សិច ជួយ​ឲ្យ​ចាស់ៗ​មាន​សុភ​មង្គល​!

គូស្នេហ៍វ័យចាស់

លទ្ធផលដ៏គួរឲ្យភ្ញាក់ផ្អើលនៃការសិក្សាថ្មីមួយបានបង្ហាញថា អាថ៌កំបាំងដែលធ្វើឲ្យមនុស្សចាស់ រីករាយ និងមានសុភមង្គល គឺការរួមភេទ។ ក្រុមអ្នកវិទ្យាសាស្រ្ដបាននិយាយថា មនុស្សដែលមានវ័យចំណាស់ គឺហាក់ដូចជាមានភាពរីករាយក្នុងជីវិត បើបានរួមស្នេហាជាប្រចាំនោះ។

ការស្រាវជ្រាវដែលធ្វើឡើងតែចំពោះមនុស្សចាស់អាយុ៦៥ឆ្នាំឡើងនេះ បានបង្ហាញថា មនុស្សចាស់ស្ទើតែ៨០ភាគរយ ដែលរួមភេទច្រើនជាងមួយដងក្នុងរយៈពេលមួយខែ គឺមានជីវិតជាទូទៅសប្បាយរីករាយ។

ប្រសិនបើប្រៀបធៀបជាមួយមនុស្សចាស់ដែលមិនរួមភេទសោះក្នុងរយៈពេល១២ខែចុងក្រោយ គឺមានតែ៥៩ភាគរយ ប៉ុណ្ណោះដែលមានអារម្មណ៍សប្បាយរីករាយ។ រឹតតែយ៉ាប់ជាងនេះទៀត ប្រសិនបើខានរួមភេទលើសពី១ឆ្នាំឡើងទៅ គឺមាន៤០ភាគរយប៉ុណ្ណោះ ដែលជួបនឹងជីវិតដ៏ស្រស់បំព្រង។

លោកសាស្រ្ដាចារ្យ Andrienne Jackson មកពីសាកលវិទ្យាល័យ Florida បានថ្លែងថា ការសិក្សានេះនឹងជួយបើកផ្លូវឲ្យទំនាក់ទំនងរវាងគូស្នេហ៍វ័យចំណាស់ ឲ្យងាកមកដោះស្រាយបញ្ហាផ្លូវភេទ ក៏ដូចជាដឹងពីទំនាក់ទំនងរវាង សិច និងសុភមង្គល។

ការសិក្សាបែបស្ទង់មតិនេះ បានធ្វើឡើងចំពោះគូស្នេហ៍វ័យចំណាស់ ២៣៨គូ ដែលមានអាយុលើស ៦៥ឆ្នាំ នៅក្នុងសហរដ្ឋអាមេរិក។

បន្ថែមលើនេះទៀត ការសិក្សានេះក៏បានរកឃើញដែរថា បុរសដែលមានវ័យលើសពី៦០ឆ្នាំ គឺមានអត្រាពោះម៉ាយច្រើនជាងស្រ្ដីវ័យចំណាស់ដែលមេម៉ាយ ដែលនេះគឺដោយសារតែប្ដីភាគច្រើនមានអាយុលើសប្រពន្ធច្រើន (អស់សមត្ថភាពផ្លូវភេទ)។

ការកើនឡើងនៃបុរសវ័យចំណាស់ដែលពោះម៉ាយ គឺនៅតែបន្ត ពោលគឺបានកើនឡើង៣ភាគរយ បើគិតពីឆ្នាំ២០០៧ មក។

អស់លោកអ្នក ដែលកំពុងទស្សនាគេហទំព័រនេះជាទីគោរព:
អាន ខ្មែរជាគេហទំព័រដែលផ្តល់ពហុអត្ថប្រយោជន៍ និងលើកស្ទួយ ការប្រើប្រាស់អក្សរសាស្រ្តខ្មែរតាមប្រព័ន្ធអ៊ិនធើណែត។ យើងខ្ញុំនឹងខិតខំស្រាវជ្រាវបន្ថែមទៀត ដើម្បីឲ្យគេហទំព័រនេះកាន់តែមានប្រយោជន៍សម្រាប់មនុស្សទូទៅ ពិសេសបងប្អូនប្រជាពលរដ្ឋខ្មែរទាំងក្នុង និងក្រៅប្រទេស។ សូមចូលរួមបរិច្ឆាគធនធានទៅតាមកំលាំងសទ្ធាជ្រះថ្លា ដោយចុចលើប៊ូតុងDonateនៅខាងឆ្វេងដៃ ដើម្បីទ្រទ្រង់គេហទំព័រនេះឲ្យមានដំណើរការជារៀងរហូត។ សូមអរព្រះគុណ និងសូមអរគុណ៕