កំប្លែង​រឿង​ខ្លី មនុស្ស​គ ថ្លង់ បើក​ទ្បាន

ដារី ជាមនុស្សស្រីម្នាក់ដែលពិការតាំងតែពីពេលដែលនាងកើតមក គឺនាងជាមនុស្ស គ ហើយថ្លង់ទៀត មិនអាចស្តាប់បាន ហើយនិយាយក៏មិនកើត គឺចេះតែម្យ៉ាងគត់ធ្វើកាយវិកាសម្រាប់ទំនាក់ទំនងគ្នា។

ថ្ងៃមួយនាងបើកទ្បានមកផ្ទះរបស់នាងវិញ បន្ទាប់ពីធ្វើការនៅកន្លែងធ្វើការរបស់នាងអស់ពេញមួយថ្ងៃ នាងបើកទ្បានលើផ្លូវធំ។ កាលពីប៉ុន្មានខែមុននាងត្រូវបានប៉ូលីសពិន័យម្តងរួចមកហើយ ដោយសារតែនាងបើកទ្បានលើសល្បឿនកំណត់។ ដូចនេះថ្ងៃនេះនាងបើកទ្បានមួយៗ មិនបង្ខំទេ ព្រោះខ្លាចប៉ូលីសពិន័យទៀត។ នាងបើកបណ្តើរ ពិនិត្យមើលកុងទ័រ ល្បឿនបណ្តើរការពារកុំឲ្យលើសល្បឿនដែលគេកំណត់។

មួយសន្ទុះក្រោយមកនាងមើលមកក្រោយក៏ឃើញទ្បានប៉ូលីសដេញពីក្រោយគូថទ្បានរបស់នាង។ ហើយក៏បានហៅទ្បាននាងឲ្យឈប់។ នាងពិតជាមិនយល់ទេ ព្រោះថានាងមិនបានធ្វើអ្វីខុសច្បាប់នោះទេ នាងបើកល្បឿនធម្មតា នាងមានពាក់ខ្សែក្រវ៉ាត់ ហើយនាងក៏មិនបានផឹកស្រាដែរ សូម្បីតែប័ណ្ឌបើកបរ របស់នាងក៏មានដែរ។ នាងនៅតែមិនយល់ថាប៉ូលីសហៅទ្បាននាងដើម្បីអ្វីទេ។

នាងក៏បានឈប់ទ្បាន ហើយទម្លាក់ បង្អួចចុះ ហើយរងចាំទទួលសំបុត្រផាកពិន័យដែលនាងមិនទាន់ដឹងថានាងមានកំហុសអ្វីនោះទេ។

ប៉ូលីសដើរមកដល់ ហើយក៏និយាយជាមួយនាង។ តែដោយសារតែដារី នាងជាមនុស្សគ និងថ្លង់នាងមិនអាចស្តាប់បានទេ ហើយនិយាយក៏មិនបានដែរ ដូចនេះនាងក៏ធ្វើកាយវិការដាក់ប៉ូលីសវិញ។

ឃើញដូចនេះ ប៉ូលីសក៏សើច ដឹងមួយរំពេចថានាងជាមនុស្ស គ។

ប៉ូលីស ក៏ធ្វើសញ្ញាប្រាប់នាងវិញថា៖ ខ្ញុំដឹងហើយថានាងគ ហើយថ្លង់។ ខ្ញុំមកនេះចង់ប្រាប់នាងថា នាងបានចុចស៊ីផ្លេចោល ថ្លង់គេពេញមួយផ្លូវ។

ដារី ហួសចិត្តព្រោះនាងមិនដឹងថានាងបានចុច ស៊ីផ្លេចោល ព្រោះថានាងជាមនុស្សថ្លង់។ តែទីបញ្ចប់នាងទទួលបានសំបុត្រមួយដដែល។

អស់លោកអ្នក ដែលកំពុងទស្សនាគេហទំព័រនេះជាទីគោរព:
អាន ខ្មែរជាគេហទំព័រដែលផ្តល់ពហុអត្ថប្រយោជន៍ និងលើកស្ទួយ ការប្រើប្រាស់អក្សរសាស្រ្តខ្មែរតាមប្រព័ន្ធអ៊ិនធើណែត។ យើងខ្ញុំនឹងខិតខំស្រាវជ្រាវបន្ថែមទៀត ដើម្បីឲ្យគេហទំព័រនេះកាន់តែមានប្រយោជន៍សម្រាប់មនុស្សទូទៅ ពិសេសបងប្អូនប្រជាពលរដ្ឋខ្មែរទាំងក្នុង និងក្រៅប្រទេស។ សូមចូលរួមបរិច្ឆាគធនធានទៅតាមកំលាំងសទ្ធាជ្រះថ្លា ដោយចុចលើប៊ូតុងDonateនៅខាងឆ្វេងដៃ ដើម្បីទ្រទ្រង់គេហទំព័រនេះឲ្យមានដំណើរការជារៀងរហូត។ សូមអរព្រះគុណ និងសូមអរគុណ៕