភផ្សាយនៅក្នុងព្រឹត្តបត្រ "Cell Metabolism"។
ជាសរុបមកការញ៉ាំផ្លែប៉ោម (ទាំងសម្បក) ជារៀងរាល់ថ្ងៃ អាចធ្វើឲ្យអ្នកមានការរីកលូតលាស់សាច់ដុំបានល្អ កាត់បន្ថយកម្រិតជាតិកូឡេស្ទេរ៉ូល ជួយឲ្យមានរាងស្វ៊ែល (អត់ធាត់) និងជាពិសេសអាចជំនួយបេះដូងផងដែរ (អត្ថបទផ្លែប៉ោមជំនួយបេះដូងនៅក្នុងផ្នែកសុខភាពទូទៅរបស់ខ្មែរសារិកា)៕|
អស់លោកអ្នក ដែលកំពុងទស្សនាគេហទំព័រនេះជាទីគោរព:
|
0 comments:
Post a Comment