វិធីសាស្ត្រ​ក្នុង​ការ​យក​ខ្សាច់​ចេញពី​ភ្នែក​

ការរស់នៅប្រចាំថ្ងៃតែងតែជួបនូវបញ្ហាជាពិសេសសុខភាព ពេលខ្លះយើងមិនត្រូវចាំតែរកពេទ្យនោះទេ ព្រោះពេទ្យនៅឆ្ងាយដូចនេះយើងត្រុវចេះនូវវិធីសាស្រ្តងាយៗមួយចំនួនពេលត្រុវការបន្ទាន់ខាងក្រោមនេះជាពិធីសាស្រ្តយកខ្សាច់ចេញពីភ្នែក ។ នៅពេលខ្សាច់ចូលភ្នែកបង្កឱ្យមានការឈឺចាប់ដែលអាចបណ្តាលឱ្យ ឆ្កូតកែវភ្នែក ឬឆ្លងមេរោគ។ ការព្យាបាលជាបឋមឱ្យបានត្រឹមត្រូវមានសារសំខាន់ណាស់ក្នុងការបន្ថយ គ្រោះថ្នាក់នៃការរបួសភ្នែក ឬឆ្លងមេរោគ។ ពេលដែលមានរបស់ប្លែកចូលទៅក្នុងភ្នែក នឹងអាចធ្វើឱ្យមានការឆ្កូតឬដាច់រហែកជាច្រើន។ ការព្យាបាលសម្រាប់ករណីខ្សាច់ចូលភ្នែកគឺដោយការលាងសម្អាតភ្នែក។ ហើយយើងត្រុវការឧបករណ៍ដូចជា ពែងទឹក, ទឹកដប ឬ ទឹកបើកពីរ៉ូប៊ីណេ, សាប៊ូសម្លាប់បាក់តេរី ។ ហើយវិធីសាស្រ្តដែលយើងត្រុវប្រើរួមមាន៖

១. លាងសម្អាតដៃរបស់អ្នកដោយប្រើសាប៊ូសម្លាប់បាក់តេរី។ បន្ទាប់មកលាងសម្អាតពែងដោយប្រើសាប៊ូសម្លាប់មេរោគ ហើយលាងទឹកជម្រះជាតិសាប៊ូឱ្យស្អាត។
២. ចាក់ទឹកឱ្យពេញមាត់កែវដោយប្រើទឹកដប ប៉ុន្តែបើអ្នកគ្មានទឹកដបទេ អ្នកអាចប្រើទឹកបើកពីរ៉ូប៊ីណេបាន ប៉ុន្តែត្រូវបើកទឹកទុកឱ្យហូរចោលរយៈពេល ១ នាទី សិន មុននឹងបង្ហូរចូលពែង (ដើម្បីជៀសវាងពីការប្រើសារធាតុផ្សេងៗដែលនៅក្នុងទឹកដែលជាប់មក ជាមួយពេលទឹកដក់ជាប់នៅក្នុងបំពង់)។
៣. ដាក់ពែងនោះលើកន្លែងរាបស្មើ។ បន្ទាប់មកឱនដាក់ភ្នែករបស់អ្នកក្នុងទឹកនោះ។
៤. ព្រិចភ្នែករបស់អ្នកពេលដែលអ្នកជ្រមុជវាក្នុងទឹកដើម្បីជួយយក ខ្សាច់នោះចេញ។ ជាធម្មតា វាចំនាយពេលពី ១០ ទៅ ២០ នាទី ដើម្បីលាងជម្រះខ្សាច់ចេញអស់ ប៉ុន្តែអ្នកអាចលាងភ្នែករបស់អ្នករហូតដល់ ១៥ នាទី។
៥. ពិនិត្យរកសញ្ញានៃការឆ្លងមេរោគក្នុងរយៈពេល ៤៨ ម៉ោង ក្រោយពេលយកខ្សាច់ចេញពីក្នុងភ្នែក។ គ្រប់ពេលដែលមានរបស់ប្លែកអ្វីមួយប៉ះត្រូវនឹងភ្នែក ឱកាសនៃការឆ្លងនឹងកើតមានឡើង។ សញ្ញានៃការឆ្លងមេរោគ មានដូចជា ភ្នែកឡើងក្រហម, ហើម, និងឈឺចាប់។

អស់លោកអ្នក ដែលកំពុងទស្សនាគេហទំព័រនេះជាទីគោរព:
អាន ខ្មែរជាគេហទំព័រដែលផ្តល់ពហុអត្ថប្រយោជន៍ និងលើកស្ទួយ ការប្រើប្រាស់អក្សរសាស្រ្តខ្មែរតាមប្រព័ន្ធអ៊ិនធើណែត។ យើងខ្ញុំនឹងខិតខំស្រាវជ្រាវបន្ថែមទៀត ដើម្បីឲ្យគេហទំព័រនេះកាន់តែមានប្រយោជន៍សម្រាប់មនុស្សទូទៅ ពិសេសបងប្អូនប្រជាពលរដ្ឋខ្មែរទាំងក្នុង និងក្រៅប្រទេស។ សូមចូលរួមបរិច្ឆាគធនធានទៅតាមកំលាំងសទ្ធាជ្រះថ្លា ដោយចុចលើប៊ូតុងDonateនៅខាងឆ្វេងដៃ ដើម្បីទ្រទ្រង់គេហទំព័រនេះឲ្យមានដំណើរការជារៀងរហូត។ សូមអរព្រះគុណ និងសូមអរគុណ៕