បុរសគេងតិចធ្វើឲ្យខ្សោយផ្លូវភេទ

ដូចធ្លាប់ដឹងហើយថា ការគេងមិនគ្រប់គ្រាន់បានធ្វើឲ្យមានសុខភាពទន់ខ្សោយ ឆាប់ចាស់ជ្រីវជ្រួញ ធ្លាក់ចុះផលិតភាពការងារ និងគ្រោះថ្នាក់ក្នុងពេលបើកបរជាដើម ប៉ុន្ដែនាពេលនេះការសិក្សាស្រាវជ្រាវថ្មីមួយ បានបង្ហាញថាបុរសនៅវ័យក្មេងដែលគេងមិនគ្រប់គ្រាន់ នឹងធ្វើឲ្យជីវិតសិចរបស់គេចុះអន់ថយ។

យោងតាមក្រុមអ្នកស្រាវជ្រាវនេះ បានឲ្យដឹងថា ការគេងមិនគ្រប់គ្រាន់ នឹងធ្វើឲ្យកម្រិតអរម៉ូនតេស្តូស្ទេរ៉ូនធ្លាក់ចុះ។ ការធ្លាក់ចុះកម្រិតអ័រម៉ូនភេទបុរសនេះ នឹងធ្វើឲ្យសិចចុះខ្សោយ បាត់បង់ថាមពលក្នុងខ្លួន និងមានភាពតានតឹងជាដើម។

បន្ថែមលើនេះទៀត ការធ្លាក់ចុះអ័រម៉ូនតេស្តូស្ទេរ៉ូន ដែលជាអ័រម៉ូន ដែលដើរតួនាទីសំខាន់ក្នុងការអភិវឌ្ឍន៍រាងកាយបុរស ដែលមានន័យថានឹងធ្វើឲ្យសាច់ដុំទន់ខ្សោយ ឆ្អឹងមិនរឹងមាំ នឹងធ្វើឲ្យធាត់លើសទម្ងន់។

លោកបណ្ឌិត Eve Van Cauter មកពីសាកលវិទ្យាល័យឈីកាហ្គោ ដែលជាអ្នកដឹកនាំការស្រាវជ្រាវនេះ បានបញ្ជាក់ថា ការធ្លាក់ចុះអ័រម៉ូនតេស្តូស្ទេរ៉ូន កើតឡើងដោយសារការគេងតិចពេក។

ការស្រាវជ្រាវនេះបានរកឃើញថា ការគេងតិចជាង៥ម៉ោងក្នុងមួយយប់ លើសរយៈពេល៧ថ្ងៃ នឹងធ្វើឲ្យកម្រិតអ័រម៉ូនតេស្តូស្ទេរ៉ូន ធ្លាក់ចុះប្រមាណ១០ ទៅ១៥ភាគរយ។

លទ្ធផលនៃការស្រាវជ្រាវនេះនឹងត្រូវធ្វើការបោះពុម្ភក្នុងព្រឹត្តបត្រសមាគមវេជ្ជសាស្រ្តអាមេរិកាំង (JAMA)។

អស់លោកអ្នក ដែលកំពុងទស្សនាគេហទំព័រនេះជាទីគោរព:
អាន ខ្មែរជាគេហទំព័រដែលផ្តល់ពហុអត្ថប្រយោជន៍ និងលើកស្ទួយ ការប្រើប្រាស់អក្សរសាស្រ្តខ្មែរតាមប្រព័ន្ធអ៊ិនធើណែត។ យើងខ្ញុំនឹងខិតខំស្រាវជ្រាវបន្ថែមទៀត ដើម្បីឲ្យគេហទំព័រនេះកាន់តែមានប្រយោជន៍សម្រាប់មនុស្សទូទៅ ពិសេសបងប្អូនប្រជាពលរដ្ឋខ្មែរទាំងក្នុង និងក្រៅប្រទេស។ សូមចូលរួមបរិច្ឆាគធនធានទៅតាមកំលាំងសទ្ធាជ្រះថ្លា ដោយចុចលើប៊ូតុងDonateនៅខាងឆ្វេងដៃ ដើម្បីទ្រទ្រង់គេហទំព័រនេះឲ្យមានដំណើរការជារៀងរហូត។ សូមអរព្រះគុណ និងសូមអរគុណ៕