ឪពុកនឹងកូនរបស់គាត់កំពុងជជែក គ្នាពីរឿងបើកទ្បាន ដោយសារតែកូនរបស់គាត់ចង់បើកទ្បានខ្លាំងពេក គាត់ក៏ប្រាប់ទៅកូនគាត់ថា។ឪពុក ៖ បើកូនចង់បើកទ្បានខ្លាំង កូនត្រូវរៀនឲ្យបានជាប់លេខ ១ ហើយទៅរៀនបើកបរទ្បានឲ្យបានប័ណ្ណបើកបរសិនទៅ និងចំណុចមួយទៀតកូនត្រូវតែកាត់សក់នេះចេញ។
កូន៖ កូនយល់ព្រម។
មួយខែក្រោយមកកូនរបស់គាត់បានធ្វើអ្វីដែលឪវាឲ្យវាធ្វើ វាខិតខំរៀនមែនទែន តាំងពីព្រលឹមទល់ព្រលប់ ហើយវាឈប់ដើរលែងជាមួយមិត្តភ័ក្តិគឺដើម្បីតែរៀនមួយមុខ។ នៅទីបញ្ចប់វាក៏រៀនបានលេខមួយ មែន ហើយវាក៏បានទៅរៀនបើកបរទ្បានដែរ ហើយទទួលបានប័ណ្ណបើកបរទ្បានទៀតផង។
កូន៖ ឪៗ ខ្ញុំបានរៀនបានលេខមួយ ហើយប្រលងបានប័ណ្ណបើកបរទៀតផង។
ឪពុក៖ ចុះឯងម៉េចក៏មិនកាត់សក់ចេញ?
កូន៖ គ្មានច្បាប់ឯណាគេហាមក្មេងសក់វែងមិនឲ្យជិះទ្បាននោះទេ។
ឪពុក៖ តែពុកហាម។
កូន៖ ចុះព្រះយេស៊ូវ ទ្រង់ក៏មានសក់វែងដែរពុក។
ឪពុក៖ កូននិយាយនេះត្រូវណាស់។
កូនរបស់គាត់សប្បាយចិត្តមានទឹកមុខរីករាយ នៅពេលឪពុកនិយាយបែបនេះ។
កូន៖ អីចឹងឲ្យសោរទ្បានមក!
ឪពុក៖ ព្រះយេស៊ូវទ្រង់ ទៅណាមកណា ដោយសារជើងទាំងពីរ។ បើកូនចង់ដូចទ្រង់កូនដើរដូចគាត់ទៅ។
កូនគាត់ និយាយលែងចេញ។
|
អស់លោកអ្នក ដែលកំពុងទស្សនាគេហទំព័រនេះជាទីគោរព:
|
0 comments:
Post a Comment