បុរសម្នាក់បានជិះទ្បានរបស់គាត់ត្រលប់ទៅផ្ទះរបស់គាត់ដែលមានចំងាយផ្លូវឆ្ងាយ។បន្ទាប់ពីគាត់បានបើកទ្បានអស់ពេញមួយយប់មក គាត់មិនទាន់ជិះដល់ផ្ទះរបស់គាត់ទៀត ហើយដោយសារតែវានៅឆ្ងាយទៀតគាត់ក៏សម្រេចចិត្តដេកនៅតាមចិញ្ចើមថ្នល់មួយស្របក់ ដើម្បីយកកំលាំងធ្វើការបន្តដំណើរទៅមុខទៀត។
តែគាត់ពិតជាសយមែនព្រោះថាគាត់មកសម្រាកចំទីក្រុងដែលសម្បូរអ្នករត់ហាត់ប្រាណនៅពេលព្រឹក។ នៅពេលដែលគាត់ឈប់គាត់បានឃើញមនុស្សជាច្រើនបានរត់ហាត់ប្រាណកាត់ទ្បានរបស់គាត់ទៅមកៗ។ តែដោយសារតែងងុយដេកពេកគាត់មិនខ្វល់ពីអ្នកដែលរត់ទាំងនោះទេ គាត់ក៏សម្រេចដេកនៅទីនោះតែម្តង។
គាត់ដេកបានមួយភ្លេត ក៏មានអ្នករត់ម្នាក់មកគោះទ្វារទ្បានគាត់ ហើយសូរថា៖ ម៉ោងប៉ុន្មានហើយលោក?
កំពុងតែងងុយដេកផង គាត់ក៏ប្រាប់ទៅអ្នករត់ថា ម៉ោង ៨. ១៥នាទីហើយ ហើយគាត់ក៏ដេកទៅវិញទៅ។
បន្តិចក្រោយមកក៏មានម្នាក់ទៀតមកគោះកញ្ចក់ទ្វារគាត់ទៀត ហើយសូរថា៖ ម៉ោងប៉ុន្មានហើយលោក?
កំពុងតែងងុយដេកផង គាត់ក៏ប្រាប់ទៅអ្នករត់ថា ម៉ោង ៨. ២៥នាទីហើយ ហើយគាត់ក៏ដេកទៅវិញទៅ។ ដោយសារតែខ្លាចមានអ្នកមកសួរគាត់ទៀត គាត់ក៏យកក្រដាសមួយសន្លឹកហើយសរសេរបិទលើកញ្ចក់ទ្បានគាត់ថា ខ្ញុំមិនដឹងថាម៉ោងប៉ុន្មានទេ!
បន្តិចក្រោយមកគេមកគោះទ្វារទៀត ហើយប្រាប់គាត់ថា លោក! លោក! ម៉ោង ៨. ៤០នាទីហើយ។
អត់បានដេក!
|
អស់លោកអ្នក ដែលកំពុងទស្សនាគេហទំព័រនេះជាទីគោរព:
|
0 comments:
Post a Comment