កំប្លែង​រឿង​ខ្លី សំបុត្រ​នឹក​រលឹក​

បូរា បានមកសិក្សានៅក្នុងទីក្រុងភ្នំពេញ បានប្រហែលជិត ២ខែហើយ។ ដោយសារតែភាពសម្បូរបែបនៅក្នុងទីក្រុង បូរាត្រូវការចាយលុយច្រើនជាងនៅពេលដែលវារស់នៅក្នុងស្រុករបស់វា។

វាត្រូវការសម្លៀកបំពាក់ ថ្មី ស្បែកជើងថ្មី និងលុយមួយចំនួនទៀតសម្រាប់នាំសង្សារថ្មីរបស់វាដើរលេងទៀតផង។

តែវាមិនហ៊ានហាមាត់សំលុយពីឪពុកម្តាយវាត្រង់ៗទេ ដូចនេះវាក៏សម្រេចសរសេរសំបុត្រ នឹករលឹកមួយទៅស្រុក។

ជូនចំពោះ ឪពុកម្តាយជាទីស្រលាញ់

បានមករៀននៅភ្នំពេញ បាន២ខែ កូនពិតជារៀនបានច្រើនមែន ហើយវាខុសពីអ្វីដែលនៅស្រុកយើងខ្លាំងណាស់។ នៅក្នុងសាលារៀនកូនរៀនបានច្រើនណាស់ តើឪម៉ែដឹងទេ។ កូនបានសិក្សាពី អាលុយមីញ៉ូម និងសារៈសំខាន់របស់វា ហើយប៉ុន្មានថ្ងៃចុងក្រោយនេះដោយសារតែភ្លៀងច្រើនពេកកូនត្រូវដើរលុយទឹកទៅសាលារៀនទៀតផង។

កូនដឹងថានៅស្រុកក៏មានលិចទឹកដែរ តើមែនទេពុកម៉ែ? តើពុកមានដើរលុយ ដំណាំ និងដើរលុយស្បូវទេ? កូនពិតជានឹកផ្ទះណាស់ ជាពិសេសគឺនឹក ពុកម៉ែតែម្តង។

ឪពុកអាបូរា បានទទួលសំបុត្រភ្លាមក៏សរសេរតបទៅវាវិញភ្លាម
ជូនចំពោះកូនជាទីស្រលាញ់

តើទេសភាពនៅទីក្រុងស្អាតទេកូន? ឪពុកនៅទីនេះមិនដែលហ៊ានទិញមាន់ស៊ីទេ ព្រោះថាទុកប្រាក់ខ្លះសម្រាប់បង់ថ្លៃសាលារៀនរបស់ឯង។ ពួកទេសចរនៅក្នុងស្រុកយើងមិនសូវមានទេ សព្វថ្ងៃនេះ ព្រោះទឹកជន់ពេក ហើយពុកទៅស្តាប់លោកទេសនាក្នុងវត្ត មិនដែលខានទេ។

អស់លោកអ្នក ដែលកំពុងទស្សនាគេហទំព័រនេះជាទីគោរព:
អាន ខ្មែរជាគេហទំព័រដែលផ្តល់ពហុអត្ថប្រយោជន៍ និងលើកស្ទួយ ការប្រើប្រាស់អក្សរសាស្រ្តខ្មែរតាមប្រព័ន្ធអ៊ិនធើណែត។ យើងខ្ញុំនឹងខិតខំស្រាវជ្រាវបន្ថែមទៀត ដើម្បីឲ្យគេហទំព័រនេះកាន់តែមានប្រយោជន៍សម្រាប់មនុស្សទូទៅ ពិសេសបងប្អូនប្រជាពលរដ្ឋខ្មែរទាំងក្នុង និងក្រៅប្រទេស។ សូមចូលរួមបរិច្ឆាគធនធានទៅតាមកំលាំងសទ្ធាជ្រះថ្លា ដោយចុចលើប៊ូតុងDonateនៅខាងឆ្វេងដៃ ដើម្បីទ្រទ្រង់គេហទំព័រនេះឲ្យមានដំណើរការជារៀងរហូត។ សូមអរព្រះគុណ និងសូមអរគុណ៕