ស្នាមជ្រីវជ្រួញលើផ្ទៃមុខ
នៅក្នុងការសិក្សានេះ អ្នកស្រាវជ្រាវដែលមកពីសាកលវិទ្យាល័យ Yale School of Medicine បានធ្វើការពិសោធន៍លើស្រ្ដីចំនួន ១០០នាក់ ដែលមានភាពជ្រីវជ្រួញ ហើយជាលទ្ធផល ពួកគេបានរកឃើញថា ស្រ្ដីដែលមានភាពជ្រីវជ្រួញកាន់តែខ្លាំងនៅលើផ្ទៃមុខ គឺកាន់តែមានឆ្អឹងមិនរឹងមាំ ហើយមានហានីភ័យខ្ពស់ក្នុងការបាក់ឆ្អឹង។
អ្នកស្រីវេជ្ជបណ្ឌិត Labna Pal ដែលជាអ្នកដឹកនាំការស្រាវជ្រាវនេះ បានឲ្យដឹងដែរថា
ទិន្នន័យបានឆ្លើយតបប្រាប់យើងថា ស្បែកជ្រីវជ្រួញ អាចបង្ហាញប្រាប់ពីភាពរឹងមាំរបស់ឆ្អឹង។ នៅពេលដែលយើងមើលទៅលើភាពជ្រីវជ្រួញរបស់អ្នកណាម្នាក់ យើងអាចដឹងបានថា គេមានឆ្អឹងរឹងមាំឬអត់ (កាន់តែជ្រួញ ឆ្អឹងកាន់តែខ្សោយ)។យោងតាមសារព័ត៌មាន CBS News បានបញ្ជាក់ថា អ្នកជំនាញជាច្រើនបានណែនាំឲ្យអ្នកដែលមុខមានភ្លី (ជ្រួញ) ត្រូវឧស្សាហ៍នៅក្រោមកំដៅព្រះអាទិត្យដើម្បីស្រូបយកវីតាមីនD និងធ្វើឲ្យឆ្អឹងមានសុខភាពល្អ។
អ្នកស្រីវេជ្ជបណ្ឌិតខាងលើ ក៏បានបន្ថែមទៀតថា ភាពជ្រីវជ្រួញមិនមែនកើតមកពីកំដៅព្រះអាទិត្យនោះទេ ប៉ុន្ដែការចំណាយពេលនៅក្រោមកំដៅព្រះអាទិត្យអាចធ្វើឲ្យឆ្អឹងរបស់អ្នកកាន់តែប្រសើរទៅវិញទេ។
យ៉ាងណាមិញ សូមប្រិយមិត្តទាំងអស់កុំយល់ច្រឡំថា ភាពជ្រីវជ្រួយ ធ្វើឲ្យឆ្អឹងចុះខ្សោយឲ្យសោះ គឺវាគ្រាន់តែបញ្ជាក់ថាឆ្អឹងរឹងមាំឬក៏អត់ប៉ុណ្ណោះ ហើយការស្រាវជ្រាវនេះ ក៏បានធ្វើតែលើស្រ្ដីតែប៉ុណ្ណោះ មិនបានធ្វើចំពោះបុរសនោះទេ។
អ្នកដែលដឹងថា មានភាពជ្រីវជ្រួញលើផ្ទៃមុខ គួរតែផ្លាស់ប្ដូរទម្លាប់មកញ៉ាំចំណីរអាហារដែលមានជីវជាតិ ហាត់ប្រាណឲ្យបានសមស្រប និងបញ្ឈប់ការជក់បារី (ប្រសិនបើជក់)។
|
អស់លោកអ្នក ដែលកំពុងទស្សនាគេហទំព័រនេះជាទីគោរព:
|
0 comments:
Post a Comment