កាហ្វេ
ស្រ្ដីដែលផឹកកាហ្វេចាប់ពី៤ពែងឡើងទៅ ក្នុងមួយថ្ងៃ ក្នុងរយៈពេលច្រើនឆ្នាំ គឺអាចកាត់បន្ថយអត្រាវិវត្តទៅរកជំងឺដ៏គួរឲ្យខ្លាចនេះបានដល់ទៅ២៥ភាគរយ លើសស្រ្ដីទាំងឡាយណាដែលផឹកកាហ្វេតិចជាងមួយពែងក្នុងមួយថ្ងៃ។
ការសិក្សាស្រាវជ្រាវនេះ គួរតែត្រូវបានចាត់ទុកថាជាការស្រាវជ្រាវមួយដ៏គួរឲ្យទុកចិត្តបាន ព្រោះថា ទម្រាំចេញជាលទ្ធផលនេះឡើង ក្រុមអ្នកស្រាវជ្រាវបានចំណាយពេលដល់ទៅ ២៦ឆ្នាំ ហើយធ្វើការសិក្សាទៅលើស្រ្ដីដែលចូលរួមជិត ៧ម៉ឺននាក់ឯណោះ។
លទ្ធផលក៏បានបង្ហាញដែរថា កាហ្វេទាំងពីរប្រភេទ គឺកាហ្វេដែលមានជាតិកាហ្វេអ៊ីន និងកាហ្វេដែលគ្មានជាតិជាតិកាហ្វេអ៊ីន សុទ្ធសឹងតែមានប្រសិទ្ធភាពទាំងពីរ ប៉ុន្ដែចំពោះទឹកតែវិញ មិនត្រូវបានរកឃើញថាអាចកាត់បន្ថយជំងឺមហារីកស្បូននេះបាននោះទេ។
ការញ៉ាំកាហ្វេជាប្រចាំ បានជួយកាត់បន្ថយនូវកម្រិតអ័ម៉ូនម្យ៉ាងដែលគេជឿថាជាអ័រម៉ូនដែលបង្កជាជំងឺមហារីកស្បូន។
គួរបញ្ជាក់ផងដែរថា ជំងឺមហារីកស្បូនគឺជាជំងឺដែលសាហាវបំផុតសម្រាប់ស្រ្ដី ដែលស្រ្ដីគ្រប់រូបគួរស្វែងយល់ពីវាតាំងពីនៅវ័យក្មេងទៅ។ គ្រាន់តែនៅអង់គ្លេសតែមួយ ជំងឺនេះបានកើតលើស្រ្ដី ៦៤០០នាក់ក្នុងមួយឆ្នាំ ហើយបានផ្ដាច់យកជីវិតអ្នកទាំងនោះ ១០០០នាក់ជារៀងរាល់ឆ្នាំ។
ហានីភ័យនៃជំងឺនេះ បានកើនឡើងទៅតាមអាយុ ទម្ងន់ និងម្ដាយធ្លាប់មាប្រវត្តិកើតជំងឺនេះ (កាន់តែចាស់កាន់តែប្រឈម កាន់តែធាត់ក៏កាន់តែប្រឈម មានម្ដាយធ្លាប់កើតជំងឺនេះ គឺកាន់តែគ្រោះថ្នាក់)។
ក្រុមអ្នកស្រាវជ្រាវដែលមកសាលាសុខភាពសាធារណៈ Harvard ក្នុងសហរដ្ឋអាមេរិក បានថ្លែងថា ការបង្កើនការហាត់ប្រាណ និងការថែរក្សាទម្ងន់ឲ្យស្ថិតនៅធម្មតា គឺជាវិធីដ៏ល្អបំផុតក្នុងការការពារជំងឺមហារីកស្បូន។
ទោះបីជាយ៉ាងណាក្ដី យុទ្ធសាស្រ្ដបន្ថែមដែលគូរប្រើ គឺការញ៉ាំកាហ្វេជាប្រចាំ ប៉ុន្ដែប្រសិនបើអ្នកបន្ថែមនូវស្ករ ឬជាតិក្រែមទៅក្នុងកាហ្វេនោះ គឺវានឹងអស់ឥទ្ធពលដដែល។
|
អស់លោកអ្នក ដែលកំពុងទស្សនាគេហទំព័រនេះជាទីគោរព:
|
0 comments:
Post a Comment