បង្កើន​​​ផ្លែ​ឈើ បន្ថយ​សាច់​ ជួយ​ជម្រុញ​​សិច​

ផ្លែឈើអាចជួយជម្រុញលទ្ធភាពបង្កកំណើតសម្រាប់បុរស

បុរសដែលចង់ធ្វើឲ្យជីវិតសិចមានភាពល្អប្រសើរ ក៏ដូចជាបង្កើនលទ្ធភាពបង្កកំណើត គួរតែកាត់បន្ថយការញ៉ាំសាច់ក្រហម កាហ្វេ និងជាតិអាល់កុល ហើយបន្ថែមលើនេះ បុរសក៏ចាំបាច់ត្រូវបង្កើនការញ៉ាំផ្លែឈើឲ្យបានច្រើន ដើម្បីជម្រុញឲ្យកាន់តែខ្លាំងថែមទៀត។

ការស្រាវជ្រាវថ្មីបំផុតមួយបានគាប់បង្ហើបរកឃើញថា ការញ៉ាំអាហារដែលមិនត្រឹមត្រូវ និងភាពធាត់ជ្រុល ពិតជាប៉ះពាល់ដល់ប្រពន្ធបន្តពូជរបស់បុរសខ្លាំងណាស់ ដោយសារតែវាអាចកាត់បន្ថយនូវទឹកកាម និងប៉ះពាល់ដល់សមត្ថភាពនៃទឹកកាមក្នុងការហែលទៅជួបនឹងស៊ុត។

កាលពីអតីតកាល បញ្ហាលទ្ធភាពបង្កកំណើតរបស់ស្រ្ដី ក៏ត្រូវបានគេរកឃើញថាជាប់ទាក់ទងនឹងការធាត់ជ្រុលនោះដែរ រួមទាំងការជក់បារី និងការផឹកគ្រឿងស្រវឹង ប៉ុន្ដែមិនទាន់ច្បាស់ដូចអ្វីដែលគេរកឃើញចំពោះបុរសនាពេលនេះទេ។

ការសិក្សាដដែលនេះ ក៏បានបញ្ជាក់ដែរថា បុរសដែលផឹកគ្រឿងស្រវឹងជាប្រចាំ និងញ៉ាំអាហារមិនត្រឹមត្រូវ គឺបានធ្លាក់ចុះនូវលទ្ធភាពបង្កកំណើត។

លោក Edson Borges ដែលមកពីប្រទេសប្រេស៊ីល និងជាអ្នកដឹកនាំការស្រាវជ្រាវនេះ បានថ្លែងថា ទឹកកាម គឺមានផលប៉ះពាល់អវិជ្ជមានពី សន្ទស្សន៍ម៉ាស់ក្នុងខ្លួនមនុស្ស (BMI) និងគ្រឿងស្រវឹង ឬជាតិអាល់កុល ខណៈដែលអាហារដែលត្រឹមត្រូវនឹងផ្ដល់មកវិញនូវផលវិជ្ជមាន។

ការសិក្សារបស់ប្រេស៊ីលនេះ បានធ្វើឡើងចំពោះបុរស២៥០នាក់ ជាមួយនឹងដៃគូស្នេហារបស់ពួកគេ។ ការសិក្សានេះ រួមមានការសាកសួរសំណួរផ្សេងៗទាក់ទងនឹងចំណីរអាហារ រួមទាំងការធ្វើតេសន៍ទឹកកាមផងដែរ។

អស់លោកអ្នក ដែលកំពុងទស្សនាគេហទំព័រនេះជាទីគោរព:
អាន ខ្មែរជាគេហទំព័រដែលផ្តល់ពហុអត្ថប្រយោជន៍ និងលើកស្ទួយ ការប្រើប្រាស់អក្សរសាស្រ្តខ្មែរតាមប្រព័ន្ធអ៊ិនធើណែត។ យើងខ្ញុំនឹងខិតខំស្រាវជ្រាវបន្ថែមទៀត ដើម្បីឲ្យគេហទំព័រនេះកាន់តែមានប្រយោជន៍សម្រាប់មនុស្សទូទៅ ពិសេសបងប្អូនប្រជាពលរដ្ឋខ្មែរទាំងក្នុង និងក្រៅប្រទេស។ សូមចូលរួមបរិច្ឆាគធនធានទៅតាមកំលាំងសទ្ធាជ្រះថ្លា ដោយចុចលើប៊ូតុងDonateនៅខាងឆ្វេងដៃ ដើម្បីទ្រទ្រង់គេហទំព័រនេះឲ្យមានដំណើរការជារៀងរហូត។ សូមអរព្រះគុណ និងសូមអរគុណ៕