អ្នកជំងឺមហារីកស្បែកទាំងអស់គួរតែធ្វើលំហាត់ប្រាណឲ្យបាន ២ ម៉ោងកន្លះ ក្នុង មួយសប្តាហ៍ដើម្បីឲ្យឆាប់ជាពីជំងឺមហារីកស្បែក។ កាលពីមុនអ្នកជំងឺភាគច្រើន ត្រូវបានគ្រូពេទ្រ ប្រាប់ឲ្យសំរាក និងកុំបារម្ភពីជំងឺនេះពេក ហើយនេះគឺជាការព្យាបាលដែលហួសសម័យហើយ។តាមការស្រាវជ្រាវថ្មីៗនេះបានបង្ហាញថា ការធ្វើលំហាត់ប្រាណឲ្យបានច្រើន អាចជួយកាត់បន្ថយពីគ្រោះថ្នាក់ដល់ជីវិតដែលបណ្តាលមកពីជំងឺមាហារីកស្បែកនេះ និងអាចជួយឲ្យអ្នកជំងឺឆាប់ជាសះស្បើយទៀតផង។
តាមរបាយការណ៍ដែលមានឈ្មោះថា Move More របស់ Macmillan Cancer Support ដែលជាអង្គការជួយសង្គ្រោះអ្នកក្រីក្ររបស់ ចក្រភពអង់គ្លេស បាននិយាយថា ក្នុងចំណោមអ្នកជំងឺនៅចក្រភពអង់គ្លេស ប្រមាណជាង ២លាននាក់ដែលរូចផុតជីវិតពីជំងឺមហារីកស្បែកនេះ មានជាង ១.៦ លាននាក់ដែលមានកាយសម្បទាមិនដូចដើមទេ។
នេះគឺមកពីអ្នកជំងឺដែលកើតរោគមហារីកស្បែកទាំងនេះមិនបានធ្វើលំហាត់បានឲ្យបានគ្រប់គ្រាន់។ របាយការណ៍នេះបានបញ្ជាក់ទៀតថា អ្នកជំងឺ និងអ្នកដែលទើបតែជាពីជំងឺនេះ គួរតែ ធ្វើលំហាត់ប្រាណឲ្យបាន យ៉ាងតិចណាស់ ១៥០នាទី ក្នុង ១សប្តាហ៍ម្តង ដើម្បីឲ្យដៃជើង និងដងខ្លួនរបស់អ្នកធ្វើចលនា។
ការធ្វើលំហាត់ប្រាណ វាមិនមានអ្វីលំបាកនោះទេ គឺអ្នកអាចធ្វើការកាត់ស្មៅនៅក្នុងសួនច្បាររបស់អ្នក ដើរនៅតាមសួនច្បារសារធារណៈ ឬក៏ហែលទឹកក៏បានដែរ គឺធ្វើយ៉ងណាឲ្យខ្លួន ដៃនិង ជើងរបស់យើងមានចលនាទៅគឺបានហើយ។
លក្ខណៈល្អនៃការធ្វើលំហាត់ប្រាណនេះមួយទៀត គឺធ្វើឲ្យយើងមានភាពរឹងមាំ និងនៅពេលទទួលការព្យាបាលម្តងៗអ្នកនឹងមិនសន្លប់នោះទេ ហើយការហាត់ប្រាណមានប្រយោជន៍ជាច្រើនទៀត។
|
អស់លោកអ្នក ដែលកំពុងទស្សនាគេហទំព័រនេះជាទីគោរព:
|
0 comments:
Post a Comment