មាន​អ័រម៉ូន​សិច​ខ្ពស់ ជួយ​កាត់​បន្ថយ​ជំងឺ​បេះ​ដូង​

អ្នកកើតជំងឺគាំងបេះដូង

បុរសវ័យចំណាស់ដែលមានកម្រិតអ័រម៉ូនតេស្តូស្ទេរ៉ូន (អ័រម៉ូនសិច) ខ្ពស់ មានកម្រិតគ្រោះថា្នក់នៃការគាំងបេះដូង និងជំងឺស្រ្ដូកតិច បើប្រៀបធៀបជាមួយបុរសដែលមានកម្រិតអ័រម៉ូននេះតិច។

ក្រុមអ្នកស្រាវជ្រាវបានរកឃើញថា បុរសជនជាតិស៊ុយអែត ២៤០០នាក់ មានអាយុខ្ទង់ ៧០ ទៅ៨០ឆ្នាំ ដែលមានកម្រិតអ័រម៉ូនតេស្តូស្ទេរ៉ូនខ្ពស់ អាចកាត់បន្ថយហានីភ័យនៃជំងឺសាហាវទាំងពីរនេះ បាន នៅក្នុងរយៈពេលពីរបីឆ្នាំលើសអ្នកដទៃទៀត។

ក្នុងចំណោមបុរស ៦០៤នាក់ ដែលមានកម្រិតអ័រម៉ូនសិចនេះទាបបំផុត បានកើតជំងឺគាំងបេះដូង ដល់ទៅ ២១ភាគរយ ឬក៏កើតជំងឺឈឺទ្រូង ឬ ដាច់សរសៃឈាមក្នុងខួរក្បាល។ បើប្រៀបធៀបជាមួយក្រុមបុរសដែលមានអ័រម៉ូននេះខ្ពស់វិញ គឺមានតែ ១៦ភាគរយប៉ុណ្ណោះ ដែលកើតជំងឺទាំងនេះ។

ទោះបីជាយ៉ាងណាក្ដី ការសិក្សាដែលបានបោះពុម្ភផ្សាយនៅក្នុងព្រឹត្តបត្រ Journal of the American College of Cardiology នេះ មិនបានបញ្ជាក់ថា អ័រម៉ូនតេស្តូស្ទេរ៉ូនខ្លួនឯងជាអ្នកបង្កឲ្យកើតជំងឺបេះដូងទេ។

បញ្ហាដែលធ្វើឲ្យអ័រម៉ូនតេស្តូស្ទេរ៉ូនធ្លាក់ចុះទាប គឺដោយសារបញ្ហាសុខភាព ដូចជាការធាត់លើសទម្ងន់ជាដើម លើសឈាម ទឹកនោមផ្អែមជាដើម។

ក្រុមអ្នកវិទ្យាសាស្រ្ដដដែលនេះ បានរកឃើញទៀតថា ក្រុមបុរសដែលមានកម្រិតអ័រម៉ូននេះខ្ពស់បំផុត បានថយចុះនូវកម្រិតហានីភ័យនៃជំងឺបេះដូងបានដល់ទៅ ៣០ភាគរយឯណោះ។

អស់លោកអ្នក ដែលកំពុងទស្សនាគេហទំព័រនេះជាទីគោរព:
អាន ខ្មែរជាគេហទំព័រដែលផ្តល់ពហុអត្ថប្រយោជន៍ និងលើកស្ទួយ ការប្រើប្រាស់អក្សរសាស្រ្តខ្មែរតាមប្រព័ន្ធអ៊ិនធើណែត។ យើងខ្ញុំនឹងខិតខំស្រាវជ្រាវបន្ថែមទៀត ដើម្បីឲ្យគេហទំព័រនេះកាន់តែមានប្រយោជន៍សម្រាប់មនុស្សទូទៅ ពិសេសបងប្អូនប្រជាពលរដ្ឋខ្មែរទាំងក្នុង និងក្រៅប្រទេស។ សូមចូលរួមបរិច្ឆាគធនធានទៅតាមកំលាំងសទ្ធាជ្រះថ្លា ដោយចុចលើប៊ូតុងDonateនៅខាងឆ្វេងដៃ ដើម្បីទ្រទ្រង់គេហទំព័រនេះឲ្យមានដំណើរការជារៀងរហូត។ សូមអរព្រះគុណ និងសូមអរគុណ៕